Habakuk 3:18 - BAIBLO ALOO NGMAMI KLƆUKLƆU Ɔ

¹⁸ ye bua maa jɔ, nɛ ma nya; ejakaa Yawɛ Mawu ɔ ji nɔ nɛ heɔ ye yi wami.

Habakuk 3:18 ပူးပေါင်းရင်းမြစ်များ

Hiob 13:15

Bɔ tsuaa bɔ nɛ pee ɔ, e maa gbe mi sa; i be hɛ nɔ kami ko. Se kɛ̃ ɔ, ma fa ye he ngɛ e hɛ mi.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!

Mika 7:7

Se imi lɛɛ, ma hyɛ Yawɛ blɔ. I kɛ ye hɛ maa fɔ Mawu nɔ, ejakaa lɛ ji nɔ nɛ ma he ye yi wami. Ye Mawu ɔ maa bu mi tue.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

La 25:5

Tsɔɔ mi nɛ ma hi si ngɛ o we anɔkuale ɔ nya, ejakaa mo Mawu ɔ ji ye yi wami helɔ. Daa nɛ ɔ, o nɔ lɛ i ngɔɔ ye hɛ kɛ fɔɔ.

1 Petro 1:8

Nyɛ nɛ́ lɛ hyɛ, se nyɛ suɔ lɛ; amlɔ nɛ ɔ hu nyɛ nɛ́ lɛ, se nyɛ heɔ lɛ yeɔ, nɛ nyɛ naa bua jɔmi nɛ nyɛ nyaa bɔ nɛ e be hie kalemi,

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

Samuel I, 2:1

Hana sɔle nɛ e de ke, “Yawɛ ha ye tsui mi hyi kɛ bua jɔmi; hyɛ bɔ nɛ ye bua jɔ ha ngɛ nɔ́ nɛ e pee ɔ he! I muɔ ye he nyɛli ɔmɛ; ye bua jɔ ye he, ejakaa Mawu ye bua mi!

Mose II, 15:2

Yawɛ ji ye he falɔ kpanaa; lɛ ji nɔ nɛ he ye yi wami. Ma je e yi, ejakaa lɛ ji ye Mawu; ma wo e hɛ mi nyami, ejakaa Tsaatsɛ e Mawu ji lɛ.

La 97:12

Nyɛ dali, nyɛ bua nɛ jɔ nyɛ he ngɛ nɔ́ nɛ Yawɛ pee ɔ he. Nyɛ kai nɔ́ nɛ Mawu klɔuklɔu ɔ pee ha nyɛ ɔ nɛ nyɛɛ na lɛ si.

Yakobo 1:2

Ye nyɛmimɛ, ke nyɛɛ kɛ ka slɔɔtoslɔɔtohi ngɛ kpee ɔ, nyɛ bua nɛ jɔ wawɛɛ mohu;

Luka 2:30

Ejakaa kpɔlɔ ɔ nɛ o wo si ke o ma ha je ɔ, i na lɛ kɛ imi nitsɛ ye hɛ ngmɛ paa.

Yesaya 41:16

O maa fɔ̃ mɛ kɛ ya kɔɔhiɔ mi; nɛ kɔɔhiɔ maa muɔ mɛ kɛ ho. Ahumi maa gbɛ mɛ kɛ fĩa; se moo lɛɛ, o bua maa jɔ saminya; ejakaa imi ji o Mawu ɔ nɛ. O ma je imi! Israel Mawu Klɔuklɔu ɔ, ye yi.

La 85:6

Ha nɛ waa ba nɔ ekohu, konɛ wɔ, o ma a, wa je o yi.

La 33:1

Nyɛ dali tsuo, nyɛ hwɔ lele ngɛ nɔ́ nɛ Yawɛ pee ha nyɛ ɔ he. Nyɛ nihi tsuo nɛ nyɛ buɔ lɛ tue, nyɛ je e yi.

La 149:2

Israel, nya o bɔlɔ ɔ he. Zion bi, nyɛ nya nyɛ matsɛ ɔ he.

La 104:34

Susumi kpakpa nɛ i ngɛ ngɛ e he ɔ, i na nɛ lɛ tsuo sa e hɛ mi, ejakaa lɛ ji nɔ nɛ haa mi bua jɔmi.

Zakaria 10:7

Israel bi a he maa wa kaa ta buli, a bua maa jɔ kaa nihi nɛ ngɛ wai nue. A nina maa na nɔ́ nɛ ɔ, nɛ a ma nya nɔ́ nɛ imi Yawɛ, i pee ha mɛ ɔ he.

Mose V, 12:18

Nyɛɛ kɛ nyɛ bimɛ ɔmɛ, nyɛ sɔmɔli ɔmɛ, kɛ Levi bi ɔmɛ nɛ ngɛ nyɛ ma amɛ a mi ɔ, nyɛɛ ye bɔ sami ní nɛ ɔmɛ ngɛ Yawɛ, nyɛ Mawu ɔ hɛ mi pɛ, ngɛ he kake ɔ nɛ e to nɛ a ja lɛ Yawɛ, nyɛ Mawu ɔ ngɛ ɔ. Nyɛɛ kɛ bua jɔmi nɛ pee nɔ́ tsuaa nɔ́ ngɛ Yawɛ, nyɛ Mawu ɔ hɛ mi ngɛ lejɛ ɔ.

Mose II, 15:1

Kɛkɛ nɛ Mose kɛ Israel bi ɔmɛ la la nɛ ɔ kɛ je Yawɛ yi: “Ma la kɛ je Yawɛ yi, ejakaa e ye kunimi nguaa. E tsɛ̃ okpɔngɔ kɛ e nɔ hilɔ ɔ kɛ wo wo ɔ mi.

Yoel 2:23

“Nyɛ Zion bi, nyɛ nya nɛ nyɛ bua nɛ jɔ ngɛ nɔ́ nɛ Yawɛ, nyɛ Mawu ɔ pee ha nyɛ ɔ he. E ha gbo nyu nɛ ha nyɛ babauu; gbiɛ nyu hu nɛ ha nyɛ bɔ nɛ sa, kaa kekle ko ɔ.

Samuel II, 6:15

David kɛ Israel tsuo ngɔ Yawɛ daka a kɛ ba kɛ lele hwɔmi kɛ koli kpami.

Yesaya 25:9

Ke e ba mi ja a, nɔ tsuaa nɔ ma de ke, “Wa Mawu ji nɛ ɔ nɛ! Wa ngɔ wa hɛ ngɔ fɔ e nɔ, nɛ e kpɔ wɔ. Lɛ ji Yawɛ. Akɛnɛ wa ngɔ wa hɛ ngɔ fɔ e nɔ nɛ́ e he wa yi wami he je ɔ, wa bua jɔ wa he, nɛ wa ngɛ nyae.”