Hagai 2:3 - BAIBLO ALOO NGMAMI KLƆUKLƆU Ɔ

³ “Anɛ nɔ ko ngɛ nyɛ kpɛti nɛ ma nyɛ kai bɔ nɛ Mawu we ɔ he fɛu ngɛ sa a lo? Jehanɛ lɛɛ kɛ nyɛ na lɛ kɛɛ? E peeɔ nyɛ kaa enɛ ɔ pí nɔ ko saasaa.

Hagai 2:3 ပူးပေါင်းရင်းမြစ်များ

Kronika I, 22:5

David de e he ke, “We ɔ nɛ ye bi Salomo ma ba ma ha Yawɛ ɔ, e sa nɛ e kle agbo, nɛ́ e he biɛ ngɛ je ɔ mi tsuo. Se ye bi ɔ, jokuɛyo ji lɛ, nɛ e hɛ mi fa we lolo. Lɔ ɔ he ɔ, e hia kaa imi nitsɛ ma bɔni níhi a nya buami kɛ to nyɔngloo.” Enɛ ɔ he je ɔ, David bua tsu mami níhi babauu nya loko e gbo.

Ezra 3:11

Ma kpekpemi ɔ la yi jemi la, kɛ sina la kɛ ha Yawɛ; nɛ munyu nɛ a kɛ heɔ la a nɔ ɔ, a ti mi si abɔ ke, “Yawɛ hi, nɛ e suɔmi nɛ e kɛ suɔ Israel ɔ ngɛ kɛ yaa neneene.” Jehanɛ benɛ a fia Yawɛ we ɔ sisi tomi ɔ ta a, ma kpekpemi ɔ tsuo hwɔ lele nɛ a je Mawu yi.

Ezra 3:12

Benɛ osɔfo ɔmɛ ekomɛ, Levi bi ɔmɛ ekomɛ, we puɔ nya dali ɔmɛ ekomɛ, kɛ nimeli nɛ le bɔ nɛ Mawu we ɔ ngɛ sa a, na Mawu we ɔ sisi tomi nɛ ɔ fiami kikɛ nɛ ɔ, a wo yana boboobo. Se ni kpa amɛ nɛ ngɛ lejɛ ɔ lɛɛ ose ɔ kɛkɛ a ngɛ hee wawɛɛ kɛ ngɛ nyae.

Yesaya 64:10

O ma klɔuklɔu ɔ plɛ pee nga kplanaa. Zion plɛ pee nga nɔ, nɛ Yerusalem pee ma doku.

Ezekiel 7:20

A ngɔ a he dlami ní saminyawiiwi nɛ ɔmɛ kɛ pee amagahi, níhi nɛ a hiee, kɛ níhi nɛ ngɛ tai. Enɛ ɔ he ɔ, Yawɛ ha nɛ a june ɔmɛ plɛ pee níhi nɛ he tsɔ we ha mɛ.

Hagai 2:9

Mawu we he ɔ maa hi fɛu pe momo ɔ. Ma ha kplɔkɔtɔ maa ba ye ma a nɔ, nɛ ni ɔmɛ maa hi si ngɛ tue mi jɔmi mi.” Yawɛ lɛ de.