Hagai 2:5 - BAIBLO ALOO NGMAMI KLƆUKLƆU Ɔ

⁵ Benɛ nyɛ maa je Egipt ɔ, i wo nyɛ si nɛ ɔ ke ye mumi ɔ kɛ nyɛ maa hi si daa. I kɛ nyɛ ngɛ kɛ mwɔɔ, lɔ ɔ he ɔ, nyɛ ko ye gbeye.

Hagai 2:5 ပူးပေါင်းရင်းမြစ်များ

Kronika II, 20:17

Pi nyɛ nɛ nyɛ maa hwu ta nɛ ɔ. Nyɛɛ lɛɛ nyɛ ya da nyɛ blɔ hehi ngɛ nyɛ ta a nya, nɛ nyɛɛ mlɛ; nyɛ maa na kunimi nɛ Yawɛ maa ye ha nyɛ. Nyɛ Yuda, kɛ Yerusalem bi, nyɛ ko ye gbeye, nɛ nyɛ tsui ko po. Hwɔɔmɛ a je hwɔɔ ɔ, nyɛɛ ya nɛ nyɛɛ kɛ mɛ ya kpe, ejakaa Yawɛ kɛ nyɛ ngɛ!”

Nehemia 9:20

O ha nɛ o mumi kpakpa a tsɔɔ mɛ ní, nɛ o ha mɛ a nya mi ngma, kɛ nyu nɛ a nu.

Nehemia 9:30

O to o tsui si, nɛ o bɔ mɛ kɔkɔ jeha babauu. O ngɔ o mumi ɔ ngɔ wo o gbali ɔmɛ a mi, konɛ a tu munyu ngɔ tsɔɔ mɛ; se o ma a wa tue. Lɔ ɔ he ɔ, o ngmɛɛ a he ha ma kpahi nɛ a ye a nɔ.

Mose II, 19:4

“Nyɛ nitsɛmɛ nyɛ na nɔ́ nɛ i pee Egipt bi ɔmɛ, kɛ bɔ nɛ i kɛ he wami je nyɛ kɛ je Egipt kaa nɔ́ nɛ kɔle pɛli nɔ nɛ nyɛ hii si ngɛ, nɛ i ngɔ nyɛ kɛ ba imi nitsɛ ye ngɔ.

Mose II, 19:6

Se nyɛɛ lɛɛ nyɛ maa pee ye ma klɔuklɔu, nɛ nyɛ ma sɔmɔ mi kaa osɔfohi. Sɛ gbi nɛ ɔ, mo de Israel bi ɔmɛ.”

Mose II, 24:3

Mose ba nɛ e ba bɔ ma a nɔ́ tsuaa nɔ́ nɛ Yawɛ de lɛ ɔ, kɛ mlaa amɛ tsuo nɛ e wo ɔ. Ma a tsuo nya sɔ nɛ a de ke, “Nɔ́ tsuaa nɔ́ nɛ Yawɛ de wɔ ke waa pee ɔ, wa maa pee.”

Mose II, 24:8

Jehanɛ Mose ngɔ muɔ ɔ kɛ fĩa ma a nɔ, nɛ e de ke, “Somi nɛ Yawɛ kɛ nyɛ so ɔ, e nya sɔumi muɔ ji nɛ ɔ nɛ, kaa bɔ nɛ a ngma ngɛ womi nɛ ɔ mi ɔ.”

Mose II, 34:10

Yawɛ de Mose ke “Hyɛ i kɛ Israel ma a ngɛ soe. Ma pee nyakpɛ níhi ngɛ a kpɛti nɛ eko bɛ hyɛ ngɛ je nɛ ɔ mi he ko he ko, aloo ngɛ ma ko ma ko mi. Je ma amɛ tsuo nɛ bɔle mo ɔ maa na ní nguahi nɛ imi Yawɛ, i ngɛ tsue; ejakaa nɔ́ nɛ i yaa pee ha mo ɔ he ngɛ gbeye.

Mose II, 34:8

Mose kɛ he sɔmi kpla si nɛ e ja Mawu.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 41:13

Ejakaa imi ji Yawɛ, o Mawu ɔ nɛ; imi lɛ i ngɛ mo he wami woe ɔ nɛ, i ngɛ mo dee ke, ‘Koo ye gbeye! Ma piɛ o he!’ ”

Zakaria 4:6

Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.

Zakaria 8:13

Nyɛ Yuda bi, kɛ Israel bi, sa a, nyɛ ngɛ kaa gbiɛmi kɛ ha je ma amɛ, se jehanɛ lɛɛ ma he nyɛ yi wami, nɛ nyɛ maa pee gbaami. Lɔ ɔ he ɔ, nyɛ wlua nyɛ; nɛ nyɛ ko ye gbeye!”

Zakaria 8:15

Jã kɛ̃, amlɔ nɛ ɔ, kpakpa nɛ i to kaa ma pee ekohu ji kaa ma gbaa Yerusalem kɛ Yuda tsuo. Lɔ ɔ he ɔ, nyɛ ko ye gbeye.

Mateo 28:5

Bɔfo ɔ de yi ɔmɛ ke, “Nyɛ ko ye gbeye. I le kaa nyɛ ngɛ Yesu nɛ a sɛu ɔ hlae.

Ni Tsumi 27:24

nɛ e de mi ke, ‘Paulo, koo ye gbeye! Ja a kɛ mo ya da Kaisare ɔ hɛ mi kokooko. Mawu na mo mɔbɔ saminya, nɛ e he o kɛ nihi tsuo nɛ ngɛ lɛ ɔ mi ɔ nyɛ yi wami.’

Yoshua 1:9

Ná nɛ o le kaa imi nitsɛ nɛ i ngɛ mo fae ke o he nɛ wa, nɛ o pee kã a nɛ. Koo nu sawale, nɛ o nine mi ko je wu. He tsuaa he nɛ o maa ya a, imi, Yawɛ, o Mawu ɔ, ma piɛ o he kɛ ya.”

Yoshua 8:1

Jehanɛ, Yawɛ de Yoshua ke, “O kɛ tabo ɔ tsuo nyɛɛ kuɔ yo ɔ kɛ ya Ai. Sawale kó nu mo, nɛ o tsui kó po hulɔ. Ma ha o maa ye Ai matsɛ ɔ, kɛ e ma a a nɔ, nɛ zugba a tsuo maa pee nyɛ nɔ.

Kpojemi 1:17

Benɛ i na lɛ ɔ, i nɔ si ngɛ e nane nya kaa nɔ gbogboe. Se e ngɔ e hiɔ nine ngɔ fɔ ye nɔ, nɛ e de mi ke, “Koo ye gbeye! Imi ji kekleekle no kɛ nyagbe no.

Samuel I, 12:20

Se Samuel de mɛ ke, “Nyɛ ko ye gbeye. E ngɛ mi kaa nyɛ ná pee kikɛmɛ a yayami nɛ ɔmɛ tsuo lɛɛ, se kɛ̃, nyɛ ko je Yawɛ se; mohu nyɛ sɔmɔ lɛ kɛ nyɛ tsui tsuo.