Hagai 1:4 - BAIBLO ALOO NGMAMI KLƆUKLƆU Ɔ

⁴ “Ye ma, anɛ e sa kaa nyɛɛ hi wehi nɛ a ma saminyawiiwi a mi, be mi nɛ imi nitsɛ ye we ɔ ku kɛ pueɔ si lo?

Hagai 1:4 ပူးပေါင်းရင်းမြစ်များ

Samuel II, 7:2

David de gbalɔ Natan ke, “Hyɛ kaa imi lɛɛ i ngɛ we nɛ a ma kɛ seda mi, be mi nɛ Mawu somi daka a lɛɛ bo tsu mi lɛ e ngɛ!”

Matsɛmɛ II, 5:26

Se Elisha de lɛ ke, “Anɛ benɛ nyumu ɔ kple si kɛ je e zugba lɛ ɔ mi nɛ e kɛ mo ba kpe ɔ, i be lejɛ ɔ ngɛ mumi mi lo? Anɛ be nɛ a kɛ heɔ sika, loo tadehi, loo oliv abɔɔhi, loo wai ngmɔhi, loo tohi, loo nahi, loo mawahi ji nɛ ɔ lo?

La 102:14

Ejakaa o tsɔli ɔmɛ suɔ Zion tɛ ɔmɛ; nɛ lejɛ ɔ zu ɔ po, a mi mi sãã mɛ ngɛ he.

La 74:7

A hule o we klɔuklɔu ɔ, nɛ a mɛ he la. He nɛ a jaa mo ngɛ ɔ, a ble lejɛ ɔ.

Fiɛlɔ 3:3

Be ngɛ nɛ a gbee; nɛ be ngɛ nɛ a tsaa. Be ngɛ nɛ a kuɔ nɔ́ pueɔ si, nɛ be ngɛ nɛ a maa.

Yeremia 22:14

Nɔmlɔ nɛ deɔ ke, “Ma ma mɔ nguaa kɛ e mi hiɔwe tsu agboagbohi”; kɛkɛ nɛ e jeɔ saflɛhi ngɛ tsu ɔmɛ a mi, nɛ e kaa seda tso kɛ woɔ gbogbo ɔmɛ a he, nɛ e saa we ɔ he tsopa tsu saminyayoo ɔ, musu tloo lɛ!

Yeremia 26:18

“Yuda matsɛ, Hezekia yi nɔ ɔ, gbalɔ Mika nɛ je Moreshet ɔ de Yuda ma a tsuo ke, ‘A ma hu Zion kaa a huɔ ngmɔ. Yerusalem ma hyi tɔ kɛ ní kokoehi nɛ a bua nya glekugleku, nɛ yoku ɔ nɔ he nɛ we ɔ maa si ngɛ ɔ ma plɛ pee hue.’

Yeremia 26:6

Lɔ ɔ he ɔ, i ngɛ nyɛ dee ke, ke nyɛ wa tue kɛ mwɔɔ ɔ, lɛɛ ma pee we nɛ ɔ kaa bɔ nɛ i pee Shilo ɔ. Nɛ ma ha nɛ ma nɛ ɔ ma plɛ pee gbiɛmi nɔ́ ko kɛ ha je ma amɛ tsuo.”

Yeremia 33:10

Yawɛ ke, “Nihi deɔ ke hiɛmɛ nɛ ɔ ngɛ kaa nga kplanaa nɔ, he nɛ nimli loo lohwehi be. Niinɛ, ke a de ja a, a nɔ́ da. Yuda ma amɛ pee ma dokuhi, nɛ Yerusalem gbɛjegbɛ ɔmɛ hu a nɔ fɔɔ si gu; nɔmlɔ adesa ko, loo lohwe ko be lejɛ ɔmɛ. Se ngɛ lejɛ ɔmɛ nɔuu ɔ, nyɛ maa nu

Yeremia 33:12

Yawɛ Tabohiatsɛ ɔ ke, “Zugba nɛ ɔ nɛ ngɛ kaa nga kplanaa nɔ, kɛ ma amɛ nɛ plɛ pee ma dokuhi nɛ nɔmlɔ adesa, loo lohwe be a mi ɔ, be ma nɛ hiɛmɛ nɛ ɔ ma ba pee lohwehi a lɛmi he, nɛ to hyɛli kɛ a lohwehi ma ba hi hiɛ ɔ ekohu.

