Habakuk 3:13 - BAIBLO ALOO NGMAMI KLƆUKLƆU Ɔ

¹³ O je kpo nɛ o ya he o ma a, kɛ matsɛ ɔ nɛ mo nitsɛ o hla a a yi wami. O fia yiwutsotsɛmɛ ɔmɛ a hɛ mi nyɛɛlɔ ɔ nɔ́ nɛ o gbe, nɛ o kpata e we bi ɔmɛ a hɛ mi butuu.

Habakuk 3:13 ပူးပေါင်းရင်းမြစ်များ

La 110:6

E maa gbla je ma amɛ a tue; nɛ ma amɛ a mi ma hyi tɔ kɛ ni gbogboehi. E ma kpata matsɛmɛ ɔmɛ a hɛ mi ngɛ je ɔ mi tsuo.

La 105:15

“Ye nihi nɛ i pɔ mɛ nu ji nɛ ɔmɛ nɛ; nyɛ ko ye mɛ awi! Ye gbali ji nɛ ɔmɛ nɛ, nyɛ ko ta a he.”

La 105:26

Kɛkɛ nɛ e tsɔ e tsɔlɔ Mose, kɛ Aaron nɛ e hla mɛ ɔ.

La 99:6

E we osɔfohi ji Mose, kɛ Aaron. Nihi nɛ fa kue ha lɛ ɔ, Samuel piɛ a he. Mɛ tsuo a fa kue ha lɛ, nɛ e bu mɛ tue.

La 77:20

O ngɔ Mose kɛ Aaron ngɔ to o ma a nya, nɛ o kpaka mɛ kaa to hyɛlɔ tsɔɔ to.

La 68:7

Mawu, be nɛ o nyɛɛ o ma a hɛ mi, be nɛ o kɛ mɛ gu nga kplanaa a nɔ ɔ,

La 28:8

Yawɛ buɔ e ma a he. Nɔ nɛ e pɔ lɛ nu ɔ, e faa e he, nɛ e baa e yi.

La 20:6

Jehanɛ lɛɛ i le kaa Yawɛ ma he nɔ nɛ e pɔ lɛ nu ɔ yi wami. E maa bu lɛ tue kɛ maa je e hiɔwe klɔuklɔu ɔ; e maa piɛ e he kɛ ye kunimi nguanguahi.

Yoshua 11:12

Yoshua ngɔ ma nɛ ɔmɛ tsuo nɛ e kpata a kɛ a matsɛmɛ ɔmɛ a hɛ mi pɛsɛpɛsɛ kaa bɔ nɛ Yawɛ tsɔlɔ Mose fa lɛ ke e pee ɔ.

Yoshua 11:8

Yawɛ ha Israel bi ɔmɛ ye a nɔ. Israel bi ɔmɛ tua mɛ, nɛ a nyɛɛ a se kɛ ya su Sidon Ngua, kɛ Misrefot Maim ngɛ omleyi je; jehanɛ, a nyɛɛ a se kɛ gu beleku je kɛ ya su Mizpa kɔ̃ ɔ mi tɔɔ. A hwu ta a kɛ ya si be nɛ a gbe he nyɛli ɔmɛ tsuo pɛpɛɛpɛ nɛ nɔ kake po píɛ.

Yoshua 10:42

Yoshua ye matsɛmɛ nɛ ɔmɛ kɛ a zugba amɛ tsuo a nɔ ngɛ ta nɛ e gba si kake too ɔ mi; ejakaa Yawɛ, Israel Mawu ɔ hwu ta ha Israel.

Yoshua 10:24

Benɛ a kɛ matsɛmɛ ɔmɛ ba Yoshua ngɔ ɔ, Yoshua kpee Israel ma a tsuo kɛ ba; nɛ e de asafoatsɛmɛ ɔmɛ nɛ a kɛ lɛ ya ta a ke, “Nyɛɛ hɛ nyɛ kɛ ba nɛ nyɛɛ kɛ nyɛ nanehi ba ma matsɛmɛ nɛ ɔmɛ a kuɛhi a nɔ!” Asafoatsɛmɛ ɔmɛ pee ja.

Yoshua 10:11

Be mi nɛ Amor bi ɔmɛ ngɛ fo tue ngɛ Israel bi ɔmɛ a ta a nya kɛ gu yo kpɛ blɔ ɔ kɛ yaa a, Yawɛ ha gbiɛ ngo ngu nguahi je hiɔwe ba nɔɔ a nɔ. Nihi nɛ gbiɛ ngo ngu ɔ gbe ɔ hiɛ kulaa pe nihi nɛ Israel bi ɔmɛ kɛ klaate gbe.

Yesaya 63:11

Kɛkɛ nɛ ma a kai blema, Yawɛ tsɔlɔ Mose be ɔ, nɛ a bi ke, “Yawɛ nɛ́ je ma a, kɛ a hɛ mi nyɛɛli ɔmɛ kɛ je wo ɔ mi ɔ, jije e ngɛ? Jije nɔ nɛ ngɔ e mumi klɔuklɔu ɔ kɛ wo a mi ɔ ngɛ?

Samuel II, 5:20

David pue nɔ kɛ ho Baal Perazim ya nɛ e ya ye Filisti bi ɔmɛ a nɔ kunimi ngɛ lejɛ ɔ; nɛ e de ke, “Yawɛ gba blɔ kɛ gblee ye he nyɛli ɔmɛ a ta a mi ngɛ ye hɛ mi kaa pa nɛ hia lalaala kɛ bee.” Enɛ ɔ he je nɛ e wo lejɛ ɔ biɛ ke Baal Perazim ɔ nɛ.

La 137:7

Yawɛ, mo kai nɔ́ nɛ Edom bi ɔmɛ pee Yerusalem ligbi ko ɔ. Edom bi ɔmɛ de ke, “Nyɛɛ ku ma a kɛ pue si; nyɛɛ ku lɛ pue si kɛ ya su e sisi tomi ɔmɛ tɔɔ!”

Yesaya 64:1

I ná nɛ hiɔwe mi gba enyɔ nɛ o kple si kɛ ba!

Ezekiel 13:14

Gbogbo ɔ nɛ nyɛ kpa he kalo ɔ maa ku kɛ pue si butuu; e sisi tomi ɔ tsuo maa je kpo. Ee, e maa ku kɛ pue nyɛ nɔ haa bum! Nɛ nyɛ hɛ mi ma kpata. Lɔ ɔ loko nyɛ maa le kaa imi ji Yawɛ!

Amos 9:1

I na Yawɛ nɛ daa si ngɛ bɔ sami la tɛ ɔ hɛ mi. E fa ke, “Nyɛɛ ngɔ nɔ́ kɛ fia titima amɛ nɛ ngɛ Yawɛ we ɔ mi ɔ a yi mi kpɔ ɔmɛ a nɔ wawɛɛ, konɛ tsu ɔ sisi tomi ɔ nɛ mimiɛ, nɛ tsu ɔ nɛ hule ngɔ pue ni ɔmɛ tsuo nɛ ngɛ lejɛ ɔ a nɔ. Ni nɛmɛ nɛ maa piɛ ɔ, ma gbe mɛ ngɛ ta nga nɔ; nɔ ko nɔ ko be fo tue kɛ je, nɛ nɔ kake ngmelu po he be mi jee.