Hagai 2:23 - BAIBLO ALOO NGMAMI KLƆUKLƆU Ɔ

²³ Jamɛ a ligbi ɔ, ma ngɔ mo, ye tsɔlɔ Zerubabel, Sheatiel bi ɔ, nɛ ma wo mo tsɛ ngɛ ye biɛ mi. Mo ji nɔ nɛ i je blɔ hla.” Yawɛ Tabohiatsɛ ɔ lɛ de.

Hagai 2:23 ပူးပေါင်းရင်းမြစ်များ

La 65:5

O pee ní gbeyegbeyehi kɛ he wa yi wami. Niinɛ, Mawu, mo ji wa yi wami helɔ. Nihi tsuo nɛ ngɛ je ɔ mi he tsuaa he, zugba a nyagbe he ɔmɛ, kɛ wo se tsitsaa lokoo ɔ tsuo, mo o nɔ a ngɔ a hɛ kɛ fɔ.

Lahi 8:6

Koo suɔ nɔ ko nɔ ko, ja imi pɛ; koo la yo ko yo ko nine mi, ja imi pɛ. Suɔmi ngɛ he wami kaa gbenɔ; akɔnɔ hu nya wa kaa gbeje. E mleɔ kaa la, nɛ e tsoɔ gegeege.

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Yesaya 43:10

“Israel ma, mo ji ye we odase. Imi ji nɔ nɛ hla mo, konɛ o pee ye tsɔlɔ, bɔ nɛ pee nɛ o le mi, o he ye nɔ nɛ o ye, nɛ o na nɛ o le kaa imi pɛ ji Mawu. Ye se ɔ, mawu kpa ko be hu, mawu kpa ko hi si hyɛ, nɛ eko be bae gblegbleegble.

Yesaya 49:16

Yerusalem, hyɛ, i ngma o biɛ ngɛ ye dɛ mi, ye hɛ be o nɔ jee gblegbleegble.

Yeremia 22:24

Yawɛ de Matsɛ Yehoyakin, Yuda matsɛ, Yehoyakim bi ɔ ke, “Ligbi abɔ nɛ ye hɛ ngɛ nɛ ɔ, ke mo ji womi nya sɔumi nɔ́ ngɛ ye hiɔ nine nguɛ he po, ma je mo kɛ je lejɛ ɔ,

Mateo 12:18

“Hyɛ, ye tsɔlɔ nɛ i hla a ji nɛ ɔ nɛ; i suɔ lɛ, nɛ i naa e he tsui. Ma ngɔ ye mumi ɔ kɛ wo e mi, nɛ tue gblami nɛ i to ha ma je li ɔmɛ ɔ, e maa fiɛ kɛ tsɔɔ mɛ.

Yohane 6:27

Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

1 Petro 2:4

Nyɛɛ ba Nyɔmtsɛ ɔ ngɔ. Lɛ ji tɛ nɛ hɛ ngɛ nɛ adesa kua lɛ kaa nɔ́ nɛ he be se nami ɔ nɛ. Se Mawu lɛɛ e hla lɛ kaa nɔ́ nɛ he jua wa saminya.