Yeremia 52:13

E sã Yawɛ we ɔ, matsɛ we ɔ, kɛ ni nguahi tsuo nɛ ngɛ Yerusalem ɔ a wehi,

Kɔmɔ Yemi 2:7

Nyɔmtsɛ ɔ sume e bɔ sami la tɛ ɔ hu, nɛ e kua sɔlemi we ɔ. E ha he nyɛli ku mɔ ɔmɛ kɛ pue si. A hwɔ lele ngɛ Yawɛ we ɔ mi kaa bɔ nɛ wa peeɔ ke wa ngɛ nyami ligbi yee ɔ.

Kɔmɔ Yemi 4:1

Hyɛ bɔ nɛ wa sika tsu ɔ pee tuu ha! Hyɛ bɔ nɛ sika tsu ngmingmiingmi ɔ tsake ha. Mawu we ɔ tɛ ɔmɛ gbɛ fĩa gbɛjegbɛ ɔmɛ a nɔ tsuo.

Ezekiel 24:21

ma ngɔ sɛ gbi nɛ ɔ kɛ ha Israel ma a, nɛ ma de mɛ ke, bɔ nɛ imi Nyɔmtsɛ Yawɛ, i de ji nɛ ɔ nɛ: Ma ble ye he klɔuklɔu ɔ, he nɛ nyɛ fĩaa ngɔ fɔɔ nɔ ke nyɛ naa he wami kɛ jeɔ ɔ. We ɔ peeɔ nyɛ fɛu saminya, nɛ nyɛ suɔ kɛ nyɛ tsui tsuo kaa nyɛ maa ya lejɛ ɔ. Ma ha nyɛ bimɛ, yi ɔmɛ kɛ nyumu ɔmɛ tsuo nɛ nyɛ si ngɛ Yerusalem ɔ maa nɔ ngɛ klaate nya.

Mose III, 19:25

Jeha enuɔne ɔ mi lɛɛ nyɛ ma nyɛ maa ye a yiblii ɔmɛ. Ke nyɛ pee ní nɛ ɔmɛ ɔ, tso ɔmɛ maa wo yiblii babauu ha nyɛ. Imi ji Yawɛ, nyɛ Mawu ɔ nɛ.

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.

Hagai 1:3

Kɛkɛ nɛ Yawɛ ngɔ sɛ gbi nɛ ɔ kɛ mane ma a kɛ gu Hagai nɔ ke,

Hagai 1:5

Anɛ nɔ́ nɛ nyɛ ngɛ nae nɛ ɔ, nyɛ kpa we si lolo?

Hagai 1:9

“Nyɛ hyɛɛ blɔ kaa ke nyɛ kpa ní ɔ, nyɛ ma na babauu, se bɔbɔyoo pɛ nyɛ naa. Jehanɛ, ke nyɛ ngɔ kɛ ba we mi ɔ, kɛkɛ i ha nɛ e pee kɔɔhiɔ. Mɛni he je i ngɛ ja pee ɔ? Nyɛɛ hyɛ, be mi nɛ ye we ɔ ku kɛ pueɔ si ɔ, nyɛɛ lɛɛ nyɛ ti nɔ tsuaa nɔ ngɛ lɛ nitsɛ e we mae.

Mateo 6:33

Se nyɛ hla Mawu matsɛ yemi ɔ, kɛ níhi nɛ da ngɛ e hɛ mi ɔ kekle, nɛ a kɛ ní nɛ ɔmɛ tsuo maa piɛ he ngɔ ha nyɛ.

Filipibi 2:21

Ni ɔmɛ kulaa a ti nɔ tsuaa nɔ ko ngɛ lɛ nɔ kake pɛ e nɔ mi foe. Yesu Kristo he sane ɔ pi a kɔmɔ.