Habakuk 3:4 - BAIBLO ALOO NGMAMI KLƆUKLƆU Ɔ

⁴ E ma kɛ la nylamnylam kaa oslabai; la ngɛ pae plamplam kɛ ngɛ e dɛ mi jee; lejɛ ɔ e he wami ɔ hɔɔ si ngɛ.

Habakuk 3:4 ပူးပေါင်းရင်းမြစ်များ

Mateo 17:2

Benɛ a ngɛ lɛ hyɛe ɔ, e nɔmlɔ tso su tsake; e hɛ mi ngɛ kpɛe kaa pu, nɛ e tade ɔmɛ hiɛ futaa.

Hiob 26:14

Mawu blɔ ɔmɛ a he níhi bɔɔ kɛkɛ nɛ́ wa nu kɛ wa tue ji nɛ ɔmɛ nɛ. E he wami kpetekpleenyɛ nitsɛnitsɛ ɔ lɛɛ mɛnɔ ma nyɛ maa le?

Mose II, 14:20

ngɛ Egipt tabo ɔ, kɛ Israel tabo ɔ a kpɛti. Bɔku ɔ ha diblii wo Egipt bi ɔmɛ, se Israel bi ɔmɛ lɛɛ a hyɛ nɔ. Lɔ ɔ he ɔ, tabo enyɔ ɔmɛ nyɛ we nɛ a su a sibi a he nɛ je kɛ na.

Kpojemi 22:5

Diblii be si hie hu, nɛ kane, loo pu la he be mɛ hiae, ejakaa Nyɔmtsɛ Mawu ma ha mɛ la, nɛ a maa ye matsɛ kɛ maa ya neneene.

1 Timoteo 6:16

Lɛ nɔ kake pɛ ji nɔ nɛ ngɛ daa nɛ e be gboe gblegbleegble; nɛ la nɛ nɔ ko nɔ ko be nyɛe maa hɛ lɛ kɛ su he ɔ bɔle lɛ kɛ kpe. Nɔmlɔ adesa ko adesa ko nɛ́ lɛ hyɛ, nɛ adesa ko be nyɛe maa na lɛ hulɔ. A je e yi daa; e maa ye tsɛ kɛ maa ya neneene! Amen.

Abɛ Womi 18:10

Yawɛ ngɛ kaa mɔ nguaa, he nɛ nimli kpakpahi tuu fo kɛ ya saa we ngɛ nɛ a yi naa wami.

La 104:2

O ngɔ la kɛ ha o he kaa bo; o blɛke hiɔwe mi kaa bo tsu.

Nehemia 9:12

O ngɔ bɔku kɛ tsɔɔ mɛ blɔ piani; se nyɔ mi lɛɛ o ha mɛ la nɛ a kɛ hyɛ a blɔ mi.

Mose II, 13:21

Piani ɔ, Yawɛ nyɛɛɔ a hɛ mi ngɛ bɔku titima mi nɛ e kɛ tsɔɔ mɛ blɔ. Nyɔ mi lɛɛ e nyɛɛɔ a hɛ mi ngɛ la titima mi nɛ e kɛ haa a hyɛɛ nɔ́, konɛ a nyɛ nɛ a nyɛɛ nyɔ kɛ pia.

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.

La 18:12

Gbiɛ ngo ngu, kɛ la je oslabai mi ngɛ e hɛ mi kɛ gblee bɔku kpii ɔ mi kɛ be.

Ezekiel 1:27

Kɛ je e he ko nɛ a ma tsɛ ke e mlɛ mi kɛ kuɔ ɔ, nɔ́ nɛ i na a pee kaa ayawa ngɛ la mi. Kɛ je e mlɛ mi kɛ ya pue sisi ɔ tsuo ngɛ kpɛe kaa la nɛ ngɛ tsoe plamplam.

Ezekiel 43:2

Kɛkɛ nɛ i na Israel Mawu ɔ hɛ mi nyami ɔ nɛ ngɛ kpɛe plamplam kɛ je beleku je kɛ ma. Mawu gbi ngɛ pɛe hoo kɛ ma kaa wo nɛ gli; nɛ lejɛ ɔ tsuo pee hleii kɛ e hɛ mi nyami ɔ.