Habakuk 3:3 - BAIBLO ALOO NGMAMI KLƆUKLƆU Ɔ

³ Mawu je Edom kɛ ma ekohu; Mawu Klɔuklɔu ɔ ngɛ si kplee ngɛ Paran yo ɔmɛ a nɔ kɛ ma. E hɛ mi nyami ɔ ha hiɔwe ɔ tsuo; nɛ a ngɛ e yi jee ngɛ je ɔ mi he tsuaa he.

Habakuk 3:3 ပူးပေါင်းရင်းမြစ်များ

Matsɛmɛ I, 11:18

A je Midian kɛ ho Paran ya; nɛ benɛ a ya su lejɛ ɔ, nyumuhi kpa komɛ ba piɛ a he. Nɛ́ a je lejɛ ɔ, a pue nɔ kɛ ho Egipt ya, nɛ a ya na Egipt matsɛ ɔ. Farao ɔ ha Hadad zugba, kɛ we, kɛ niye ní.

La 113:4

Yawɛ lɛ yeɔ je ma amɛ tsuo a nɔ, nɛ e hɛ mi nyami ɔ kle kɛ be hiɔwe po he.

La 148:13

Nimli nɛ ɔmɛ tsuo nɛ a je Yawɛ yi, ejakaa lɛ nɔ kake too lɛ ngɛ biɛ nɛ kle agbo; e hɛ mi nyami ha zugba a nɔ tsuo kɛ be hiɔwe tete he.

La 3:2

Nɔ́ nɛ a ngɛ dee ji, “Oo, Mawu be e he piɛe fɛɛ!”

La 3:4

Ke i kpa ngmlaa kɛ tsɛ Yawɛ ɔ, e heɔ nɔ ngɛ e yoku klɔuklɔu ɔ nɔ.

La 4:4

Ke nyɛ mi mi fu ɔ, nyɛ ko pee yayami. Ke nyɛ hwɔɔ si ɔ, nyɛɛ pee dii, nɛ nyɛɛ ya nyɛ yi mi.

La 48:10

Mawu, dami sane pɛ o yeɔ; nɛ kaa bɔ nɛ o biɛ ngɛ pɛe ɔ, a ngɛ o yi jee ngɛ je ɔ mi tsuo.

La 68:17

Nyɔmtsɛ ɔ kple si kɛ je Sinai yo ɔ nɔ kɛ ba e he klɔuklɔu ɔ. E kɛ e ta zugba lɛ babauu nitsɛ lɛ ba.

La 9:16

Yawɛ je e he kpo; e ye dami sane, nɛ yayami peeli a nane ya du klama a nɛ mɛ nitsɛmɛ a tsɔ ɔ.

La 9:20

Yawɛ, wo je ma amɛ a he gbeye, konɛ a le kaa nimli adesahi kɛkɛ ji mɛ.

Mose II, 20:18

Benɛ ma a tsuo nu hiɔwe simi ɔ, kɛ titimati pɛmi ɔ, nɛ a na oslabai la a, kɛ la su ku nɛ je ngɛ yo ɔ mi ɔ, a ye gbeye, nɛ a je ya da si ngɛ se banee.

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Yesaya 6:3

A ti nɔ tsuaa nɔ ngɛ e sibi dee boboobo ke, “Klɔuklɔu, klɔuklɔu, klɔuklɔu! Yawɛ Tabohiatsɛ ɔ ngɛ klɔuklɔu! E hɛ mi nyami ɔ hyi je ɔ tsuo.”

Yesaya 64:3

Blema, benɛ o pee nyakpɛ níhi nɛ wa hyɛ we blɔ ɔ, o kple si kɛ ba; yo ɔmɛ mimiɛ ngɛ o hɛ mi!

Yeremia 49:7

Bɔ nɛ Yawɛ Tabohiatsɛ ɔ de ngɛ Edom he ji nɛ ɔ nɛ: “Anɛ Edom bi ɔmɛ a juɛmi ɔ ta lo? Anɛ a ga woli ɔmɛ wui mɛ ga hu lo? Anɛ a nile ɔ se po lo?

Ezekiel 43:2

Kɛkɛ nɛ i na Israel Mawu ɔ hɛ mi nyami ɔ nɛ ngɛ kpɛe plamplam kɛ je beleku je kɛ ma. Mawu gbi ngɛ pɛe hoo kɛ ma kaa wo nɛ gli; nɛ lejɛ ɔ tsuo pee hleii kɛ e hɛ mi nyami ɔ.

Amos 1:12

Ma mɛ Teman ma a, kɛ Bozra mɔ ɔmɛ a he la.”

Obadia 1:9

Sawale maa nu Teman ta hwuli kpanaa amɛ, nɛ a maa gbe Edom ta bulɔ tsuaa ta bulɔ.” Mawu lɛ de.

Habakuk 2:14

Se be ma nɛ je ɔ ma yɔse Yawɛ hɛ mi nyami ɔ kɛ pi si kaa bɔ nɛ wo ɔ hyi tɔ kɛ nyu ɔ.

Mose IV, 10:12

Kɛkɛ nɛ Israel bi ɔmɛ hia kɛ je Sinai nga a nɔ, nɛ a tsa a nyɛɛmi ɔ nɔ hluu kɛ ya si bɔku ɔ ya da si ngɛ Paran nga a nɔ.

Mose V, 33:2

Yawɛ kple si kɛ je Sinai yo ɔ nɔ kaa pu nɛ gba ngɛ Edom yo ɔ nɔ, nɛ e tso ha e ma a kɛ je Paran yo ɔ he. Mawu bɔfohi akpe nyɔngma piɛ e he; a ngɛ kaa la nɛ ngɛ tsoe plamplam ngɛ e hiɔ nɔ.

Mose V, 5:24

‘Hyɛ kaa Yawɛ, wa Mawu ɔ ha nɛ wa na e we agboje, kɛ e hɛ mi nyami ɔ, benɛ wa nu e gbi nɛ e tu munyu kɛ je la a mi ɔ! Mwɔnɛ ɔ, wa na kaa ke Mawu kɛ nɔmlɔ adesa tu munyu po nɔmlɔ adesa ma nyɛ maa hi je mi hɛ ngmengmle.

Samuel I, 25:1

Samuel ba gbo, nɛ Israel ma a tsuo ba bua a he nya nɛ a nyɛ ya ha lɛ. Lɔ ɔ se e, a ya pu lɛ ngɛ e we ɔ mi ngɛ Rama. Pee se ɔ, David pue nɔ kɛ ho Paran nga a nɔ ya.