Hagai 2:19 - BAIBLO ALOO NGMAMI KLƆUKLƆU Ɔ

¹⁹ E ngɛ mi kaa blɛfo be gba mi, nɛ wai tso ɔmɛ, ngmɔkɔ tso ɔmɛ, tsohi nɛ a yiblii ngɔɔ, kɛ oliv tso ɔmɛ wui yiblii lolo lɛɛ, se kɛ je mwɔnɛ ɔ ligbi nɛ ɔ kɛ yaa a, ma gbaa nyɛ.”

Hagai 2:19 ပူးပေါင်းရင်းမြစ်များ

Malaki 3:10

Nyɛɛ ngɔ mi dlami nyɔngmanyɔngma mi kakaaka amɛ tsuo kɛ ba nito he ɔ, konɛ niye ní nɛ hiɛ ngɛ ye we ɔ. Nyɛɛ ka mi nɛ nyɛɛ hyɛ kaa i be hiɔwe saflɛhi blie nɛ ma ha nɛ ní kpakpa babauu maa nɛ ngɔ pue nyɛ nɔ babaaba kaa hiɔmi lo?

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

La 84:12

Yawɛ Tabohiatsɛ lee, nihi nɛ ngɔɔ a hɛ kɛ fɔɔ o nɔ ɔ, a gbaa mɛ!

Mose V, 15:10

Ha lɛ nɔ́ nɛ ngɛ lɛ hiae ɔ faa nɛ kpɛle peemi be mi. Ke o pee ja a, Yawɛ maa gbaa mo ngɛ nɔ́ tsuaa nɔ́ nɛ o ngɛ tsue ɔ mi.

Mose I, 26:12

Isak du ní ngɛ jamɛ a zugba a nɔ, nɛ jamɛ a jeha a, e kpa nɔ́ nɛ e du ɔ yi totoe lafa, ejakaa Yawɛ gbaa lɛ.

La 133:3

Nyɛmimɛ a kake peemi ngɛ kaa bɔ́ ngɛ Hermon yo ɔ nɔ; e ngɛ kaa bɔ́ nɛ ngɛ nɛe ngɛ Zion yo ɔmɛ a nɔ. Lejɛ ɔ nɛ Yawɛ wo si ngɛ ke e maa gbaa e ma a kɛ maa ya neneene.

Yeremia 31:12

A ma ba la ngɛ Zion yo ɔ nɔ kɛ bua jɔmi, nɛ a bua maa jɔ ye nike ní ɔmɛ, blɛfo, wai, oliv nu, to, kɛ na a he. A maa pee kaa ngmɔ nɛ a pue e mi ní ɔmɛ a nɔ nyu; nɔ́ ko nɔ́ ko be mɛ hiae hu.

Yeremia 31:14

Ma ha nɛ osɔfo ɔmɛ maa ye ní kpakpahi nɛ a maa tɔ; ye ma a hu maa ye nɛ a maa tɔ. Imi, Yawɛ lɛ i de.”

Yoel 1:12

Wai tso ɔmɛ, ngmɔkɔ tso ɔmɛ, kɛ tã amɛ ylɔ; nɛ tso kpa amɛ tsuo gbli, nɛ a gbo. Ma a bua jɔmi ɔ se po.

Yoel 2:14

Alini, Yawɛ, nyɛ Mawu ɔ, ma tsake e susumi ngɛ nyɛ he, nɛ e maa gbaa nyɛ kɛ niba ní babauu. Ke e ba mi ja a, nyɛ maa sã niye ní bɔ ha lɛ, nɛ nyɛ maa ngɔ wai kɛ piɛ he.

Mose V, 28:22

Yawɛ ma ha hiɔ nɛ sãã nɔ kaa gugue hiɔ maa ba; e ma ha nɛ aslã kɛ fuumi hiɔ maa ba. Jehanɛ, nyu hwɔ maa ye, pu maa tso, nɛ je mi maa dɔ la wawɛɛ; kɛkɛ ɔ, nyɛ ngmɔ mi níhi a hɛ mi ma kpata. Haomi nɛ ɔmɛ be tae kɛ yaa si nyɛ gbenɔ be.

Hiob 39:12

Anɛ o heɔ yeɔ kaa e ma kpa ní ha mo, nɛ e kɛ o blɛfo ɔ ma ba wo blɛfo gba mi ha mo lo?

Hagai 1:11

I ha nɛ sapu ye nibɔ ní ɔmɛ tsuo; zugba a, yoku ɔmɛ, blɛfo ngmɔ ɔmɛ, wai ngmɔ ɔmɛ, oliv abɔɔ ɔmɛ, nimli adesahi, lohwehi, kɛ nɔ́ tsuaa nɔ́ nɛ a gbo he dengme ɔ, sapu ye mɛ tsuo pɛpɛɛpɛ.”