Habakuk 3:11 - BAIBLO ALOO NGMAMI KLƆUKLƆU Ɔ

¹¹ Benɛ o kɛ̃ɛ̃ mi bi ɔmɛ ngɛ la pae kɛ fo vuu vuu, nɛ o we akplɔ ɔ ngɛ kpɛe nylamnylam ɔ, pu kɛ nyɔhiɔ daa si dii ngɛ a hi he ɔmɛ.

Habakuk 3:11 ပူးပေါင်းရင်းမြစ်များ

Yesaya 38:8

Ma ha nɛ nini ɔ nɛ ngɛ pu ngmlɛ nɛ Matsɛ Ahaz pee ɔ nɔ ɔ nɛ kpale kɛ ba se nane hiami nyɔngma.” E ba mi ja; niinɛ Yawɛ ha pu ɔ kpale e se, nɛ nini ɔ nɛ ngɛ pu ngmlɛ ɔ nɔ ɔ kpale e se nane hiami nyɔngma nɛ e nyɛɛ momo ɔ.

Yesaya 28:21

Yawɛ ma je e he wami ɔ kpo kaa bɔ nɛ e pee ngɛ Perazim yo ɔ nɔ, kɛ Gibeon kɔ̃ ɔ mi ɔ, konɛ e kɛ tsu nɔ́ nɛ e to kaa e ma tsu ɔ; níhi nɛ e ma tsu ɔ maa pee nyakpɛ níhi nɛ eko bɛ hyɛ.

La 19:4

Se kɛ̃ ɔ, a nuɔ a he ngɛ je ɔ mi tsuo; a munyu ɔ pɛɛ kɛ yaa je mi nyagbe he tɔɔ. Mawu pee sihi he ha pu ngɛ hiɔwe.

Yesaya 49:2

E ha ye nya mi munyu pee kaa klaate nɛ nya ba. E ngɔ lɛ nitsɛ e nine kɛ bu ye he. E pee mi kaa kɛ̃ɛ̃ mi bi nɛ nya ba, nɛ hɔɔ si ngɛ kotoku mi.

Nahum 3:3

Ta buli nɛ hi okpɔngɔhi a nɔ ba tua ma a; klaate ɔmɛ ngɛ la pãe nylamnylam! Nɛ akplɔ ɔmɛ ngɛ kpɛe plamplam! A bua ni gbogboe ɔmɛ a nya glekuuglekuu; nihi nɛ gbo ɔ hiɛ babauu; a li a yibɔ; a ngɛ mɛ tɛe, nɛ a ngɛ a nɔ nɔe ngɛ a blɔ mi!

Habakuk 3:9

O je o kɛ̃ɛ̃ ɔ kpo, konɛ o tsɛ̃ o kɛ̃ɛ̃ mi bi ɔmɛ. Kɛkɛ nɛ o ha oslabai gba zugba a mi.

Zakaria 9:14

Yawɛ ma kple a nɔ; e ma tsɛ̃ e kɛ̃ɛ̃ mi bi ɔmɛ kaa oslabai nɛ ngɛ gbae. Nyɔmtsɛ Yawɛ ma ha titimati maa pɛ, nɛ e maa nyɛɛ ngɛ lasiogblee mi kɛ maa je leneyi je kɛ ba.