Hagai 1:2 - BAIBLO ALOO NGMAMI KLƆUKLƆU Ɔ

² Yawɛ Tabohiatsɛ ɔ de Hagai ke, “Ma a ngɛ dee ke, be nɛ sa kaa a ma Mawu we ɔ sui lolo.”

Hagai 1:2 ပူးပေါင်းရင်းမြစ်များ

Matsɛmɛ II, 12:7

Lɔ ɔ he ɔ, Matsɛ Yoash tsɛ osɔfo Yehoyada, kɛ osɔfo kpa amɛ nɛ e de mɛ ke, “Mɛni he je nɛ nyɛ dla we Yawɛ we ɔ? Jehanɛ, nyɛ ko ngɔ sika ko ngɛ nyɛ asafo bi ɔmɛ a dɛ hu; sika tsuaa sika nɛ nyɛ nine maa su nɔ ɔ, nyɛɛ ngɔ kɛ ba nɛ a kɛ dla Yawɛ we ɔ.”

Ezra 4:23

Benɛ Rehum, Shimshai, kɛ a huɛmɛ ɔmɛ nu womi nɛ Artaherhes ngma a mi munyu ɔ, a pue nɔ amlɔ nɔuu kɛ ho Yerusalem ya, nɛ a ya nyɛ Yuda bi ɔmɛ a nɔ nɛ a kpa ní tsumi ɔ.

Nehemia 4:10

Yuda bi ɔmɛ a nya nygɛ nɔ ngɛ dee ke, “Pɔ tɔ wɔ kɛ nɔ́ tloomi. Ní kokoe ɔmɛ nɛ wa ma je ɔ hiɛ tsɔ. Kɛ wa ma pee kɛ fia gbogbo ɔ kɛɛ?”

Abɛ Womi 22:13

Nɔ́ nɛ hejɔtsɛ deɔ ji, “Jata ngɛ blɔ mi; ke i je kpo ɔ, e maa gbe mi.”

Abɛ Womi 29:25

Ke o ngɛ nɔmlɔ adesa gbeye yee ɔ, o naa haomi; se ke o ngɔ o hɛ kɛ fɔ Yawɛ nɔ ɔ, nɔ́ ko nɔ́ ko be o he sae.

Fiɛlɔ 11:4

Nɔ nɛ slaa kɔɔhiɔ ɔ, e du we ní; nɔ nɛ hyɛɛ bɔku mi ɔ, e kpa we ní.

Fiɛlɔ 3:3

Be ngɛ nɛ a gbee; nɛ be ngɛ nɛ a tsaa. Be ngɛ nɛ a kuɔ nɔ́ pueɔ si, nɛ be ngɛ nɛ a maa.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Hagai 1:1

Persia matsɛ, Darius yi nɔ, jeha enyɔne ɔ mi, nyɔhiɔ ekpane ɔ we kekleekle ligbi ɔ, Yawɛ ngɔ sɛ gbi kɛ gu gbalɔ Hagai nɔ kɛ ha nimli nɛ ɔmɛ: Sheatiel bi Zerubabel, Yuda amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a.

Hagai 1:3

Kɛkɛ nɛ Yawɛ ngɔ sɛ gbi nɛ ɔ kɛ mane ma a kɛ gu Hagai nɔ ke,

Mose IV, 13:31

Se nyumu ɔmɛ nɛ kɛ lɛ ya slaa zugba a de ke, “Wa be nyɛe maa da nimli ɔmɛ a hɛ mi, ejakaa a he wa pe wɔ.”