Habakuk 2:19 - BAIBLO ALOO NGMAMI KLƆUKLƆU Ɔ

¹⁹ O deɔ tso kpoku ke, “O hɛ nɛ tsɛ!” Aloo tɛ nɛ tui munyu ke, “Tee si!” Anɛ amaga ma nyɛ je nina ko ha mo lo? A kɛ sika tsu kɛ sika hiɔ maa ha he lɛɛ, se wami ko be e mi kulaa. Musu tloo mo!

Habakuk 2:19 ပူးပေါင်းရင်းမြစ်များ

La 135:15

Je ma amɛ a we amaga amɛ ɔ, sika hiɔ kɛ sika tsu sɔuu, nimli adesahi a nine nya ní tsumi ji mɛ.

La 135:17

A ngɛ tue, se a nui nɔ́; mumi ko hu be a gugwɔ mi nɛ a woɔ.

La 97:7

Amaga jali, kɛ nihi tsuo nɛ fĩaa kɛ fɔɔ yakayaka wɔhi a nɔ, nyɛ hɛ mi pue si pɛ! Nyɛ mawuhi tsuo, nyɛ kpla si ngɛ Yawɛ hɛ mi.

Yesaya 26:14

O ha a gbo pɛsɛɛ, a be je mi hu; a kpadehi tete be si tee, ejakaa o gbla a tue; o kpata a hɛ mi pɛsɛɛ, nɔ ko nɔ ko kaii we mɛ hu.

Yesaya 40:19

Amaga lo? Amaga nɛ tso galɔ kpɛ, nɛ sika galɔ ngɔ sika tsu kɛ ha he, nɛ e ngɔ sika hiɔ kɔsɔkɔsɔ ngɔ kpla lɛ ɔ!

Yesaya 41:26

Nyɛ ti mɛnɔ gba enɛ ɔ kɛ to momo ke bɔ nɛ e maa ba ji nɛ ɔ, konɛ wa de ke, ‘Ja tutuutu o gba a nɛ.’ Nyɛ ti nɔ ko nɔ ko de we nɔ́ nɛ ɔ he nɔ́ ko. Nɔ ko nɔ ko wui nɔ ta, nɛ nɔ ko nɔ ko nui hulɔ.

Yesaya 44:17

Tso ɔ fa nɛ piɛ ɔ, e ngɔɔ kɛ peeɔ amaga, nɛ e kplaa si nɛ e jaa lɛ. E faa kue ha lɛ, nɛ e deɔ ke, “Mo ji ye mawu! He ye yi wami!”

Yesaya 46:6

Nihi jeɔ sika tsu babauu kɛ jee a kotoku mi, nɛ a ngmɛɛ sika hiɔ ngɛ sɛni tɛ nɔ. A bɔɔ sika tsu galɔ apaa, nɛ e kɛ peeɔ amaga ha mɛ; kɛkɛ ɔ, a kplaa si nɛ a jaa amaga a!

Yesaya 57:6

Nyɛ ya ngɔɔ dongo tɛhi kɛ jeɔ kɔ̃ mi, nɛ nyɛ jaa mɛ. Nyɛ ngɔɔ wai kɛ sãã bɔ kɛ haa tɛhi; nɛ nyɛ ngɔɔ ngma hu kɛ sãã bɔ ha mɛ ja nɔuu. Ní nɛ ɔmɛ tsuo nɛ nyɛ peeɔ ɔ, anɛ nyɛ susuu kaa ye bua maa jɔ he?

Yeremia 10:14

Nimli adesahi tsuo biɛ; a li nɔ́ ko nɔ́ ko. Sika gali a hɛ mi pue si pɛ; ejakaa amaga amɛ nɛ a puɛɛ ɔ, ní guhi ji mɛ; wami ko wami ko be a mi.

Yeremia 10:3

Je ma amɛ a kusumi ɔmɛ ɔ, lakpa sɔuu. A ya poɔ tso ngɛ pu mi, nɛ tso kpɛ́lɔ kɛ dade tsuɔ he ní,

Yeremia 10:4

nɛ a kɛ sika hiɔ kɛ sika tsu haa he. A kaa plɛɛko kɛ woɔ tso ɔ mi nɛ a kɛ nuu tso ɔ ngɔ daa si konɛ e ko nɔ si.

Yeremia 10:9

A kɛ sika hiɔ nɛ a si nɔ jeɔ Spania, nɛ a kɛ sika tsu hu jeɔ Ufaz kɛ ba haa sika ga ní tsuli, nɛ a kɛ peeɔ amagahi. A buɔ amaga amɛ bo hiɔ, kɛ bo he jua wawɛ nɛ hɛɛ alamua tu su nɛ bo loli kpakpahi lo.

