Habakuk 1:6 - BAIBLO ALOO NGMAMI KLƆUKLƆU Ɔ

⁶ Babilonia bi ɔmɛ hia ta kɛ ngɛ je ɔ mi tsuo kpae kɛ yaa ngɔ zugbahi nɛ pi a nɔ. A he ngɛ gbeye, nɛ a he sɔɔ kɛ ní puɛmi. Ma ha nɛ a maa te si kɛ wo nyɛ.

Habakuk 1:6 ပူးပေါင်းရင်းမြစ်များ

Matsɛmɛ II, 24:2

Yawɛ tsɔ Babilonia, Siria, Moab, kɛ Amon ta buli kɛ ho Yehoyakim ngɔ ya, konɛ a ya kpata Yuda zugba a hɛ mi kaa bɔ nɛ Yawɛ gu e tsɔli gbali ɔmɛ a nɔ de to ke e maa pee ɔ.

Yeremia 5:15

Nyɛ Israel bi, Yawɛ ha nɛ je ma ko je tsitsaa kɛ ma nɛ e ba tua nyɛ. Blema ma ji ma nɛ ɔ nɛ, nɛ ma mi bi ɔmɛ a he wa wawɛɛ nitsɛ. Nimli nɛ ɔmɛ a gbi ɔ, nyɛ li; ke a tu munyu hu nyɛ be sisi nue.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yesaya 23:13

Tsa pi Asiria bi nɛ pee ní nɛ ɔmɛ; Babilonia bi mohu nɛ ha lohwe dikali ba tua Tiro ma a; mɛ nɛ a fia kpoku kɛ wo Tiro ma a he, nɛ a ku mɔ nguangua amɛ kɛ pee lɛ ma doku.

Yeremia 21:4

a ya de Zedekia ke, bɔ nɛ Yawɛ Israel Mawu ɔ, de ji nɛ ɔ nɛ: “Babilonia matsɛ ɔ, kɛ Kaldea bi nɛ ba sa nyɛ ma a yi, nɛ nyɛɛ kɛ mɛ ngɛ ta hwue ɔ, ma ha nɛ nyɛ ta hwumi ní ɔmɛ nɛ nyɛ hɛɛ ɔ maa pee yaka ngɛ a hɛ mi. Ma bua nya kɛ ba pue ma nɛ ɔ kpɛti tutuutu.

Yeremia 4:8

Enɛ ɔ he je ɔ, nyɛ bu kpekpe ya bo; nyɛɛ wo yana nɛ nyɛ nya awe, ejakaa Yawɛ mi mi fumi nɛ nya wa a ji Yuda nɔ lolo.

Yeremia 4:6

Esɔ nɛ nyɛ pue blɔ kɛ ya Zion! Nyɛ ya sa we ngɛ lejɛ ɔ; nyɛ ko to tsle! Ejakaa Yawɛ je omleyi je kɛ ma nɛ e ba kpata nyɛ hɛ mi.

Kronika II, 36:17

Enɛ ɔ he je ɔ, Yawɛ ngɔ Babilonia matsɛ ɔ kɛ ba tua mɛ. Babilonia matsɛ ɔ kɛ klaate gbe Yuda nihewi ɔmɛ ngɛ Yawɛ we ɔ mi po. E nɛ́ nɔ ko nɔ ko mɔbɔ, jokuɛyo jio, nɔkɔtɔma jio, yo jio, nyumu jio, hiɔtsɛ jio, nɔ nɛ ngɛ he wami jio. Mawu ngɔ mɛ tsuo pɛpɛɛpɛ ngɔ wo e dɛ mi.

Kronika II, 36:6

Benɛ Yehoyakim ngɛ matsɛ yee ɔ, Babilonia matsɛ, Nebukadnezar hia ta ba tua Yuda, nɛ e nu Yehoyakim kɛ ho Babilonia ya, ngɛ pã mi.

