Habakuk 3:6 - BAIBLO ALOO NGMAMI KLƆUKLƆU Ɔ

⁶ Ke e da si ɔ, zugba a mimiɛɔ, ke e wo e hɛ mi nɔ kikɛ nɛ ɔ, ma amɛ a he doɔ blibliibli. E ywia blema yo ɔmɛ; e ba yoku ɔmɛ nɛ ngɛ daa a si; yo nɛ ɔmɛ a nɔ e nyɛɛ blema a nɛ.

Habakuk 3:6 ပူးပေါင်းရင်းမြစ်များ

Mose I, 49:26

E ha mo ngma kɛ mɔmɔhi. E ha mo ní kpakpahi kɛ je blema yoku ɔmɛ a nɔ. Mo Yosef, nɛ a hla mo ngɔ to kɛ je o nyɛmimɛ ɔmɛ a kpɛti ɔ, Mawu nɛ gbaa mo ní nɛ ɔmɛ tsuo.

Nahum 1:5

Yoku mimiɛɔ ngɛ Yawɛ hɛ mi; nɛ yokuhi sileɔ ngɛ e hɛ mi. Ke Yawɛ je e he kpo ɔ, zugba a mimiɛɔ; nɛ je ɔ, kɛ e mi nimli ɔmɛ tsuo a he doɔ blibliibli.

Mose V, 33:15

Tso yiblii ngɔngɔɛhi nɛ ha blema yo ɔmɛ a nɔ.

Ni Tsumi 17:26

Sisije ɔ, nɔmlɔ kake Mawu bɔ, nɛ kikɛmɛ a nɔ kake nɛ ɔ mi je ɔ mi nimli adesahi tsuo je. Lɛ nitsɛ lɛ e ha nɛ a gbɛ fĩa je ɔ mi he tsuaa he. Be, kɛ he nɛ ní ɔmɛ maa hi, kɛ a huzu nya a, lɛ nitsɛ lɛ e to pɛpɛɛpɛ loko e bɔ je ɔ.

Luka 1:50

E naa nihi nɛ buɔ lɛ ɔ mɔbɔ yi nɔhi tsuo.

Hebribi 13:8

Yesu Kristo ɔ, bɔ nɛ e ngɛ hiɛ ɔ, ja nɔuu e ngɛ mwɔnɛ ɔ; nɛ e ngɛ ja nɔuu kɛ yaa neneene.

Mateo 24:35

Hiɔwe kɛ zugba maa be kɛ ho, se ye munyu ɔmɛ lɛɛ a be bee kɛ ho gblegbleegble.

Habakuk 3:10

Benɛ yo ɔmɛ na mo ɔ, a he do blibliibli; hiɔmi nɛ pue si piapiaapia. Muɔ voo ɔ wo gbi, nɛ oslɔke fluku.

Mika 5:8

Israel bi nɛ maa piɛ ngɛ je ma amɛ a kpɛti ɔ, a he ma ba wa kaa jata ngɛ pu mi lohwehi, loo we mi lohwehi a kpɛti. Ke e sɛ a kpɛti kikɛ nɛ ɔ, e maa naa a nɔ, nɛ e ma tsɔtslɔɔ a mi nɛ nɔ ko be nyɛe ma kpɔ mɛ.

Yesaya 51:8

Ejakaa a hɛ mi ma kpata pɛsɛpɛsɛ kaa bo nɛ wɔyewɔye ye, loo kuutu nɛ gɔgɔ ye. Ma ye dami sane ha nyɛ daa, nɛ ma he nyɛ yi wami be tsuaa be; ma ye kunimi ha nyɛ kɛ maa ya neneene.”

Yesaya 51:6

Nyɛ wo nyɛ yi nɔ nɛ nyɛɛ hyɛ hiɔwe, nɛ nyɛɛ kpale hyɛ zugba mi. Hiɔwe maa laa kaa la su ku nɛ se po; zugba ma puplee kaa tako piɛ, nɛ nimli nɛ ngɛ nɔ ɔ ma gbo kaa anunuhi. Se nyɛɛ lɛɛ ma he nyɛ yi wami daa; ma ye kunimi ha nyɛ kɛ maa ya neneene.

