Habakuk 2:5 - BAIBLO ALOO NGMAMI KLƆUKLƆU Ɔ

⁵ Ní nami babauu sisiɔ nɔ. Nihi nɛ bua ní nya ha a he ɔ, a woɔ a he nɔ, nɛ a he mi jɔɛ mɛ; a ngɛ kaa gbenɔ kɛ gbeje, a tɔɛ gblee. Enɛ ɔ he je nɛ a kɛ ma tsuaa ma hwuu ta, nɛ a ngɔɔ ma amɛ kakaaka a nɛ.

Habakuk 2:5 ပူးပေါင်းရင်းမြစ်များ

Matsɛmɛ II, 14:10

Amazia, o gbe Edom bi ɔmɛ; enɛ ɔ he je ɔ, o ngɛ o he nɔ woe. Amlɔ nɛ ɔ, o he biɛ. Lɔ ɔ he ɔ, ha nɛ o bua nɛ jɔ o he nɛ o hi si ngɛ o we mi. Mɛni he je nɛ o ngɛ sane yee kikɛ nɛ ɔ? Anɛ o li kaa nɔ́ nɛ ɔ kɛ haomi maa ba o kɛ Yuda tsuo nyɛ nɔ lo?”

La 138:6

Yawɛ ngɛ hiɔwe lokoo mohu, se nɔ nɛ baa e he si ɔ, e hɛ hii e nɔ; nɔ nɛ woɔ e he nɔ ɔ lɛɛ e he sane ko pi Yawɛ sane.

Abɛ Womi 20:1

Wai sisiɔ nɔ; dã nɛ nya wa haa nɛ nɔ peeɔ basabasa. Nɔ nɛ ngɔɔ e he kɛ haa dã a, e li nɔ́.

Abɛ Womi 21:24

Nɔ nɛ woɔ e he nɔ, nɛ e tsɔɔ e he, nɛ e peeɔ pupuupu ɔ, e bui nɔ́.

Abɛ Womi 27:20

Nɔmlɔ adesa hɛngmɛ tɔɛ gblee kɛ nɔ́ hyɛmi, kaa bɔ nɛ gbenɔ hii nɔ hɛ mi kpatae kpamisa nɛ e kpa we ɔ.

Fiɛlɔ 5:10

Nɔ nɛ suɔ sika a, sika tɔɛ lɛ; nɔ nɛ suɔ nɛ e na ní ɔ, ní babauu gbi e nya. Enɛ ɔ hu ji yaka nɔ́ ko.

Yesaya 14:6

Nimli nɛ ɔmɛ kɛ abofu nɛ nya wa fiaa je ma amɛ ní, nɛ a nɛ mɛ mɔbɔ kulaa; je mahi nɛ a ye a nɔ ɔ hu, a wa mɛ yi mi wawɛɛ nitsɛ nɛ he jɔɔmi ko be mi.

Yesaya 16:6

Yuda bi ɔmɛ ma he nɔ ke, “Wa nu kaa Moab bi ɔmɛ woɔ a he nɔ wawɛɛ; a peeɔ pupuupu, nɛ a bui nɔ, se a fiami ɔ ya peeɔ nya mi gu fiami.”

Yesaya 2:17

Nɔmlɔ adesa he tsɔɔmi, kɛ e he nɔ womi tsuo se maa po. Amagahi a se maa po kulaa; nɛ jamɛ a be ɔ, Yawɛ pɛ nɔ a ma wo gojoo.

Yesaya 21:5

I na ngɛ nina a mi kaa a tsɛ ní yemi ko; nihi hii si ngɛ kuutuhi a nɔ kɛ ngɛ ní yee, nɛ a ngɛ ní nue. Tlukaa a, a nu nɛ a fa ke, “Ganɔhi! Nyɛɛ te si, nɛ nyɛɛ pɔ nyɛ tsɛ̃i ɔmɛ a he nu!”

Yesaya 5:14

Hwɔ ngɛ gbeje yee, nɛ e gbɛ e nya mi hatoo nɛ e maa mii mɛ. E ngɛ Yerusalem odehe ɔmɛ, kɛ ni gu ɔmɛ nɛ a ngɛ hoo pee ɔ tsuo miie si kake too.

Yesaya 5:8

Musu tloo nyɛ! Wehi babauu, kɛ zugbahi nyɛ ngɛ hee kɛ ngɛ ní nɛmɛ nɛ nyɛ ngɛ momo ɔ a he piɛe. E be kɛe kulaa nɛ nɔ kpa ko be he ko nae maa hi hu, nɛ e maa piɛ nyɛ pɛ ngɛ zugba a nɔ.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 50:29

“Nyɛ ha nɛ nihi nɛ le kɛ̃ɛ̃ tsɛ̃mi ɔ, a ya nɛ a ya tua Babilon. Nyɛ ha nɛ ni nɛmɛ tsuo nɛ tsuɔ kɛ̃ɛ̃ he ní ɔ, a ya sa ma a yi kɛ kpe, nɛ nɔ ko nɔ ko nɛ ko tu fo kɛ je. Nyɛɛ gbla e tue ngɛ níhi nɛ e pee ɔ tsuo he. Bɔ nɛ e pee ni kpa amɛ ɔ, nyɛɛ pee lɛ ngɔ to nane mi ja nɔuu; ejakaa e wo e he nɔ ngɛ imi Yawɛ, Israel Nɔ Klɔuklɔu ɔ, ye nɔ.

Yeremia 51:39

Ke a he mi akɔnɔ te si ɔ, ma tsɛ mɛ ní yemi; ma ha mɛ dã nɛ a nu nɛ a de. Kɛkɛ ɔ, a maa sɛ mahe vii mi, nɛ a be si tee hu.

Habakuk 1:15

Babilonia bi ɔmɛ kɛ gbowe ngɛ nimli adesahi sae kaa a saa pa mi lo. A kɛ a ya amɛ gblaa mɛ kɛ yaa, nɛ a kɛ bua jɔmi heɔ ose kaa a nine gbe ní babauu.

Habakuk 1:17

Anɛ a kɛ klaate maa hi nihi gbee daa, nɛ a maa ya nɔ nɛ a kpata je ma amɛ a hɛ mi, nɛ a be mɔbɔ nae lo?

Habakuk 2:4

Enɛ ɔ ji sɛ gbi ɔ nɛ: ‘Yayami peeli a hɛ mi ma kpata; se dali lɛɛ, akɛnɛ a yeɔ Mawu anɔkuale ɔ, a yi ma na wami.’ ”

1 Tesalonikabi 4:11

Nyɛɛ bɔ mɔde nɛ nyɛɛ pee nyɛ he kpoo, nɛ nyɛɛ kɛ nyɛ he ko wo ni kpahi a sane mi. Nyɛɛ kɛ nyɛ nine nɛ tsu ní kaa bɔ nɛ wa de nyɛ ɔ.

Yakobo 4:6

Se mɔbɔ nɛ Mawu naa wɔ ɔ nya wa kulaa pe lɔ ɔ po. Kaa bɔ nɛ ngmami ɔ deɔ ɔ, “Nihi nɛ woɔ a he nɔ ɔ, Mawu baa mɛ si; se ni nɛmɛ nɛ baa a he si ɔ lɛɛ e dlooɔ mɛ.”