Habakuk 2:2 - BAIBLO ALOO NGMAMI KLƆUKLƆU Ɔ

² Heto nɛ Yawɛ ha mi ji nɛ ɔ nɛ: “Ngmaa nina nɛ ma je ngɔ tsɔɔ mo nɛ ɔ saminya ngɛ tɛ tɛtlɛɛhi a nɔ, konɛ ke nɔ ko hɛngmɛ gba nɔ ɔ, e kanemi ko wa ha lɛ.

Habakuk 2:2 ပူးပေါင်းရင်းမြစ်များ

Yesaya 30:8

Jehanɛ Mawu de mi ke ma ya ngma nɔ́ nɛ ɔ ngɛ tɛ tɛtlɛɛ nɔ ngɛ ma a hɛ mi. Ee, ma ngma kɛ wo womi mi, konɛ e pee odase nɛ maa hi si daa kɛ maa ya neneene.

Yesaya 8:1

Jehanɛ, Yawɛ de mi ke, “Yaa hla nɔ́ nɛ a ngmaa ní ngɛ nɔ agbo ko, nɛ o ngma ní agbohi ngɛ nɔ. Ngmaa ke, ‘Puɛ ní esɔ; haa ní kɛ fo.’

Yeremia 30:2

de mi ke, “Ngmaa munyuhi nɛ i kɛ mo tu ɔ tsuo kɛ wo womi mi,

Daniel 12:4

Bɔfo ɔ de mi ke, “Daniel, jehanɛ nga womi ɔ nya, nɛ o sɔu nya kɛ yaa si je mi nyagbe. Kɛ je be nɛ ɔ mi kɛ yaa si jamɛ a be ɔ, nihi babauu ma gbo yaka dengme. A maa nyɛɛ kɛ ya kɛ ba, nɛ a ma hla kaa a le nɔ́ nɛ ngɛ nɔ yae.”

Daniel 7:1

Babilon matsɛ, Belshazar yi nɔ, kekleekle jeha a mi ɔ, i nla, nɛ i na nina ko nyɔ mi. I ngma nlami ɔ ngɔ wo womi mi. Nina nɛ i na jamɛ a nyɔ ɔ mi ɔ ji nɛ ɔ nɛ.

Romabi 15:4

Nɔ́ tsuaa nɔ́ nɛ ngɛ ngmami ɔmɛ a mi ɔ, a ngma konɛ a kɛ tsɔɔ wɔ ní. Kɛkɛ ɔ, ngmami ɔmɛ ma ha wa maa to wa tsui si; nɛ a maa wo wɔ he wami nɛ wa na hɛ kɛ nɔ fɔmi.

1 Korintobi 14:19

Se kɛ̃ ɔ, ke asafo ɔ ba bua a, imi lɛɛ i ko suɔ nɛ ma tu munyungu kakaaka enuɔ nɛ sisi numi ngɛ he nɛ ma kɛ tsɔɔ ní pe kaa ma tu munyungu akpeakpe ngɛ gbi slɔɔtohi a mi.

2 Korintobi 3:12

Akɛnɛ wa ngɛ kikɛmɛ a hɛ kɛ nɔ fɔmi nɛ ɔ he je ɔ, wa tuɔ munyu kɛ kã.

Mose V, 27:8

Nyɛɛ ngma mlaa nɛ ɔmɛ tsuo ngɛ tɛ ɔmɛ nɛ a kɛ kalo kpa a he ɔ a nɔ; nɛ nyɛ ha nɛ ningma a nɛ je si paa.”

Mose V, 31:19

“Jehanɛ, ngmaa la nɛ ɔ, nɛ o tsɔɔ Israel ma a, konɛ e pee odase kɛ si mɛ.

Mose V, 31:22

Mose ngma la a, nɛ e tsɔɔ Israel ma a jamɛ a ligbi ɔ nɔuu.

Kpojemi 14:13

Nɛ i nu gbi ko kɛ je hiɔwe nɛ ngɛ dee ke, “Ngmaa: A gbaa gbogboehi nɛ gboɔ ngɛ Nyɔmtsɛ ɔ mi kɛ je mwɔnɛ ɔ kɛ yaa nɛ ɔ.” “Ee!” Mumi ɔ ngɛ dee ke, “A maa jɔɔ a he kɛ je a dengme gbomi ɔ mi; se a ní tsumi ɔmɛ nyɛɛɔ a se.”

Kpojemi 19:9

Kɛkɛ nɛ bɔfo ɔ de mi ke, “Ngmaa nɔ́ nɛ ɔ. Nihi nɛ a kpee mɛ kɛ ba To bi ɔ yo kpeemi okplɔɔ ɔ he ɔ, a gbaa mɛ!” Bɔfo ɔ ya nɔ nɛ e de ke, “Anɔkuale munyu nɛ je Mawu ngɔ ji nɛ ɔ nɛ.”