Hagai 1:12 - BAIBLO ALOO NGMAMI KLƆUKLƆU Ɔ

¹² Kɛkɛ nɛ Shealtiel Zerubabel, kɛ Yehozadak bi Yoshua, kɛ ma a tsuo nɛ kpale kɛ je ma se ngɛ Babilonia kɛ ba a, pee nɔ́ nɛ Yawɛ, a Mawu ɔ de mɛ ke a pee ɔ, nɛ a bu gbalɔ Hagai, Yawɛ tsɔlɔ ɔ tue, ejakaa Yawɛ nɛ tsɔ lɛ. Ma a tsuo ye gbeye.

Hagai 1:12 ပူးပေါင်းရင်းမြစ်များ

Mose I, 22:12

Yawɛ bɔfo ɔ de lɛ ke, “O nine nɛ ko sa niheyo ɔ he; koo pee lɛ nɔ́ ko nɔ́ ko. Jehanɛ lɛɛ i na kaa o yeɔ Mawu gbeye, ejakaa o bi kake too ɔ he nɔ́ dɔɛ mo kaa o kɛ lɛ ma ha Mawu.”

Ezra 10:18

Nihi nɛ ngɔ ma se yihi a biɛhi ji nɛ ɔmɛ. Yehozadak binyumu Yoshua kɛ e nyɛminyumu ɔmɛ: Maaseya, Eliezer, Yarib, kɛ Gedalia.

Ezra 5:2

Kɛkɛ nɛ Shealtiel bi Zerubabel, kɛ Yehozadak bi Yoshua ya bɔni Mawu we ɔ mami ekohu, nɛ Mawu gbali ɔmɛ piɛ a he kɛ tsu ní ɔ.

La 112:1

A je Yawɛ yi! A gbaa nɔ nɛ yeɔ Yawɛ gbeye, nɛ e naa e mlaa amɛ a he bua jɔmi saminya a.

Abɛ Womi 1:7

Loko o ma na nile ɔ, ja o ye Yawɛ gbeye. Kuasiahi bui nile, nɛ slɔmi gbi hu a sume.

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Yesaya 1:19

Ke nyɛ maa bu mi tue ɔ, lɛɛ nyɛ maa ye zugba a mi niba ní kpakpa.

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

Hagai 1:1

Persia matsɛ, Darius yi nɔ, jeha enyɔne ɔ mi, nyɔhiɔ ekpane ɔ we kekleekle ligbi ɔ, Yawɛ ngɔ sɛ gbi kɛ gu gbalɔ Hagai nɔ kɛ ha nimli nɛ ɔmɛ: Sheatiel bi Zerubabel, Yuda amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a.

Hagai 1:14

Yawɛ wo nɔ tsuaa nɔ mumi mi he wami kɛ ha ní tsumi ɔ: Sheatiel bi Zerubabel, Yuda ma a we amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a, kɛ ni ɔmɛ tsuo nɛ je ma se kɛ ba a. Mɛ tsuo a bɔni Yawɛ Tabohiatsɛ, a Mawu ɔ we ɔ he ní tsumi

Hagai 2:2

E de Hagai ke e de Sheatiel bi Zerubabel, Yuda ma a amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a, kɛ ma a tsuo ke,

Ni Tsumi 9:31

Bɔ nɛ pee nɛ asafo ɔmɛ nɛ ngɛ Yudea, Galilea, kɛ Samaria tsuo na tue mi jɔmi ji nɛ ɔ nɛ. Nyɔmtsɛ ɔ gbeye yemi ngɛ asafo ɔmɛ a mi. Enɛ ɔ he je ɔ, Mumi Klɔuklɔu ɔ wo asafo ɔmɛ he wami, nɛ a ya nɔ, nɛ nihi babauu ba piɛ a he.

Mose V, 31:12

Moo kpee Israel ma a tsuo kɛ ba: nyumuhi, yihi, jokuɛwi, kɛ nibwɔhi nɛ ngɛ nyɛ ma amɛ a mi ɔ, konɛ nɔ tsuaa nɔ nɛ ba nu, nɛ e wo Yawɛ, nyɛ Mawu ɔ hɛ mi nyami; nɛ a ye mlaa womi nɛ ɔ mi munyu ɔmɛ tsuo a nɔ pɛpɛɛpɛ.

Mose V, 31:13

Ke e pee ja a, nyɛ bimɛ nɛ nui Yawɛ, nyɛ Mawu ɔ mlaa a hyɛ ɔ maa nu, nɛ a maa bu Yawɛ, nyɛ Mawu ɔ; nɛ a maa ye lɛ gbeye a wami ligbi tsuo nɛ́ a maa hi zugba a nɛ nyɛ yaa ngɔ ngɛ Yordan pa a se ɔ nɔ.”

Kolosebi 1:6

Sane kpakpa a ngɛ nɔ yae, nɛ e ngɛ yiblii woe ngɛ je ɔ mi tsuo. Kikɛ nɛ ɔ nɔuu e ngɛ ní tsue ngɛ nyɛ hu nyɛ mi kɛ je ligbi ɔ nɛ nyɛ nu Mawu dloomi ɔ he nɛ nyɛ nu sisi kaa bɔ nɛ e ngɛ anɔkuale mi ɔ.

Hebribi 12:28

Lɔ ɔ he ɔ, nyɛ ha waa na Mawu si, ejakaa e ha wɔ blɔ nya nɛ waa ye tsɛ nɛ be tsakee gblegbleegble. Nyɛ ha waa ngɔ bu, kɛ gbeye yemi kɛ ba ja lɛ kɛ wa tsui tsuo bɔ nɛ maa sa e hɛ mi;