Hagai 2:14 - BAIBLO ALOO NGMAMI KLƆUKLƆU Ɔ

¹⁴ Kɛkɛ nɛ Hagai de ke, “Yawɛ ke jã pɛpɛɛpɛ kikɛmɛ a ma nɛ ɔ kɛ e mi bi ngɛ ngɛ ye hɛ mi. Lɔ ɔ he ɔ, nɔ́ tsuaa nɔ́ nɛ a peeɔ, kɛ nihi tsuo nɛ a kɛ ba sãã bɔ ngɛ ye bɔ sami la tɛ ɔ nɔ ɔ, a ble lɛ momo.”

Hagai 2:14 ပူးပေါင်းရင်းမြစ်များ

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

Abɛ Womi 21:27

Yayami peelɔ bɔ ɔ, Yawɛ sume kulaa, hluu nɛ a de ke yi mi tomi yayami piɛ bɔ ɔ he.

Abɛ Womi 21:4

He nɔ womi, kɛ he womi nɛ yiwutsotsɛmɛ nyaa he ɔ, yayami ji lɔ ɔmɛ.

Abɛ Womi 28:9

Nɔ nɛ sume kaa e yeɔ mlaa nɔ ɔ, ke e fa kue ha Mawu po, e bɔ musu.

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

Hosea 9:4

Israel bi be nyɛe maa ngɔ dã ba ha Yawɛ, nɛ ní nɛ a maa ye ɔ ma ble mɛ kaa ya sisi niye ní. A ma nyɛ maa ye kɛ gbe hwɔ kɛkɛ, pi kaa a maa ngɔ kɛ ya sã bɔ ngɛ Yawɛ we ɔ.

Tito 1:15

Nihi nɛ a he tsɔ ɔ, nɔ́ tsuaa nɔ́ he tsɔ ha mɛ. Se nihi nɛ ble a he, kɛ ni nɛmɛ nɛ he we yi ɔ lɛɛ nɔ́ ko nɔ́ ko he tsɔ we ha mɛ; ejakaa a ble a juɛmi, kɛ a he nile tsuo.

Yuda 1:23

nyɛ je ni komɛ hu kɛ je la a mi; nyɛɛ na ni kpa komɛ hu mɔbɔ nɛ gbeye yemi ngɛ mi. Se tadehi nɛ a wo ɔ tete po nyɛɛ hie; ejakaa a kɛ he lo akɔnɔ wo he mu.