Yeremia 2:27

A ma pue nyɛ tsuo pɛpɛɛpɛ nyɛ hɛ mi si, nyɛ ni nɛmɛ nɛ nyɛ tsɛɔ tso ke nyɛ tsɛ, nɛ nyɛ deɔ ke nyɛ nyɛ ji tɛ sa a. Nɔ́ nɛ ɔ maa ba mi, ejakaa nyɛ tsɔ ye hɛ mi atuã, be mi nɛ e sa kaa nyɛ ba nyɛɛ ye se mohu. Se ke haomi ba nyɛ nɔ lɛɛ nyɛ deɔ ke ma ba he nyɛ yi wami.

Yeremia 2:28

“Mawu ɔmɛ nɛ nyɛ pee ngɔ ha nyɛ he ɔ, jije a ngɛ? Ke haomi ba nyɛ nɔ ɔ, nyɛ ha nɛ a he nyɛ yi wami ke a ma nyɛ ɔ! Yuda, bɔ nɛ o ma amɛ hiɛ babauu ɔ, ja nɔuu lɛ o mawu ɔmɛ hu hiɛ.

Yeremia 51:17

Nimli adesahi tsuo biɛ; a li nɔ́ ko nɔ́ ko. Sika gali a hɛ mi pue si pɛ, ejakaa amagahi nɛ a puɛɛ ɔ, ní guhi ji mɛ; wami ko wami ko be a mi.

Yeremia 51:47

Lɔ ɔ he ɔ, be ma nɛ i kɛ Babilonia amaga amɛ maa to ní. Babilonia zugba a tsuo hɛ mi ma pue si, nɛ Babilonia bi ɔmɛ tsuo a hɛ mi ma kpata.

Daniel 3:1

Be ko ɔ, Matsɛ Nebukadnezar ha nɛ a pee sika tsu amaga ko; amaga a hiɔwe yami ji gugue nyɔngma kɛ enuɔ, nɛ e blimi ji gugue kake kɛ fa. Nebukadnezar ha nɛ a kɛ amaga a ya ma Dura nga kplanaa a nɔ, ngɛ Babilon kpokpa a nɔ.

Daniel 3:18

Se ke wa Mawu ɔ nyɛ we nɛ e he wa yi wami tete po, nɛnɛ, na nɛ o le kaa o mawu ɔmɛ lɛɛ wa be jae oo wa be jae! Sika tsu amaga a nɛ o puɛ ngɔ ma si ɔ hu, wa be si kplae ha lɛ!”

Daniel 3:29

“Lɔ ɔ he ɔ, i ngɛ mlaa woe ke nihi tsuo nɛ je je ma slɔɔtoslɔɔtohi a nɔ, nɛ tuɔ gbi slɔɔtoslɔɔtohi nɛ maa tu Shadrak, Meshak kɛ Abednegomɛ a Mawu ɔ he munyu yaya ko ɔ, a ma tsɔtslɔɔ a mi kpɔ nya kpɔ nya, nɛ a maa pee e we ɔmɛ we doku hi. Ejakaa mawu kpa ko be nɛ ma nyɛ ma he nɔ yi wami kaa kikɛ nɛ ɔ.”

Daniel 3:7

Lɔ ɔ he ɔ, benɛ titimati ɔmɛ, bɛ ɔmɛ, kɛ saku slɔɔtoslɔɔto ɔmɛ bɔni pɛmi, nɛ a pue miɛ slɔɔtoslɔɔto ɔmɛ a nya pɛ je ma amɛ kɛ nihi nɛ tuɔ gbi slɔɔtoslɔɔto ɔmɛ tsuo ya kpla si nɛ a ja sika tsu amaga a nɛ Matsɛ Nebukadnezar puɛ ngɔ ma si ɔ.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Daniel 5:4

nɛ a je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi.

Yona 1:5

Lɛ hluili ɔmɛ ye gbeye, nɛ nɔ tsuaa nɔ kpa ngmlaa kɛ tsɛ e mawu. A je tlomi ɔmɛ kɛ wo wo ɔ mi konɛ lɛ ɔ nɛ pee huyɛhuyɛ ha mɛ. Se Yona lɛɛ e kple si kɛ ho lɛ ɔ sisi ya tɔɔ, nɛ e ya hwɔ si nɛ e hwɔ mahe vii.

Ni Tsumi 17:29

Ke Mawu bimɛ ji wɔ ɔ, e sɛ kaa wa susuu kaa Mawu su ngɛ kaa sika tsu, loo sika hiɔ, loo tɛ ko nɛ nɔmlɔ kɛ e ga, kɛ e juɛmi pee.

Kpojemi 17:4

Yo ɔ wo tade he jua wawɛ nɛ hɛɛ alamua tu su, nɛ tsuɔ hulɔ; nɛ a kɛ sika tsu june, kɛ tɛ nɛ he jua wa, kɛ adiagba dla e he ha lɛ. E hɛɛ sika tsu kplu nɛ hyi tɔ kɛ zo ní ɔmɛ, kɛ e we ajuama bɔmi níhi nɛ a hiee ɔ.