Yeremia 4:11

Be ma nɛ a ma de Yerusalem bi ɔmɛ ke ahlabata kɔɔhiɔ ko maa hia kɛ je nga kplanaa a nɔ kɛ ba a ngɔ; pi kɔɔhiɔ hɛlii nɛ maa muɔ jakati kɛ ho kɛkɛ.

Yeremia 8:10

Lɔ ɔ he ɔ, ma ngɔ a ngmɔ ɔmɛ kɛ ha ni nɛmɛ nɛ ma ba ye a nɔ ɔ; a yi ɔmɛ hu i kɛ ma ha nyumu kpahi. Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 13:20

Yerusalem, hyɛ! O he nyɛli ɔmɛ je omleyi je kɛ ma. O nimli kpakpa amɛ nɛ a ha mo ke o hyɛ a nɔ ɔ, jije a ngɛ?

Yeremia 21:7

Se mo, Yuda matsɛ, Zedekia! Mo, kɛ o tsɔli ɔmɛ, kɛ nihi tsuo nɛ a yi ma na wami ngɛ ta, kɛ hwɔ, kɛ gbenɔ hiɔ ɔ se ɔ, nyɛɛ lɛɛ ma ngɔ nyɛ kɛ wo Babilonia matsɛ, Nebukadnezar, kɛ nyɛ he nyɛli ɔmɛ nɛ ngɛ nyɛ hlae nɛ a gbe ɔ a dɛ mi. Nebukadnezar ma kpata nyɛ tsuo pɛpɛɛpɛ nyɛ hɛ mi. E be nyɛ ti nɔ ko nɔ ko he ngmɛɛe, nɛ e be nɔ ko nɔ ko mɔbɔ nae. Imi, Yawɛ lɛ i de.”

Ezekiel 16:40

“A ma sa o yi; a maa fia mo tɛ, nɛ a kɛ klaate maa poo mo kpɔ nya kpɔ nya.

Ezekiel 21:31

Nyɛ maa nu ye abofu nɛ nya wa a he, be mi nɛ ma gli kɛ wo nyɛ kaa la nɛ ngɛ tsoe plamplam. Ma ngɔ nyɛ kɛ wo dikali nɛ le ga nɛ a kɛ kpataa nɔ hɛ mi a dɛ mi.

Ezekiel 28:7

ma ha nibwɔhi yiwutsotsɛmɛ kpanakuhi maa je je ma amɛ a mi ma ba tua mo. Afɛu ní babauu nɛ o gu o nile, kɛ o ga a nɔ kɛ ná a tsuo hɛ mi ma kpata.

Ezekiel 31:12

Nibwɔhi nɛ ji je ma amɛ a kpɛti yiwutsotsɛmɛ pe kulaa maa hɛ lɛ ngɔ fɔ si, nɛ a maa je e he ngɛ lejɛ ɔ. E kɔni wawi ɔmɛ ma ya pue yo ɔmɛ a nɔ, kɛ kɔ̃ ɔmɛ a mi; nɛ e kɔni agbo ɔmɛ maa ku kɛ pue nyu dɔ ɔmɛ a mi ngɛ zugba a nɔ tsuo. Je ma amɛ nɛ ngɛ e hɔ̃ ɔ mi ɔ maa je.

Matsɛmɛ II, 24:1

Benɛ Yehoyakim ngɛ tsɛ yee ɔ, Babilonia matsɛ, Nebukadnezar hia ta ba tua Yuda. Yehoyakim sɔmɔ lɛ jeha etɛ, nɛ lɔ ɔ se ɔ, e tsɔ atuã.

Yeremia 30:5

“Wa nu gbi ko nɛ ngɛ pɛe, sawale kɛ gbeye, se pi tue mi jɔmi.

Yoel 2:3

A maa ye nɔ́ tsuaa nɔ́ pɛsɛpɛsɛ kaa bɔ nɛ la sãã nɔ́ ɔ. Ngɛ a hɛ kpɛ ɔ, zugba a maa hi kaa Eden ngmɔ ɔ mi pɛ; a se je ɔ maa pee zugba kplanaa. A be nɔ́ ko nɔ́ ko piɛe.