Habakuk 2:6 - BAIBLO ALOO NGMAMI KLƆUKLƆU Ɔ

⁶ Nihi nɛ a ye a nɔ mohu maa ye kunimi yeli ɔmɛ a he fɛu, nɛ a maa muɔ mɛ. A ma de ke, “Musu tloo nihi nɛ ngɔɔ níhi nɛ pi a nɔ kɛ peeɔ a nɔ! Kɛ yaa si mɛni be po nyɛ maa hi awaba níhi kpɔe ngɛ níhi a dɛ konɛ nyɛ ná ní?”

Habakuk 2:6 ပူးပေါင်းရင်းမြစ်များ

La 94:3

Yawɛ, kɛ yaa si mɛni be lɛ yayami peeli maa hi nyae? A maa hi mle yee kɛ yaa si mɛni be?

Abɛ Womi 22:16

Nɔ nɛ waa ohiatsɛmɛ yi mi nɛ e kɛ naa ní, aloo nɔ nɛ keɔ niatsɛmɛ ní ɔ, nyagbe ɔ, lɛ nitsɛ e ma ba ye ohia.

Yesaya 10:13

Asiria matsɛ ɔ ngɛ fĩae nɛ e ngɛ dee ke, “Imi nitsɛ lɛ i tsu ní nɛ ɔmɛ tsuo. Ye he wa, i le ní, nɛ i to ga saminya. I ye zugba a tsuo nɔ, nɛ i gbɛ ma amɛ a huzu ɔmɛ tsuo ngɛ je ma amɛ a kpɛti; nɛ níhi nɛ a bua nya ngɔ to ɔ, i ngɔ. I ngɔ ye he wami nɛ i kɛ ye ma a mi bi ɔmɛ a nɔ.

Yesaya 44:20

E ní pee mɔbɔ kaa nɔ nɛ ngɛ la zu yee; a mlɔɔ lɛ, nɛ e laa blɔ; lɔ ɔ he ɔ, e be nyɛe ma he lɛ nitsɛ e yi wami, loo nɛ e ma de ke, “Anɛ pi yaka nɔ́ nɔ nɛ i ngɔ ye hɛ ngɔ fɔ nɛ ɔ?”

Yesaya 5:8

Musu tloo nyɛ! Wehi babauu, kɛ zugbahi nyɛ ngɛ hee kɛ ngɛ ní nɛmɛ nɛ nyɛ ngɛ momo ɔ a he piɛe. E be kɛe kulaa nɛ nɔ kpa ko be he ko nae maa hi hu, nɛ e maa piɛ nyɛ pɛ ngɛ zugba a nɔ.

Yesaya 55:2

Mɛni he je nyɛ puɛɔ sika kɛ heɔ nɔ nɛ be nyɛ tɔe? Mɛni he je nyɛ ngɔɔ nyɛ ní tsumi mi hiɔwo kɛ heɔ nɔ́ nɛ tɔɛ nɔ? Nyɛɛ bu mi tue saminya nɛ nyɛɛ pee nɔ nɛ i ngɛ dee ɔ; kɛkɛ nyɛ maa ye ní kpakpahi nɛ nyɛ bua maa jɔ nyɛ he.

Yeremia 17:11

Nɔ nɛ náá ní ngɛ blɔ nɛ dɛ nɔ ɔ, e ngɛ kaa bebee nɛ ya bu hlui nɔ nɛ e pɛ bi, nɛ pohu pi lɛ nɛ ngmɛ hlui ɔ. E nihe mi ɔ, e dɛ mi ma ba ta; nɛ e nyagbe be mi ɔ, e ma ba pee kuasia.

Yeremia 29:22

Nihi nɛ a nuu kɛ je Yerusalem kɛ ho Babilonia ya a, ke a ngɛ hlae nɛ a gbiɛ nɔ ɔ, bɔ nɛ a ma de ji, ‘Yawɛ nɛ pee mo kaa Zedekia kɛ Ahab nɛ Babilonia matsɛ ɔ sã mɛ hɛ ngmengmle ngɛ la mi ɔ!’

Yeremia 50:13

Imi Yawɛ, ye mi mi fu Babilon, nɛ nɔ ko nɔ ko be lejɛ ɔ hie hu; e maa pee ma doku kulaa, nɛ nɔ tsuaa nɔ nɛ ma ba be ngɛ lejɛ ɔ, e he mi maa po, nɛ e nya maa kpɛ e he.

Ezekiel 32:21

Katsɛmɛ kpanakpanaa, kɛ nihi nɛ piɛ Egipt tabo ɔ he kɛ hwu ta a ma he Egipt bi ɔmɛ atuu kɛ ngmlaa ngɛ gbeje ke, ‘Nihi nɛ li Mawu, nɛ a nɔ ngɛ ta mi ɔ ba su hiɛ ɔ. Mɛ ji nɛ ɔ nɛ!’

Mika 2:4

Jamɛ a be ɔ, nihi ma la hɛdo la nɛ ɔ kɛ li nyɛ. A ma nya awe nɛ a maa ye kɔmɔ ke, Wa yi ta pɛ! Yawɛ kpɔ wa zugba a ngɛ wa dɛ Nɛ e ngɔ kɛ ha nihi nɛ nuu wɔ nyɔguɛ ɔ.”

Habakuk 1:15

Babilonia bi ɔmɛ kɛ gbowe ngɛ nimli adesahi sae kaa a saa pa mi lo. A kɛ a ya amɛ gblaa mɛ kɛ yaa, nɛ a kɛ bua jɔmi heɔ ose kaa a nine gbe ní babauu.

Habakuk 2:12

Mo nɛ o pee yayami kɛ to ma sisi, nɛ o pue muɔ si kɛ fia gbogbo ɔ, musu tloo mo!

Habakuk 2:13

Ma amɛ nɛ o ye a nɔ ɔ, ní tsumi kpakpataa nɛ a tsu ɔ tsuo pee yaka. Níhi tsuo nɛ o bua nya a, la sã mɛ. Yawɛ Tabohiatsɛ ɔ lɛ tsu nɔ́ nɛ ɔ nɛ.

Mose IV, 23:18

Kɛkɛ nɛ gba gbi nɛ ɔ je Balaam nya ke, “Zipor bi Balak, moo bu nɔ́ nɛ ma de mo ɔ tue!

Mose IV, 23:7

Kɛkɛ nɛ gba gbi nɛ ɔ je Balaam nya, nɛ e de ke, “Moab matsɛ, Balak ya kpee mi kɛ je Aram tɔɔ. E kpee mi kɛ je beleku yo ɔmɛ a nɔ, nɛ e de mi ke, ‘Ba nɛ o ba gbiɛ Yakob ha mi, nɛ o tu munyu kɛ si Israel!’

Luka 12:20

Se Mawu de lɛ ke, ‘Kuasia! Nyɔ nɛ ɔ mi nɔuu i ngɛ o wami ɔ hee ngɛ o dɛ. Lɛɛ níhi nɛ o bua nya ngɔ to ɔ, mɛnɔ níhi nɛ a maa pee?’ ”

1 Petro 4:7

Níhi tsuo a nyagbe ɔ su ta. Lɔ ɔ he ɔ, nyɛ hɛ nɛ dɔ, nɛ nyɛ hɛ nɛ ka si, konɛ nyɛ nyɛ́ nɛ nyɛɛ sɔle.