Habakuk 2:8 - BAIBLO ALOO NGMAMI KLƆUKLƆU Ɔ

⁸ Nyɛ nɛ nyɛ ha je mahi babauu a ní ɔ, jehanɛ lɛɛ, je ma amɛ nɛ piɛ ɔ maa ha nyɛ hu nyɛ níhi; ejakaa nyɛ kpata nihi a hɛ mi, nɛ nyɛ pee yi wu tso níhi kɛ si zugba a, kɛ ma a, kɛ nihi nɛ ngɛ ma a mi ɔ tsuo.

Habakuk 2:8 ပူးပေါင်းရင်းမြစ်များ

La 137:8

Mo Babilon, ja a kpata o hɛ mi kokooko! A gbaa nɔ nɛ maa pee mo kɛ to nane mi kaa bɔ nɛ o pee wɔ ɔ.

Abɛ Womi 22:23

Yawɛ nitsɛ maa ye jamɛatsɛmɛ ɔmɛ a sane ha mɛ. Ke nɔ ko wo a susuma he gbeye ɔ, Yawɛ maa wo lɛ hu e susuma he gbeye ja nɔuu.

Yesaya 33:1

Musu tloo he nyɛli ɔmɛ! A fia ojo nɛ a sisi nihi; se mɛɛ lɛɛ nɔ ko fiɛ mɛ ojo, nɛ nɔ ko sisi we mɛ hulɔ. A we ojo fiami, kɛ nɔ sisimi ɔ se maa po kɛ̃, nɛ mɛ nitsɛmɛ hu a maa fia mɛ ojo, nɛ a maa sisi mɛ.

Yesaya 33:4

A níhi plɛɔ peeɔ ta yibu ní nɛ a haa gidigidi kaa baalɛhi peeɔ a ní.

Yesaya 47:6

Ye ma a wo ye mi mi la; lɔ ɔ he ɔ, i bui mɛ kaa ye ma hu. I ngɔ mɛ ngɔ wo o sisi, nɛ o nɛ́ mɛ mɔbɔ ko kulaa; nihi nɛ bwɔ po, o wa mɛ yi mi wawɛɛ nitsɛ.

Yeremia 27:7

Je ma amɛ tsuo ma sɔmɔ lɛ, kɛ e bi, kɛ e bibi hluu kɛ yaa si be maa su nɛ lɛ nitsɛ e ma a hɛ mi ma kpata. Jamɛ a be ɔ mi ɔ, lɛ hu e ma ba sɔmɔ je mahi nɛ a he wa, kɛ matsɛmɛ nguanguahi.

Yeremia 30:16

Se jehanɛ lɛɛ, nihi tsuo nɛ kpataa nyɛ hɛ mi ɔ, a ma kpata mɛ hu a hɛ mi. A maa nuu nyɛ he nyɛli ɔmɛ tsuo pɛpɛɛpɛ kɛ ho ma se ya. Nihi tsuo nɛ waa nyɛ yi mi ɔ, a maa wa mɛ hu yi mi. Ni nɛmɛ nɛ haa nyɛ níhi ɔ, a maa ha mɛ hu a níhi.

Yeremia 50:14

“Nyɛ kɛ̃ɛ̃ tsɛ̃li, nyɛ gba ta kɛ wo Babilon he nɛ nyɛ sa ma a yi. Nyɛ tsɛ̃ nyɛ kɛ̃ɛ̃ mi bi ɔmɛ tsuo kɛ wo ma a he, ejakaa a pee yayami kɛ si imi Yawɛ.

Yeremia 50:28

Ni komɛ tu fo kɛ je Babilonia kɛ ba Yerusalem nɛ a ba bɔ ma a amaniɛ bɔ nɛ Yawɛ ye e he lue ngɛ nɔ́ nɛ Babilonia bi ɔmɛ pee lɛ Yawɛ e we ɔ he.

Yeremia 50:37

Ta ma ba na okpɔngɔ ɔmɛ, kɛ zugba lɛ ɔmɛ; ta ma ba na ma se ta buli tsuo nɛ ngɛ Babilonia a; a he wami maa ta, nɛ a maa pee kaa yihi pɛ! A maa ha a juetli tsuo!

Yeremia 51:13

Pahi fuu ngɛ jamɛ a zugba a nɔ, nɛ a juetli hu hiɛ babauu. Se a nyagbe ɔ su; a po a wami kpa a.

Yeremia 51:24

Yawɛ ke, “Yayamihi tsuo nɛ Babilonia kɛ Babilonia ma mi bi ɔmɛ pee Yerusalem he je ɔ, ma gbla a tue nɛ nyɛ maa na kɛ nyɛ hɛngmɛ.

