Habakuk 2:12 - BAIBLO ALOO NGMAMI KLƆUKLƆU Ɔ

¹² Mo nɛ o pee yayami kɛ to ma sisi, nɛ o pue muɔ si kɛ fia gbogbo ɔ, musu tloo mo!

Habakuk 2:12 ပူးပေါင်းရင်းမြစ်များ

Matsɛmɛ I, 16:34

E yi nɔ ɔ, Hiel nɛ je Betel ɔ ya kpale ma Yeriko ma a ekohu. Kaa bɔ nɛ Yawɛ gu Nun binyumu Yoshua nɔ de to ɔ, benɛ Hiel to Yeriko ma a sisi pɛ nɛ e bitɛte nɛ a tsɛɛ Abiram ɔ gbo, nɛ benɛ e ma agbo ɔmɛ pɛ nɛ e sekpɛ binyumu nɛ a tsɛɛ lɛ Segub ɔ hu gbo.

Ezekiel 24:9

Lɔ ɔ he ɔ, bɔ nɛ Nyɔmtsɛ Yawɛ ngɛ dee ji nɛ ɔ nɛ: “Musu tloo ma nɛ muɔ si pɛ a pueɔ ngɛ mi ɔ! Imi hu ma bua lɛ́ nya glegle kɛ wo e sisi!

Mika 3:10

Mawu ma, Yerusalem ɔ nɛ nyɛ ngɛ mae ɔ, muɔ si puemi kɛ yayami peemi lɛ nyɛ kɛ fia.

Nahum 3:1

Mo Nineve ma, ma nɛ lakpa sɔuu a yeɔ ngɛ o mi, ma nɛ a pueɔ muɔ si ngɛ mi, ma nɛ hyi tɔ kɛ ní kpakpahi nɛ a kpɔ ngɛ nihi a dɛ, musu tloo mo!

Habakuk 2:6

Nihi nɛ a ye a nɔ mohu maa ye kunimi yeli ɔmɛ a he fɛu, nɛ a maa muɔ mɛ. A ma de ke, “Musu tloo nihi nɛ ngɔɔ níhi nɛ pi a nɔ kɛ peeɔ a nɔ! Kɛ yaa si mɛni be po nyɛ maa hi awaba níhi kpɔe ngɛ níhi a dɛ konɛ nyɛ ná ní?”

2 Korintobi 1:21

Mawu ji nɔ nɛ peeɔ waa kɛ nyɛ tsuo anɔkuale Kristo se nyɛɛli. Mawu nitsɛ lɛ hla wɔ ngɔ to,

Yoshua 6:26

Jamɛ a be ɔ mi ɔ, Yoshua ka kita ke, “Nɔ tsuaa nɔ nɛ maa ka kaa e maa ma Yeriko ekohu ɔ, Yawɛ nɛ gbiɛ lɛ. Nɔ nɛ maa to sisi ɔ, e bitɛte nɛ gbo, nɔ nɛ maa gbe nya nɛ a maa ma nya agbo ɔ, e binakutso nɛ gbo.”

Kpojemi 17:6

I na kaa yo ɔ tɔ dã; ee, e nu ni klɔuklɔu ɔmɛ, kɛ nihi nɛ a gbe mɛ ngɛ Yesu he ɔ a muɔ, nɛ e pee kaa nɔ nɛ tɔ dã. Benɛ i na lɛ ɔ, ye nya kpɛ ye he wawɛɛ.