Habakuk 2:15 - BAIBLO ALOO NGMAMI KLƆUKLƆU Ɔ

¹⁵ Mo nɛ o kɛ hɛdɔ wa o nyɛmimɛ yi mi, nɛ o pue a hɛ mi si, nɛ o ha a tataa si kaa nihi nɛ a tɔ dã a, musu tloo mo!

Habakuk 2:15 ပူးပေါင်းရင်းမြစ်များ

Yeremia 51:7

Babilonia ngɛ kaa sika tsu kplu ko ngɛ ye dɛ mi nɛ ha je ɔ tsuo tɔ dã. Je ma amɛ tsuo nu wai ngɛ kplu nɛ ɔ mi, nɛ a fo godo.

Mose I, 9:22

Benɛ Ham, Kanaan tsɛ ɔ, na e tsɛ Noa nɛ hwɔɔ si kɛ e he gu ɔ, e je kpo nɛ e ya sɛɛ ha e wetsɛmɛ enyɔ ɔmɛ.

Kpojemi 18:3

Ejakaa Babilon yakayaka ní peemi ɔmɛ ha nɛ je ɔ tsuo puɛ; ee, e ngɛ kaa nɔ́ nɛ wai nɛ nya wa nɛ e ha mɛ nɛ a nu. Je nɛ ɔ mi matsɛmɛ ɔmɛ tsuo kɛ lɛ bɔ ajuama, nɛ jua yeli tsuo gu e ní babauu ɔ nɔ nɛ a pee niatsɛmɛ.”

Kpojemi 17:6

I na kaa yo ɔ tɔ dã; ee, e nu ni klɔuklɔu ɔmɛ, kɛ nihi nɛ a gbe mɛ ngɛ Yesu he ɔ a muɔ, nɛ e pee kaa nɔ nɛ tɔ dã. Benɛ i na lɛ ɔ, ye nya kpɛ ye he wawɛɛ.

Kpojemi 17:2

Matsɛmɛ ɔmɛ nɛ ngɛ je ɔ mi ɔ kɛ lɛ bɔ ajuama; nɛ nimli nɛ ngɛ zugba a nɔ ɔ pee kaa nihi nɛ tɔ dã, benɛ e kɛ mɛ fiɛ yakayaka fiɛmi ɔ.”

Hosea 7:5

Ke matsɛ ɔ ngɛ e fɔmi ligbi yee ɔ, e kɛ e ma nimeli ɔmɛ nuɔ dã nɛ a deɔ, kɛkɛ a bɔni biɛmi.

Yeremia 25:15

Yawɛ, Israel Mawu ɔ de mi ke, “O nɛ wai kplu nɛ ye mi mi la hyi lɛ tɔ. Ngɔɔ kɛ ya ha je mahi tsuo nɛ ma tsɔ mo a ngɔ ɔ nɛ a nu.

Samuel II, 11:13

E nɔ jena a, David tsɛ lɛ ní yemi; nɛ e ha e ye ní nɛ e nu dã saminya kɛ ya si e de. Se e yɛ we mi; gbɔkuɛ ɔ, e ho ya hwɔ e sa a nɔ ngɛ e nyɔmtsɛ ɔ tsɔli ɔmɛ a ngɔ.

Mose II, 32:25

Benɛ Mose na kaa Aaron nine kpi ma a he, nɛ ma a ngɛ basabasa pee kɛ ngɛ a hɛ mi si puee ngɛ a he nyɛli ɔmɛ a hɛ mi ɔ,

Yesaya 5:22

Musu tloo nyɛ! Nyɛ nihi nɛ nyɛ peeɔ kã ngɛ dã tɔmi he! Ke e su dã nɛ nya wa futumi nɔ ɔ, kɛkɛ nyɛ he mi wa nyɛ.

Yesaya 28:7

Gbali ɔmɛ, kɛ osɔfo ɔmɛ pohu tɔɔ dã, nɛ a tataa si. Wai kɛ dã nɛ nya wa fuu tsɔ nɛ a nuu ɔ, haa a hii si tɛe basabasa. Gbali ɔmɛ tɔɔ dã kpɔtɔɔ; lɔ ɔ he ɔ, ninahi nɛ Mawu haa mɛ ɔ, a nui sisi. Osɔfo ɔmɛ hu tɔɔ dã kpɔtɔɔ ja nɔuu; mɛ hu sanehi nɛ a kɛ ba haa mɛ ɔ, a nyɛ we nɛ a hyɛɛ mi.

Habakuk 2:14

Se be ma nɛ je ɔ ma yɔse Yawɛ hɛ mi nyami ɔ kɛ pi si kaa bɔ nɛ wo ɔ hyi tɔ kɛ nyu ɔ.

Habakuk 2:16

Jehanɛ lɛɛ o be ɔ su nee! A be o hɛ mi nyami woe hu, se mohu a ma pue o hɛ mi si. Mo nitsɛ o maa tɔ dã, nɛ o maa tataa si. Yawɛ ma ha nɛ mo nitsɛ o yayami nɛ o pee ɔ maa gbla o tue; a be o hɛ mi nyami woe; o hɛ mi si mohu a ma pue.

Yesaya 28:8

Okplɔɔhi nɛ a hii a he ɔ tsuo peeɔ kpɔtɔɔ kɛ vie sɔuu; he ko he ko be nɛ tsɔ.