Hagai 2:17 - BAIBLO ALOO NGMAMI KLƆUKLƆU Ɔ

¹⁷ Imi nitsɛ lɛ i ha nyɛ ní ɔmɛ fu ja, nɛ kɔɔhiɔ nɛ nglaa ní, kɛ gbiɛ ngo ngu ba kpata nɔ́ tsuaa nɔ́ nɛ nyɛ gbo he dengme ɔ hɛ mi, se kɛ̃ ɔ, nyɛ tsakee we nyɛ tsui.

Hagai 2:17 ပူးပေါင်းရင်းမြစ်များ

Mose V, 28:22

Yawɛ ma ha hiɔ nɛ sãã nɔ kaa gugue hiɔ maa ba; e ma ha nɛ aslã kɛ fuumi hiɔ maa ba. Jehanɛ, nyu hwɔ maa ye, pu maa tso, nɛ je mi maa dɔ la wawɛɛ; kɛkɛ ɔ, nyɛ ngmɔ mi níhi a hɛ mi ma kpata. Haomi nɛ ɔmɛ be tae kɛ yaa si nyɛ gbenɔ be.

Hagai 1:11

I ha nɛ sapu ye nibɔ ní ɔmɛ tsuo; zugba a, yoku ɔmɛ, blɛfo ngmɔ ɔmɛ, wai ngmɔ ɔmɛ, oliv abɔɔ ɔmɛ, nimli adesahi, lohwehi, kɛ nɔ́ tsuaa nɔ́ nɛ a gbo he dengme ɔ, sapu ye mɛ tsuo pɛpɛɛpɛ.”

Hagai 1:9

“Nyɛ hyɛɛ blɔ kaa ke nyɛ kpa ní ɔ, nyɛ ma na babauu, se bɔbɔyoo pɛ nyɛ naa. Jehanɛ, ke nyɛ ngɔ kɛ ba we mi ɔ, kɛkɛ i ha nɛ e pee kɔɔhiɔ. Mɛni he je i ngɛ ja pee ɔ? Nyɛɛ hyɛ, be mi nɛ ye we ɔ ku kɛ pueɔ si ɔ, nyɛɛ lɛɛ nyɛ ti nɔ tsuaa nɔ ngɛ lɛ nitsɛ e we mae.

Matsɛmɛ I, 8:37

“Ke hwɔ, loo gbenɔ hiɔ, loo tsohi a he hiɔ, loo baalɛ ba zugba a nɔ, aloo ke he nyɛli ba sa o ma mi bi ɔmɛ a yi ngɔ wo a ma amɛ eko mi ɔ, haomi tsuaa haomi, aloo hiɔ tsuaa hiɔ nɛ ji ɔ,

Yeremia 5:3

Anɛ pi anɔkuale yemi pɛ nɛ Yawɛ suɔ lo? Yawɛ fia nyɛ ní, se nyɛ bui fɛɛ. Yawɛ kpata nyɛ hɛ mi, se nyɛ kase we ní kɛ ji mi. Nyɛ kplii nyɛ tsui kaa tɛ sa, nɛ nyɛ kpale we kɛ ji nyɛ yayami ɔmɛ a se.

Kpojemi 2:21

I ha lɛ be, konɛ e kɛ tsake e tsui, se e sume kaa e ma kpa e yakayaka nyɛɛmi ɔ.

Amos 4:6

“Imi lɛ i ha nɛ hwɔ ba nyɛ ma amɛ tsuo a mi ɔ nɛ; se kɛ̃ ɔ, nyɛ kpale we kɛ bɛ ye ngɔ.” Yawɛ lɛ de.

Yeremia 3:24

Baal jami kpata níhi tsuo pɛpɛɛpɛ nɛ wa nɛmɛ ɔmɛ gbo dengme kɛ na ha wɔ blema a, tohi, nahi, kɛ binyumuhi kɛ yihi a hɛ mi.

Yesaya 62:8

Yawɛ ka e he kita, nɛ bɔ nɛ e ngɛ nɔ mi mae ngɛ dee ji, “Ye ma, i be o blɛfo ngɔe kɛ ha o he nyɛli nɛ a ye hu, nɛ o wai nɛ o gbo he dengme ɔ, nibwɔhi ba be nue hu.

Yesaya 42:25

Lɔ ɔ he ɔ, e ha wa nu e mi mi fumi nɛ nya wa a he, nɛ ta nɛ nya wa ba tua wɔ. E mi mi la a mle kɛ wo Israel he kɛ kpe, se a li nɔ́ nɛ ngɛ nɔ yae ɔ; wa kase we nɔ́ ko kulaa kɛ ji mi.

