Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hagai 2:22 - BAIBLO ALOO NGMAMI KLƆUKLƆU Ɔ

22 nɛ ma ngɔ nɔ yemi ɔmɛ kɛ a he wami ɔmɛ ngɔ fia si. Ma ha ta zugba lɛ ɔmɛ maa nɔɔ si kɛ a kudɔli ɔmɛ; okpɔngɔ ɔmɛ ma gbo, nɛ a nɔ hili ɔmɛ maa gbe a sibi.

အခန်းကိုကြည့်ပါ။ ကော်ပီ




Hagai 2:22
38 ပူးပေါင်းရင်းမြစ်များ  

Yawɛ ke, “Jamɛ a be ɔ, ma kpɔ okpɔngɔ ɔmɛ ngɛ nyɛ dɛ, nɛ ma kpata nyɛ ta zugba lɛ ɔmɛ a hɛ mi.


Benɛ Gideon we bi ɔmɛ ngɛ titimati lafa etɛ ɔmɛ kpae ɔ, jamɛ a be ɔ mi nɔuu ɔ, Yawɛ ha he nyɛli ɔmɛ hia klaate kɛ wo mɛ nitsɛmɛ a sibi a he. Nɛ ta buli ɔmɛ tsuo tu fo kɛ ho tsitsaa Bet Shita ya ngɛ Zerera kasa nya, kɛ ya su Abel Mehola huzu ɔ nya, ngɛ Tabat kasa nya.


Ma maa te si ngɔ wo ma, nɛ matsɛ yemi maa te si ngɔ wo matsɛ yemi. Hwɔ nɛ nya wa maa ba, nɛ zugba ma mimiɛ ngɛ he tsuaa he.


Ke haomi yi bli kaa wo ɔ, imi Yawɛ nitsɛ ma jɔɔ oslɔke ɔmɛ a he ha mɛ. Nilo pa a tete, nyu maa ta mi. Asiria, he nɔ wolɔ ɔ, ma ba lɛ si, nɛ Egipt tsɛ yemi ɔ hu se maa po.


Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.


Yawɛ ke, “Lɔ ɔ he ɔ, nyɛɛ mlɛ keii kɛ yaa si ligbi ɔ nɛ ma te si nɛ ma po je ma amɛ a nya. I to ye yi mi kaa ma bua je ma amɛ, kɛ nɔ yemi he ɔmɛ a nya, nɛ ma je ye mi mi la nɛ nya wa a kpo kɛ tsɔɔ mɛ. Ejakaa ye mi mi la nɛ ɔ ma kpata je ɔ tsuo hɛ mi.


I kɛ mi mi la nɛ nya wa maa gbla je mahi tsuo nɛ bui mi ɔ a tue kɛ ye ye he lue.” Yawɛ lɛ de.


Ma ngɔ okpɔngɔhi, ta zugba lɛhi, katsɛmɛ, kɛ ta buli slɔɔtoslɔɔto babauu kɛ ngmɛ mɛ okplɔɔ; a maa ye ní nɛ a maa tɔ saminya. Imi, Nyɔmtsɛ Yawɛ lɛ i de.”


E haa ta se poɔ ngɛ je ɔ mi tsuo; e kuɔ kɛ̃ɛ̃hi, kɛ akplɔhi a mi, nɛ e kɛ la sãã ta zugba lɛhi!


E maa to ga kɛ sisi nihi babauu. E ma wo e he nɔ, nɛ e ma kpata nihi babauu a hɛ mi be mi nɛ a hɛ be a he nɔ. Ganɔhi a ganɔ ɔ nitsɛ po, e maa te si ngɔ wo lɛ. Se a ma kpata e hɛ mi; nɛ tsa pi nɔmlɔ adesa he wami nɛ ma tsu nɔ́ nɛ ɔ.


Benɛ mo Yakob Mawu ɔ wo gbi ɔ, okpɔngɔ ɔmɛ, kɛ okpɔngɔ nɔ hili ɔmɛ tsuo gbo kɛ pue si.


Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”


Jehanɛ, Yawɛ kɛ je ma amɛ maa to ní kaa bɔ nɛ e peeɔ ngɛ ta nga nɔ ɔ.


Yawɛ ke, “Ma jé ta zugba lɛ ɔmɛ kɛ je Israel, nɛ ta okpɔngɔhi be Yerusalem hie hu. Kɛ̃ɛ̃hi nɛ a kɛ hwuɔ ta a, ma ku a mi. O matsɛ ɔ ma ha tue mi jɔmi maa ba je ma amɛ a kpɛti. E maa ye tsɛ kɛ maa je wo kpo kɛ yaa su wo kpo; e maa ye tsɛ kɛ maa je Yufrate pa a nya kɛ yaa su zugba a nyagbe he ɔmɛ tɔɔ.”


Israel bi nɛ maa piɛ ngɛ je ma amɛ a kpɛti ɔ, a he ma ba wa kaa jata ngɛ pu mi lohwehi, loo we mi lohwehi a kpɛti. Ke e sɛ a kpɛti kikɛ nɛ ɔ, e maa naa a nɔ, nɛ e ma tsɔtslɔɔ a mi nɛ nɔ ko be nyɛe ma kpɔ mɛ.


Ma doku, ma doku oo, ma doku! Ma pee ma a ma doku! Se nɔ́ nɛ ɔ be mi bae kɛ yaa si nɔ nɛ e sa kaa e tsuɔ nɔ́ nɛ ɔ maa ba; nɛ ma ngɔ ma a kɛ wo e dɛ mi.


Je ma, loo nɔ yemi nɛ be mo sɔmɔe ɔ, a ma kpata e hɛ mi pɛsɛpɛsɛ.


