Hagai 2:12 - BAIBLO ALOO NGMAMI KLƆUKLƆU Ɔ

¹² Ke nɔ ko ngɔ lo kpɔ ko nɛ a gbaa nɔ ha Mawu kɛ je bɔ sami la tɛ ɔ mi, nɛ e hɛɛ kɛ yaa ngɛ e tade klɔii ɔ mi, ke e ha nɛ e tade ɔ sa niye ní kaa abolo, loo flɔɔ, loo wai, loo nu, loo niye ní saisaa ko he ɔ, anɛ jamɛ a niye ní ɔ hu maa pee nɔ́ nɛ a gbaa nɔ kɛ ha Mawu lo?” Osɔfo ɔmɛ ha heto ke, “Dɛbi!”

Hagai 2:12 ပူးပေါင်းရင်းမြစ်များ

Mose II, 29:37

Moo pee enɛ ɔ daa ligbi kɛ yaa su ligbi nɛ ji kpaago ɔ. Kɛkɛ ɔ, bɔ sami la tɛ ɔ maa pee klɔuklɔu, nɛ nɔ tsuaa nɔ, aloo nɔ́ tsuaa nɔ́ nɛ he maa sa he ɔ hɛ mi ma kpata.

Fiɛlɔ 10:1

Anunu gbogboe haa nɛ tsopa kɛ e he via jeɔ fu. Jã kɛ̃ kuasia jemi bɔɔ gbeɔ nile kɛ hɛ mi nyami a he guɛ.

Ezekiel 44:19

Ke a maa je kpo kɛ ya agbo nya je kue ɔ mi, kɛ ya he nɛ ma a ngɛ ɔ, a je tade ɔmɛ nɛ a wo kɛ sɔmɔ ɔ kɛ pue tsu klɔuklɔu ɔmɛ a mi. A wo tade kpahi, bɔ nɛ pee nɛ heha ní klɔuklɔu nɛ ɔmɛ ko ye ma a awi.

Mose III, 6:27

Nɔ́ tsuaa nɔ́ nɛ he maa sa lo nɛ ɔ he ɔ ma plɛ pee nɔ́ klɔuklɔu; ke e muɔ nɛ a fĩa a eko sɛ tade mi ɔ, a fɔ tade ɔ he ngɛ he ko nɛ ngɛ klɔuklɔu.

Mose III, 6:29

Nyumu tsuaa nyumu ngɛ osɔfo ɔmɛ a weku ɔ mi ma nyɛ maa ye bɔ nɛ ɔ eko; e ji bɔ klɔuklɔu pe kulaa.

Mose III, 7:6

Nyumu tsuaa nyumu ngɛ osɔfo ɔmɛ a weku ɔ mi ma nyɛ maa ye. Se a ye lɛ ngɛ he ko nɛ ngɛ klɔuklɔu ejakaa e ji bɔ nɛ ngɛ klɔuklɔu pe kulaa.

Mateo 23:19

Hɛ yuyuili! Te nɔ́ nɛ he jua wa nɛɛ? Nike ní ɔ, aloo bɔ sami la tɛ ɔ nɛ haa nike ní ɔ peeɔ klɔuklɔu ɔ?

Mose V, 33:10

A maa tsɔɔ Israel bi ɔmɛ o mlaa a, konɛ a ye nɔ. A maa sã bɔ ɔmɛ ngɛ o bɔ sami la tɛ ɔ nɔ.