Yesaya 37:27

Nimli nɛ ngɛ ma amɛ a mi lɛɛ a he wami nɔ gbɔ. A tsui po, nɛ bibi gbe mɛ. A pee kaa nga mi tsohi. A pee kaa nga mumu, loo nga nɛ pu sã lɛ, nɛ e ngla ngɛ tsu yi mi.

Yesaya 9:13

Israel bi ɔmɛ kpale we kɛ bɛ Yawɛ Tabohiatsɛ ɔ ngɔ. E ngɛ mi kaa e gbla a tue bɔ nɛ sa lɛɛ,

La 78:46

E ngɔ a ngmɔ ní ɔmɛ ngɔ ha baalɛhi; a tsu ní ha baalɛhi nɛ a ye.

Hiob 36:13

Nihi nɛ li Mawu ɔ, mɛɛ lɛɛ a woɔ a mi mi la kɛ yaa nɔ. Ke a gbla a tue po, a fa we kue kɛ tsɛ balɔ.

Kronika II, 28:22

Kikɛmɛ a Matsɛ Ahaz nɛ ɔ, benɛ e yi ba fi wawɛɛ nitsɛ po, e pee yayami babauu kɛ si Yawɛ pe kekle ɔ.

Kronika II, 6:28

“Ke hwɔ, loo gbenɔ hiɔ, loo tsohi a he hiɔ, loo baalɛ ba zugba a nɔ, aloo ke he nyɛli ba sa o ma mi bi ɔmɛ a yi ngɔ wo a ma amɛ eko mi, haomi tsuaa haomi, aloo hiɔ tsuaa hiɔ nɛ ji ɔ,

Mose I, 42:27

Benɛ a ya su nibwɔhi a to he ɔ, nɛ a ti nɔ kake pɛne e kotoku ɔ nya konɛ e ha e teji ɔ ní ɔ, e na e sika a ngɛ kotoku ɔ nya.

Mose I, 42:23

A li tete kaa Yosef nu nɔ́ nɛ a ngɛ dee ɔ sisi; ejakaa benɛ a kɛ lɛ ngɛ munyu ɔ tue ɔ, nɔ ko je gbi nya ha mɛ.

Mose I, 42:6

Yosef, ganɔ nɛ ngɛ Egipt zugba a nɔ ɔ, ji nɔ nɛ ngɛ blɛfo ɔ juae ha nɔ tsuaa nɔ nɛ ba blɛfo hemi ɔ nɛ. Kɛkɛ nɛ Yosef nyɛmimɛ ɔmɛ ba kpla si ngɛ e hɛ mi, nɛ a kɛ a hɛ mi bu si.

Yesaya 28:2

Nyɔmtsɛ ɔ ngɛ he walɔ katsɛ ko nɛ ma ba tua mɛ. E maa ba kaa gbiɛ ngo ngu; e maa fo dɔ kaa hiɔmi nyu nɛ bee lalaala, nɛ haa pa hyiɔ kɛ ywiaa nga kɛ haa zugba a nɔ.

La 128:2

O ma na o nya mi ngma bɔ nɛ sa kɛ je ní nɛ o tsuɔ ɔ mi; o bua maa jɔ, nɛ e maa hi ha mo.

Hagai 1:6

Nyɛ du ní gidiglɛmɛɛ, se nyɛ kpa bɔbɔyoo pɛ. Nyɛ yeɔ ni, se nyɛ tɔɛ gblee. Nyɛ nuɔ dã, se e sui nyɛ nya. Nyɛ ngɛ heha ní, se e ha we nɛ nyɛ he mi nɛ pee kulɔɔ. Nyɛ yeɔ apaa, nɛ a woɔ nyɛ hiɔ, se nyɛ kɛ woɔ kotoku nɛ sisi gu mi. Yawɛ Tabohiatsɛ ɔ ke, ‘Nyɛ na bɔ nɛ níhi ngɛ yae ha.’

Hagai 2:16

Jamɛ a be ɔ mi ɔ, ke nyɛ ya blɛfo ngmɔ mi, nɛ nyɛ ngɛ blɔ hyɛe kaa nyɛ ma na susumi nɔ́ nyingmi enyɔ ɔ, susumi nɔ́ nyɔngma pɛ nyɛ naa. Nyɛ hyɛ blɔ kaa nyɛ ma na dã buɛ nyingmi enuɔ ngɛ wai muɔ ɔ mi; se nyingmi enyɔ pɛ nyɛ naa.

Malaki 3:11

I be hae nɛ lohwe tsɔwitsɔwihi nɛ kpata nyɛ ngmɔ niba ní ɔmɛ a hɛ mi; nyɛ wai tso ɔmɛ hu maa wo wai yiblii kplanyakplanyaa ngɛ ngmɔ ɔmɛ a nɔ.