Yawɛ ke, “Ma ha Egipt bi ɔmɛ ma gba ta kɛ wo mɛ nitsɛmɛ a he; nɔ kɛ e nyɛmi, nɔ kɛ e piɛ nine nɔ no, zugba kɛ zugba, ma kɛ ma, matsɛ kɛ matsɛ.


Akɛnɛ Yawɛ Tabohiatsɛ ɔ mi mi fu he je ɔ, e tue gblami ɔ nya wa kaa la nɛ ngɛ nimli tsuo a hɛ mi kpatae ngɛ zugba a nɔ. Nɔ tsuaa nɔ ngɛ lɛ nitsɛ e wami he plee.


Benɛ a hia la a nɛ a bɔni Yawɛ yi jemi pɛ Yawɛ ha nɛ basabasa te si ngɛ he nyɛli ɔmɛ nɛ ba tua Yuda a a kpɛti, nɛ a fia a he ní. Mɛ ji Amon, Moab kɛ Edom bihi.


Saul e buli ɔmɛ nɛ ngɛ Gibea ngɛ Benyamin ɔ na Filisti bi ɔmɛ nɛ a gbɛ fĩa, nɛ́ a ngɛ fo tue nɛ a li he nɛ a yaa.


Benɛ Farao ɔ we okpɔngɔ ɔmɛ, ta zugba lɛ ɔmɛ, kɛ okpɔngɔ ta buli ɔmɛ sɛ wo ɔ mi ɔ, Yawɛ ha nɛ nyu ɔ kpale e se ba ha a nɔ. Se Israel bi ɔmɛ lɛɛ a nyɛɛ zugba gbigbli nɔ kɛ po wo ɔ.


Nyu ɔ kpale ba tsa, nɛ Farao ɔ ta zugba lɛ ɔmɛ, e we okpɔngɔ ta buli ɔmɛ, kɛ e tabo ɔ tsuo nɛ nyɛɛ Israel bi ɔmɛ a se kɛ ya sɛ wo ɔ mi ɔ tlɔ mi nɛ a ti nɔ kake po píɛ.


Ma kplii Egipt bi ɔmɛ a tsui, nɛ a maa nyɛɛ a se; kɛkɛ ɔ, ye hɛ mi maa ba nyami, ejakaa ma ye Farao ɔ kɛ e tabo ɔ, e ta zugba lɛ ɔmɛ, kɛ e we okpɔngɔ ta buli ɔmɛ tsuo a nɔ kunimi.


“E tsɛ̃ Farao ɔ ta zugba lɛ ɔmɛ, kɛ e tabo ɔ tsuo ngɔ wo wo ɔ mi bum! Nɛ e tatsɛ ngua amɛ hu gbo tlɔ Wo Tsu ɔ mi.


Amon bi ɔmɛ, kɛ Moab bi ɔmɛ ya tua Edom bi ɔmɛ, nɛ a kpata a hɛ mi. Benɛ a gbe Edom bi ɔmɛ se ɔ, a plɛ ngɔ kpee a he kɛ ya si a kpata a sibi a hɛ mi.


Ganɔ ɔmɛ tsuo nɛ ngɛ wo nya ma amɛ a mi ɔ ma kple si kɛ je a sɛ ɔmɛ a nɔ. A ma kpa a he bo ngɔ fɔ si; nɛ a ma je a tade ɔmɛ nɛ a lo ní ngɔ wo a mi ɔ ngɛ a he. A maa hi si ngɛ zugba, nɛ a he maa do blibliibli. Gbeye ma ha a he maa hi doe blibliibli be ɔ tsuo ngɛ nɔ́ nɛ ba o nɔ ɔ he.


Ma ngɔ haomi slɔɔtoslɔɔtohi babauu kɛ wo Gog he gbeye. Imi, Nyɔmtsɛ Yawɛ lɛ i de. A maa hwu ta gbeyegbeye ko ngɛ yo ɔmɛ a nɔ. Nimli maa hia klaate kɛ wo a sibi.


Kɛ̃ɛ̃ tsɛ̃li maa gbee senyasenya; ni nɛmɛ nɛ a nane nya sɔɔ a he be mi jee, nɛ ta buli ngɛ ta okpɔngɔhi a nɔ po a yi be wami nae.


Je ma amɛ maa na enɛ ɔ, nɛ zo maa gbe mɛ. A ma yɔse kaa mamoo a he wami ɔ sui he ko saasaa. Sawale maa nu mɛ; a ma ma a nya, nɛ a kɛ a nine nguɛhi maa hɔɔ a tue puɔ mi.


Ma ha nɛ Yuda bi a he maa wa. Mɛ tsuo a maa pee kaa ta buli katsɛmɛ ngɛ ta nya; a maa naa a he nyɛli a nɔ, nɛ a maa pee mɛ kaa zugba zu. I kɛ ye ma a ngɛ saminya, lɔ ɔ he ɔ, ma ha a kɛ a he nyɛli ɔmɛ maa to ní, nɛ ta okpɔngɔ nɔ hili ɔmɛ po a hɛ mi ma pue si.


Je ma kɛ je ma ngɛ ta nɔ; ma kɛ ma hu ja nɔuu, ejakaa Mawu kɛ haomi slɔɔtohi ba a nɔ.


Israel maa ye e he nyɛli ɔmɛ a nɔ kunimi, nɛ e ma kpata mɛ tsuo pɛpɛɛpɛ a hɛ mi.


Jamɛ a be ɔ, je ma tsuaa je ma nɛ maa te si kɛ si Yerusalem ɔ, ma kpata e hɛ mi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