La 103:17

Se Yawɛ suɔmi nɛ be nyagbe ɔ ngɛ kɛ ha nihi nɛ yeɔ lɛ gbeye. A weku kɛ nina hu Yawɛ maa pee mɛ kpakpa daa,

La 90:2

Benɛ o na we nɛ o bɔ yo ɔmɛ; benɛ o na we nɛ o bɔ je ɔ, mo ji Mawu nɛ ngɛ kɛ je neneene kɛ yaa si neneene.

La 68:16

Yo nɛ Mawu hla ha e he ɔ, mɛni he je nyɛ yo gojogojoohi nyɛ hɛ ngɛ e nɔ kɔ̃e? Ee, lejɛ ɔ Yawɛ maa hi kɛ maa ya neneene!

Manyadali 5:5

Yo ɔmɛ mimiɛ ngɛ Yawɛ, nɔ nɛ je e he si ngɛ Sinai ɔ hɛ mi. Ee! A mimiɛ ngɛ Yawɛ, Israel Mawu ɔ nitsɛ hɛ mi.

Yoshua 10:42

Yoshua ye matsɛmɛ nɛ ɔmɛ kɛ a zugba amɛ tsuo a nɔ ngɛ ta nɛ e gba si kake too ɔ mi; ejakaa Yawɛ, Israel Mawu ɔ hwu ta ha Israel.

Mose V, 32:8

Nɔ nɛ ngɛ hiɔwe lokoo ɔ, nɔ nɛ dla zugba a ha je ma amɛ, nɛ e to ma tsuaa ma hi he ɔ, lɛ nɛ e ha je ma tsuaa je ma e mawu.

Mose II, 21:31

Ke na a ya gbe nɔ ko binyumu, loo biyo ɔ, a kɛ lɛ nɛ ye ngɛ kikɛmɛ a mlaa nɛ ɔ nɔuu nya.

Mose II, 15:17

O ngɔ mɛ kɛ ba, nɛ o ba to mɛ si ngɛ mo nitsɛ o yo ɔ nɔ he nɛ mo Yawɛ nitsɛ o dla kɛ ha o si himi, he klɔuklɔu nɛ mo Yawɛ nitsɛ o to sisi ɔ.

Hiob 21:18

Anɛ Mawu muɔ yayami peeli kɛ ho hyɛ kaa bɔ nɛ kɔɔhiɔ muɔɔ bunyuku, aloo bɔ nɛ ahumi muɔɔ tsakati kɛ yaa a lo?

La 35:5

Ha nɛ a pee kaa tsakati ngɛ kɔɔhiɔ nya. Ha nɛ Yawɛ bɔfo ɔ nɛ fie mɛ kɛ ho.

Habakuk 1:12

Yawɛ, mo ji Mawu kɛ je blema lokoo. Ye Mawu ji mo, o ngɛ klɔuklɔu, nɛ o ngɛ daa kɛ daa. Yawɛ ye Mawu kɛ ye yi baalɔ; mo nitsɛ nɛ o hla Babilonia bi ɔmɛ, nɛ o ha a te si wo wɔ, konɛ a nyɛ nɛ a gbla wa tue.

Mose II, 15:14

Je ma amɛ nu he, nɛ a tsui po; sawale nu Filisti bi ɔmɛ.

Mose II, 15:15

Edom matsɛmɛ ɔmɛ a he mi jɔ̃; sawale nu Moab nimeli ɔmɛ; Kanaan bi ɔmɛ tsuo a kã a laa.

Mose II, 19:18

Sinai yo ɔ tsuo hyi kɛ la su ku; ejakaa Yawɛ kple si kɛ ba yo ɔ nɔ ngɛ la mi. La su ku ɔ ngɛ si tee kɛ ngɛ hiɔwe yae kaa buɛsa he la su ku, nɛ yo ɔ tsuo mimiɛ wawɛɛ nitsɛ.

Hiob 9:5

E hiaa yohi tlukaa nɛ e wui nɔ ko si; nɛ ke e mi mi fu ɔ, e kpataa a hɛ mi.

La 97:5

Yohi sileɔ kaa wo gbaku ngɛ Yawɛ, je ɔ tsuo Nyɔmtsɛ ɔ hɛ mi.

La 104:32

Ke Yawɛ hyɛ je ɔ, kɛkɛ je ɔ mimiɛ. Ke e ta yo ɔmɛ a he kɛkɛ a je la su ku.