Hagai 2:18 - BAIBLO ALOO NGMAMI KLƆUKLƆU Ɔ

¹⁸ Mwɔnɛ ɔ ji nyɔhiɔ nɛɛne ɔ we ligbi nyingmi enyɔ kɛ eywiɛ, nɛ mwɔnɛ ɔ ligbi nɛ ɔ, a fia Mawu we ɔ sisi tomi ɔ gbe nya. Kɛ je mwɔnɛ ɔ kɛ yaa a, nyɛɛ to nɔ́ nɛ maa ba a he hɛ.

Hagai 2:18 ပူးပေါင်းရင်းမြစ်များ

Ezra 4:24

Lɔ ɔ he ɔ, Mawu we ɔ nɛ ngɛ Yerusalem he ní tsumi ɔ tlɔ fã jã hluu kɛ ya su Persia matsɛ, Darius yi nɔ jeha enyɔne ɔ.

Mose III, 19:25

Jeha enuɔne ɔ mi lɛɛ nyɛ ma nyɛ maa ye a yiblii ɔmɛ. Ke nyɛ pee ní nɛ ɔmɛ ɔ, tso ɔmɛ maa wo yiblii babauu ha nyɛ. Imi ji Yawɛ, nyɛ Mawu ɔ nɛ.

Hagai 2:10

Matsɛ Darius yi nɔ jeha nɛ ji enyɔ ɔ, nyɔhiɔ nɛɛne ɔ we ligbi nyingmi enyɔ kɛ eywiɛ ɔ, Yawɛ Tabohiatsɛ ɔ, kɛ gbalɔ Hagai tu munyu ekohu.

Hagai 2:15

Yawɛ ke, “Nɔ́ nɛ ba nyɛ nɔ loko nyɛ bɔni Yawɛ we ɔ mami ɔ, nyɛ nɛ́ lo?

Zakaria 4:9

“Zerubabel nɛ fia Mawu we nɛ ɔ sisi tomi ɔ, lɛ nɔuu nɛ maa ma tsu ɔ kɛ gbe nya. Ke nɔ́ nɛ ɔ ba mi pɛ ye ma a maa le kaa imi Yawɛ Tabohiatsɛ ɔ nitsɛ nɛ i tsɔ mo a ngɔ.

Zakaria 8:12

Ma ha tue mi jɔmi maa ba zugba a tsuo nɔ. Hiɔmi maa nɛ; zugba a maa ba ní, nɛ wai tso ɔmɛ maa wo yiblii. Ma ngɔ ní nɛ ɔmɛ tsuo kɛ ha nihi nɛ maa piɛ ngɛ zugba a nɔ.

Zakaria 8:9

Yawɛ Tabohiatsɛ ɔ ke, “Munyuhi nɛ gbali ɔmɛ tu nyɛ benɛ nyɛ ngɛ ye we ɔ sisi tomi ɔ fiae ekohu ɔ, lɔ ɔmɛ nɔuu nyɛ ngɛ nue nɛ ɔ nɛ. Lɔ ɔ he ɔ, nyɛ wlua nyɛ kɛ tsu ní ɔ.

Mose V, 32:29

A nyɛ we nɛ a na nɔ́ he je nɛ a ye a nɔ ɔ; a nui nɔ́ nɛ ba a sisi.