Habakuk 3:10 - BAIBLO ALOO NGMAMI KLƆUKLƆU Ɔ

¹⁰ Benɛ yo ɔmɛ na mo ɔ, a he do blibliibli; hiɔmi nɛ pue si piapiaapia. Muɔ voo ɔ wo gbi, nɛ oslɔke fluku.

Habakuk 3:10 ပူးပေါင်းရင်းမြစ်များ

Hebribi 11:29

Hemi kɛ yemi lɛ ha Israel ma a po Wo Tsu ɔ kaa nɔ́ nɛ zugba gbigbli nɔ nɛ a ngɛ nyɛɛe. Se benɛ Egipt bi ɔmɛ ka kaa mɛ hu a maa pee ja a, a tlɔ wo ɔ mi, nɛ a gbo.

La 93:3

Yawɛ, wo ɔ ngɛ gbi woe; ee, wo ɔ ngɛ pɛe; oslɔke ɔmɛ ngɛ kue kɛ ngmlaa.

Mateo 27:51

Tlukaa a, tsu mi pomi bo nɛ ngɛ sɔlemi we ɔ mi gba enyɔ kɛ je hiɔwe kɛ ba ma si. Zugba mimiɛ, nɛ tɛ sahi a mi gba,

Yeremia 4:24

I hyɛ yo ɔmɛ a nɔ, nɛ yo ɔmɛ ngɛ mimiɛe; yoku ɔmɛ ngɛ mimiɛe kɛ ngɛ yae kɛ ngɛ bae.

Yesaya 43:20

Nga mi lohwe nane eywiɛɛywiɛtsɛmɛ pohu maa wo ye hɛ mi nyami; nga mi gbehi, kɛ dugumahi ma je ye yi. Ejakaa ma ha pahi maa hia kɛ be ngɛ nga kplanaa a nɔ, nɛ ye ma nɛ i hla a ma na nyu maa nu.

Yoshua 4:18

Benɛ osɔfo ɔmɛ nɛ tloo Yawɛ somi daka a je Yordan pa a mi, nɛ a nane ma zugba gbigbli nɔ pɛ, kɛkɛ nɛ Yordan nyu ɔ kpale kɛ ba e blɔ he, nɛ pa a hyi nɛ e ywia nga kaa sa a.

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

Kpojemi 16:12

Enɛ ɔ se ɔ, bɔfo ekpane ɔ plɛ e kplu ɔ mi nɔ́ ɔ ngɔ pue Yufrate pa nguaa a mi. Nyu ɔ mii ngɛ pa a mi, nɛ e kɛ je blɔ ha matsɛmɛ ɔmɛ nɛ maa je beleku je kɛ ba a.

Kpojemi 6:14

Hiɔwe hɛ lɛ kɛ ho kaa womi kpo nɛ a hluɛ̃, nɛ yohi, kɛ zugba kpɔhi nɛ wo bɔle mɛ kɛ kpe tsuo hia kɛ je a blɔ hehi.

Habakuk 3:6

Ke e da si ɔ, zugba a mimiɛɔ, ke e wo e hɛ mi nɔ kikɛ nɛ ɔ, ma amɛ a he doɔ blibliibli. E ywia blema yo ɔmɛ; e ba yoku ɔmɛ nɛ ngɛ daa a si; yo nɛ ɔmɛ a nɔ e nyɛɛ blema a nɛ.

Nahum 1:5

Yoku mimiɛɔ ngɛ Yawɛ hɛ mi; nɛ yokuhi sileɔ ngɛ e hɛ mi. Ke Yawɛ je e he kpo ɔ, zugba a mimiɛɔ; nɛ je ɔ, kɛ e mi nimli ɔmɛ tsuo a he doɔ blibliibli.

Mika 1:4

Yo ɔmɛ maa sile ngɛ e nane sisi kaa hwo gbaku ngɛ la mi; nɔ́ nɛ sile ɔ ma kpa ngɔ pue kɔ̃ ɔmɛ a mi kaa pa nɛ hia kɛ bee ngɛ yoku he kɛ yaa kɔ̃ mi.

Yesaya 55:12

“Nyɛɛ kɛ bua jɔmi maa je lejɛ ɔ. A maa ngɔ nyɛ kɛ je ngɛ tue mi jɔmi mi. Yo ɔmɛ, kɛ yoku ɔmɛ maa hia la, nɛ pu mi tso ɔmɛ tsuo maa fia a dɛ mi.

La 66:6

E ha wo ɔ plɛ pee zugba gbigbli; nɛ nimli adesahi kɛ a nane po wo ɔ. Wa nyá ngɛ lejɛ ɔ ngɛ nɔ́ nɛ o pee ha wɔ ɔ he.

La 65:13

Nga a nɔ pee fɛu kɛ tohi babauu, nɛ dɔ ɔmɛ a mi hyi kpɛkpɛɛkpɛ kɛ blɛfo; nɔ́ tsuaa nɔ́ ngɛ lele hwɔe, nɛ a ngɛ lae kɛ bua jɔmi.

La 18:15

Yawɛ, benɛ o ké o he nyɛli ɔmɛ a yi, nɛ o kɛ abofu wo gbi ɔ, nyu dɔ ɔmɛ je kpo, nɛ je ɔ sisi tomi ɔmɛ fɔɔ si paa.

Nehemia 9:11

O je blɔ kɛ gu wo ɔ mi kɛ ha o ma a, nɛ o kpaka mɛ kɛ nyɛɛ wo ɔ mi ngɛ zugba gbigbli nɔ. Nihi nɛ nyɛɛ a se ɔ gbo tlɔ nyu nɛ mi kuɔ ɔ sisi, kaa bɔ nɛ tɛ muɔ kɛ yaa wo nɛ gli sisi ɔ.

Mateo 8:24

Tlukaa a, wo nɔ kɔɔhiɔ nɛ nya wa ba hia, nɛ oslɔke bɔni kumi kɛ ngɛ lɛ ɔ mi woe. Se Yesu lɛɛ e hwɔ mahe.

La 104:32

Ke Yawɛ hyɛ je ɔ, kɛkɛ je ɔ mimiɛ. Ke e ta yo ɔmɛ a he kɛkɛ a je la su ku.

La 148:7

Nyɛ nihi nɛ ngɛ zugba a nɔ tsuo, nyɛ je Yawɛ yi! Nyɛ wo mi lo nguanguahi, kɛ muɔ voovoohi tsuo, nyɛ je e yi!