Hagai 1:9 - BAIBLO ALOO NGMAMI KLƆUKLƆU Ɔ

⁹ “Nyɛ hyɛɛ blɔ kaa ke nyɛ kpa ní ɔ, nyɛ ma na babauu, se bɔbɔyoo pɛ nyɛ naa. Jehanɛ, ke nyɛ ngɔ kɛ ba we mi ɔ, kɛkɛ i ha nɛ e pee kɔɔhiɔ. Mɛni he je i ngɛ ja pee ɔ? Nyɛɛ hyɛ, be mi nɛ ye we ɔ ku kɛ pueɔ si ɔ, nyɛɛ lɛɛ nyɛ ti nɔ tsuaa nɔ ngɛ lɛ nitsɛ e we mae.

Hagai 1:9 ပူးပေါင်းရင်းမြစ်များ

Samuel II, 21:1

David yi nɔ ɔ, hwɔ ba zugba a nɔ jeha etɛ sɔuu. Lɔ ɔ he ɔ, David ya bi Yawɛ ga womi, nɛ Yawɛ de lɛ ke, “Saul kɛ e we ɔ ye fɔ kaa a pue muɔ si; ejakaa Saul gbe Gibeon bi ɔmɛ.”

Samuel II, 22:16

Benɛ Yawɛ mi mi fu nɛ e kuɛ wo e he nyɛli ɔmɛ ɔ, wo nyu dɔ ɔmɛ, kɛ je ɔ sisi tomi ɔmɛ je kpo.

Matsɛmɛ II, 19:7

Yawɛ ma ha nɛ Asiria matsɛ ɔ maa nu akeake munyu ko, nɛ nɔ́ nɛ ɔ ma ha nɛ e kpale e se kɛ ho lɛ nitsɛ e ma mi ya, nɛ Yawɛ ma ha nɛ a gbe lɛ ngɛ lejɛ ɔ.”

Hiob 10:2

Mawu, koo bu mi fɔ. Mɛni i pee, loko o kɛ mi ngɛ sane yee kikɛ nɛ ɔ?

Abɛ Womi 11:24

Ni komɛ haa nɔ nɔ́, se kɛ̃ ɔ, a naa ní babauu. Ni komɛ hu, nɔ́ nɛ sa kaa a ha nɔ ɔ, a peeɔ he kpɛle, se a yeɔ ohia.

Abɛ Womi 27:20

Nɔmlɔ adesa hɛngmɛ tɔɛ gblee kɛ nɔ́ hyɛmi, kaa bɔ nɛ gbenɔ hii nɔ hɛ mi kpatae kpamisa nɛ e kpa we ɔ.

Fiɛlɔ 1:8

Nɔ́ tsuaa nɔ́ ngɛ je nɛ ɔ mi ɔ peeɔ pɔtɔ kɛ yaka nɛ hi kalemi; nɔ́ hyɛmi kɛ munyu tumi gbi nɔ nya.

Yesaya 40:7

Ke Yawɛ kɔɔhiɔ fia kɛ gu a nɔ pɛ nga a gbli, kɛkɛ mɔmɔ ɔ hu ngla. Niinɛ, nɔmlɔ adesa ngɛ kaa nga kɛkɛ!

Yesaya 5:10

Wai ngmɔ nɛ na nyɔngma ma hu ligbi kake ɔ ma ha wai yiblii bɔbɔyoo pɛ; nɛ wuhi nɛ a du ngɛ ngmɔ kpa nyɔngma mi ɔ, kpa kake pɛ nɔ yiblii a ma na ngɛ ngmɔ ɔ tsuo mi. A ma hu gbajaa nɛ a ma du ní fuu, se yiblii bɔbɔyoo pɛ a ma na kɛ maa je a dengme gbomi ɔ mi.”

Yeremia 12:13

Ye ma mi bi ɔmɛ du ngma, se a kpa mio mohu. A gbo dengme, se nɔ́ ko nɔ ko ji mi kɛ bɛ. A ngmɔ ɔmɛ bɛ ní, ejakaa ye mi mi fu mɛ wawɛɛ nitsɛ.”

Ezekiel 21:31

Nyɛ maa nu ye abofu nɛ nya wa a he, be mi nɛ ma gli kɛ wo nyɛ kaa la nɛ ngɛ tsoe plamplam. Ma ngɔ nyɛ kɛ wo dikali nɛ le ga nɛ a kɛ kpataa nɔ hɛ mi a dɛ mi.

Mose III, 19:25

Jeha enuɔne ɔ mi lɛɛ nyɛ ma nyɛ maa ye a yiblii ɔmɛ. Ke nyɛ pee ní nɛ ɔmɛ ɔ, tso ɔmɛ maa wo yiblii babauu ha nyɛ. Imi ji Yawɛ, nyɛ Mawu ɔ nɛ.

Hagai 1:4

“Ye ma, anɛ e sa kaa nyɛɛ hi wehi nɛ a ma saminyawiiwi a mi, be mi nɛ imi nitsɛ ye we ɔ ku kɛ pueɔ si lo?

Hagai 1:6

Nyɛ du ní gidiglɛmɛɛ, se nyɛ kpa bɔbɔyoo pɛ. Nyɛ yeɔ ni, se nyɛ tɔɛ gblee. Nyɛ nuɔ dã, se e sui nyɛ nya. Nyɛ ngɛ heha ní, se e ha we nɛ nyɛ he mi nɛ pee kulɔɔ. Nyɛ yeɔ apaa, nɛ a woɔ nyɛ hiɔ, se nyɛ kɛ woɔ kotoku nɛ sisi gu mi. Yawɛ Tabohiatsɛ ɔ ke, ‘Nyɛ na bɔ nɛ níhi ngɛ yae ha.’

Malaki 2:2

nyɛɛ pee nɔ́ nɛ da nɛ nyɛ kɛ wo ye hɛ mi nyami. Ke nyɛ bui nɔ́ nɛ i ngɛ nyɛ dee ɔ tue ɔ, ma gbiɛ nyɛ; nɛ gbaami nɛ i ko gbaa nyɛ ɔ ma plɛ pee tue gblami mohu. Niinɛ, i gbiɛ nyɛ momo, ejakaa nyɛ yi ye mlaa amɛ a nɔ bɔ nɛ sa.

Mose V, 28:38

“Nyɛ ma du ní babauu ngɛ nyɛ ngmɔ mi, se ní bɔɔ pɛ nyɛ ma kpa; ejakaa baalɛ maa ye nyɛ niba ní ɔmɛ.

Kpojemi 2:4

Se kɛ̃ ɔ, i kɛ mo ngɛ sane ko. O sume mi hu kaa bɔ nɛ o suɔ mi sa a.

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.