Yeremia 51:44

Ma gbla Babilonia mawu ɔ nɛ a tsɛɛ Bel ɔ tue, nɛ ma je e ju ní ɔmɛ kpo; je ma amɛ be lɛ jae hu. “Babilon gbogbo ɔmɛ ku kɛ pueɔ si.

Yeremia 51:48

Nihi maa je omleyi je kɛ ba kpata Babilonia hɛ mi. Jamɛ a be ɔ, níhi tsuo nɛ ngɛ hiɔwe kɛ zugba a nɔ ɔ ma hwɔ lele.

Yeremia 51:8

Babilonia nɔ si tlukaa, nɛ e hɛ mi kpata. Nyɛ nya awe ha lɛ! Nyɛɛ to e pa amɛ a nɔ tsopa kaa alini e ma na he wami lo.

Ezekiel 28:16

Be nɛ jua yemi ba ngɛ nɔ yae ɔ, amimi yemi hu ba hyi o mi tɔ, nɛ o pee yayami. Lɔ ɔ he ɔ, i ha o je ye yo klɔuklɔu ɔ nɔ; nɛ Mawu bɔfo nɛ bu o he ɔ fie mo kɛ je tɛ ɔmɛ nɛ ngɛ kpɛe kɛ la nylamnylam ɔ a kpɛti.

Ezekiel 39:10

E be hiae kaa a ya lɛ lɛ́, loo a ya poo tso kɛ pee lɛ́. Ejakaa ta hwumi ní nɛ a bua nya a, a kɛ maa pee lɛ́ nɛ a ma slɛ. Nihi nɛ ha a níhi, nɛ a fia mɛ ojo ɔ, Israel bi ɔmɛ hu maa ha a níhi, nɛ a maa fia mɛ ojo ja nɔuu.” Nyɔmtsɛ Yawɛ lɛ de.

Amos 3:10

Yawɛ ke, “Nimli nɛ ɔmɛ a mɔ ɔmɛ hyi tɔ kɛ níhi nɛ a gu ju kɛ yi mi wami blɔhi a nɔ kpɔ ngɛ nihi a dɛ. Bɔ nɛ a yeɔ anɔkuale po, a li.

Obadia 1:15

“Be ɔ su ta nɛ imi Yawɛ, ma kojo je ma amɛ tsuo. Edom, nɔ́ nɛ o pee ɔ, a kɛ maa pee mo. O ní peemi ní ɔmɛ maa kpale ba bu o yi mi.” Mawu lɛ de.

Habakuk 2:10

Gahi nɛ o to nɛ ɔ kɛ zo mohu ba o weku li a nɔ. Nɛ́ o kpata je mahi babauu a hɛ mi ɔ, mo nitsɛ o hɛ mi nɛ o kpata a nɛ.

Habakuk 2:17

O poo Lebanon hue mi tso ɔmɛ ngɔ pue si; jehanɛ lɛɛ pu mi lohwe ɔmɛ nɛ o kpata a hɛ mi ɔ, maa wo o he gbeye. Bɔ nɛ e maa ba ji nɛ ɔ nɛ, ejakaa o kpata nihi a hɛ mi; o pee yi wu tso níhi kɛ si zugba a, kɛ ma a, kɛ nihi nɛ ngɛ ma amɛ a mi ɔ tsuo.

Zakaria 1:15

Se mahi nɛ a he mi jɔ mɛ, nɛ a tue mi hu jɔ mɛ ɔ, ye mi mi fu mɛ wawɛɛ nitsɛ. Ejakaa imi lɛɛ be bɔɔ ko kɛkɛ ye mi mi fu ye ma a, se jamɛ a ma kpa amɛ lɛɛ a ha ye ma a nɔ́ nami ɔ ngɛ nɔ yae mohu.

Zakaria 14:12

Nihi nɛ ma je ta kɛ wo Yerusalem ɔ, nɔ́ nɛ Yawɛ maa pee mɛ ji nɛ ɔ nɛ: be mi nɛ a ngɛ a nane nya a, a he lo ma pɔtɔ; a hɛngmɛ ma pɔtɔ ngɛ to puɔ mi, nɛ a lilɛ ma pɔtɔ ngɛ a nya mi.

Kpojemi 6:10

A kpa ngmlaa wawɛɛ ke, “Nyɔmtsɛ Ope, mo nɛ o ngɛ klɔuklɔu, nɛ o yeɔ anɔkuale! Mɛni be o maa mlɛ kɛ yaa si? Ni ɔmɛ nɛ ngɛ je ɔ mi nɛ a gbe wɔ ɔ, kojo mɛ nɔuu nɛ o gbla a tue!”