Hagai 1:14 - BAIBLO ALOO NGMAMI KLƆUKLƆU Ɔ

¹⁴ Yawɛ wo nɔ tsuaa nɔ mumi mi he wami kɛ ha ní tsumi ɔ: Sheatiel bi Zerubabel, Yuda ma a we amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a, kɛ ni ɔmɛ tsuo nɛ je ma se kɛ ba a. Mɛ tsuo a bɔni Yawɛ Tabohiatsɛ, a Mawu ɔ we ɔ he ní tsumi

Hagai 1:14 ပူးပေါင်းရင်းမြစ်များ

Kronika I, 5:26

Enɛ ɔ he je ɔ, Israel Mawu ɔ ha nɛ Asiria matsɛ, Pul (nɛ e biɛ kpa ji Tiglat Pileser a) ba tua a ma a. Tiglat Pileser nuu Ruben, Gad, kɛ Manase wɛtso fa a mi bi ɔmɛ kɛ ya to Hala, Habor, Hara, kɛ Gozan pa a nya. Nɛ lejɛ ɔ ji he nɛ a ngɛ kɛ ba si mwɔnɛ ɔ.

Kronika II, 36:22

Benɛ Sirus ngɛ matsɛ yee ngɛ Persia a, jamɛ a kekleekle jeha a mi ɔ, Yawɛ ha nɛ nɔ́ ko nɛ e de to kɛ gu gbalɔ Yeremia nɔ ɔ ba mi. Yawɛ ha nɛ Sirus wo mlaa nɛ ɔ, nɛ a ngma ngɔ wo womi mi, nɛ e tsɔ ke a ya kane ngɛ e nɔ yemi he ɔmɛ tsuo, konɛ nɔ tsuaa nɔ nɛ nu. E ke,

Ezra 1:1

Benɛ Persia matsɛ, Sirus ba ye tsɛ ɔ, kekleekle jeha a mi ɔ, Yawɛ ha nɛ nɔ́ nɛ lɛ, Yawɛ ɔ de kɛ gu gbalɔ Yeremia nɔ ɔ ba mi. Yawɛ ngɔ juɛmi ko kɛ wo Matsɛ Sirus yi mi kaa e fa nɛ a ngma munyu nɛ ɔ, konɛ a kane nɛ a fiɛ ngɛ e nɔ yemi he ɔ he tsuaa he.

Ezra 1:5

Kɛkɛ nɛ wɛtsoyi ɔmɛ ngɛ Yuda kɛ Benyamin, osɔfo ɔmɛ, Levi bi ɔmɛ, kɛ nihi tsuo nɛ Mawu mumi ɔ ta a he ɔ dla a he, konɛ a ya Yerusalem nɛ a ya ma Yawɛ we ɔ ekohu.

Ezra 5:2

Kɛkɛ nɛ Shealtiel bi Zerubabel, kɛ Yehozadak bi Yoshua ya bɔni Mawu we ɔ mami ekohu, nɛ Mawu gbali ɔmɛ piɛ a he kɛ tsu ní ɔ.

Ezra 5:8

“Nɛnɛ, wa ngɛ hae nɛ o le kaa wa ya Yuda, he nɛ Mawu kpetekpleenyɛ ɔ we ɔ ngɛ ɔ. Wa na kaa a ngɔ tɛ agboagbohi kɛ ngɛ gbogbo ɔ fiae, nɛ a ngɛ tso toe kɛ ngɛ nɔ puee. Ni ɔmɛ ngɛ ní tsumi ɔ tsue kɛ hɛdɔ, nɛ nɔ́ tsuaa nɔ́ ngɛ nɔ yae bɔ nɛ sa.

Nehemia 4:6

Wa ya nɔ wa fia gbogbo ɔ ekohu. E kɛ we kulaa nɛ wa fia kɛ ta gbogbo ɔ kpɛti; ejakaa ma a hɛ dɔ kɛ wo ní tsumi ɔ he.

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

Hagai 1:1

Persia matsɛ, Darius yi nɔ, jeha enyɔne ɔ mi, nyɔhiɔ ekpane ɔ we kekleekle ligbi ɔ, Yawɛ ngɔ sɛ gbi kɛ gu gbalɔ Hagai nɔ kɛ ha nimli nɛ ɔmɛ: Sheatiel bi Zerubabel, Yuda amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a.

Hagai 1:12

Kɛkɛ nɛ Shealtiel Zerubabel, kɛ Yehozadak bi Yoshua, kɛ ma a tsuo nɛ kpale kɛ je ma se ngɛ Babilonia kɛ ba a, pee nɔ́ nɛ Yawɛ, a Mawu ɔ de mɛ ke a pee ɔ, nɛ a bu gbalɔ Hagai, Yawɛ tsɔlɔ ɔ tue, ejakaa Yawɛ nɛ tsɔ lɛ. Ma a tsuo ye gbeye.

Hagai 1:15

ngɛ Matsɛ Darius yi nɔ jeha nɛ ji enyɔ ɔ, nyɔhiɔ ekpane ɔ we ligbi nyingmi enyɔ kɛ eywiɛne ɔ.

Hagai 2:2

E de Hagai ke e de Sheatiel bi Zerubabel, Yuda ma a amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a, kɛ ma a tsuo ke,

Hagai 2:21

nɛ e ya de Zerubabel, amlaalo nɛ hyɛɛ Yuda zugba a nɔ ɔ ke, “Ma mimiɛ hiɔwe kɛ zugba,

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

2 Korintobi 8:16

Wa naa Mawu si kaa e ha Tito suɔmi kɛ gɛjɛmi nɛ e kɛ maa ye bua nyɛ kaa bɔ nɛ i ngɛ pee ɔ.

Hebribi 13:21

e dla nyɛ kɛ pi si kɛ ní tsumi kpakpa sɔuu, konɛ nyɛɛ pee e sɔumi nya ní; nɛ kɛ gu Yesu Kristo nɔ ɔ, e ha nyɛ tsu níhi nɛ maa sa e hɛ mi, konɛ a wo e hɛ mi nyami kɛ je neneene kɛ ya neneene. Amen.