Hagai 2:9 - BAIBLO ALOO NGMAMI KLƆUKLƆU Ɔ

⁹ Mawu we he ɔ maa hi fɛu pe momo ɔ. Ma ha kplɔkɔtɔ maa ba ye ma a nɔ, nɛ ni ɔmɛ maa hi si ngɛ tue mi jɔmi mi.” Yawɛ lɛ de.

Hagai 2:9 ပူးပေါင်းရင်းမြစ်များ

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Luka 2:14

“Hɛ mi nyami ha Mawu ngɛ hiɔwe lokoo, nɛ he jɔmi nɛ ba zugba a nɔ ha nihi nɛ e naa a he tsui ɔ!”

Yakobo 2:1

Ye nyɛmimɛ, nyɛ heɔ Nyɔmtsɛ Yesu Kristo nɛ hɛ mi ngɛ nyami ɔ yeɔ, lɔ ɔ he ɔ, nyɛ ko hyɛ nɔ hɛ mi, nɛ nyɛ ko bu ni komɛ pe ni komɛ.

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Mika 5:5

E kɛ tue mi jɔmi maa ba. Ke Asiria bi ɔmɛ ba wa zugba a nɔ nɛ a ba tua wa mɔ ɔmɛ ɔ, wa ma ha wa katsɛmɛ kpanaa amɛ nɛ nyɛɛɔ wa hɛ mi ɔ maa ya nɛ a kɛ mɛ ma ya hwu ta.

Yesaya 60:7

A ma bua Kedar tohi tsuo a nya kɛ ba ha mo, konɛ o kɛ sã bɔ. A kɛ Nebayot agbosuhi ma ba sã bɔ nɛ maa sa Yawɛ hɛ mi ngɛ bɔ sami la tɛ ɔ nɔ. Kɛkɛ ɔ, Yawɛ maa wo e we klɔuklɔu ɔ hɛ mi nyami babauu pe daa a.

Yesaya 66:12

Yawɛ ke, “Ma ha nyɛ ma ná ní kpɔtɔɔ. Je ma amɛ a juetli ma ba hyi nyɛ ma a mi tɔ kaa pa nɛ hyi ywia nga. Nyɛ maa pee kaa bimwɔyo nɛ e nyɛ hɛɛ lɛ dɔdɔɔdɔ ngɛ e tɛ nɔ; bɔɔ kɛkɛ e kɛ lɛ to e kasa nya ngɛ lɛ nyɔ hae, kɛkɛ ɔ, e ngɔ lɛ ngɔ fɔ e tɛ nɔ ekohu.

Hagai 1:8

Nyɛ ya kuɔ yoku ɔmɛ; nyɛɛ poo tso kɛ ba nɛ nyɛ ba ma Mawu we ɔ ekohu; kɛkɛ ɔ, ma na bua jɔmi, nɛ nyɛ ma ja mi ngɛ lejɛ ɔ.

Hagai 2:3

“Anɛ nɔ ko ngɛ nyɛ kpɛti nɛ ma nyɛ kai bɔ nɛ Mawu we ɔ he fɛu ngɛ sa a lo? Jehanɛ lɛɛ kɛ nyɛ na lɛ kɛɛ? E peeɔ nyɛ kaa enɛ ɔ pí nɔ ko saasaa.

Zakaria 2:5

Yawɛ wo si kaa lɛ nitsɛ e maa pee gbogbo nɛ ngɛ kaa la nɛ ngɛ tsoe kɛ bɔle ma a; e maa bu ma a he, nɛ e hɛ mi nyami ɔ maa bɔle ma a.”

Ezekiel 43:5

Yawɛ mumi ɔ wo ye nɔ, nɛ e kɛ mi ya ma mi mi je kue ɔ mi. E hɛ mi nyami ɔ hyi we ɔ tɔ.