Habakuk 1:15 - BAIBLO ALOO NGMAMI KLƆUKLƆU Ɔ

¹⁵ Babilonia bi ɔmɛ kɛ gbowe ngɛ nimli adesahi sae kaa a saa pa mi lo. A kɛ a ya amɛ gblaa mɛ kɛ yaa, nɛ a kɛ bua jɔmi heɔ ose kaa a nine gbe ní babauu.

Habakuk 1:15 ပူးပေါင်းရင်းမြစ်များ

Amos 4:2

Nyɔmtsɛ Mawu ka e he kita ke, ‘Be ma, nɛ e be kɛe kulaa, nɛ a kɛ gbowe maa gbla nyɛ kɛ ho; nyɛ ti nɔ tsuaa nɔ maa pee kaa lo ngɛ gbowe nya.

Yeremia 16:16

Yawɛ ke “Ma tsɔ hɛli babauu kɛ ba nɛ a ba hɛ nimli nɛ ɔmɛ kaa a hɛɛ lo. Lɔ ɔ se ɔ, ma tsɔ de dali babauu kɛ ba nɛ a ba da mɛ kaa a daa lohwe de ngɛ yo tsuaa yo, kɛ yoku tsuaa yoku nɔ, kɛ tɛ puɔ tsuaa tɛ puɔ mi ngɛ tɛ sa amɛ a nɔ.

La 10:9

E buɔ si ngɛ e laami he ɔ kaa jata ngɛ e muɔ mi. E woɔ ka nɛ e nuu nihi nɛ a ní ngɛ mɔbɔ. Ke e nine su a nɔ kɛkɛ e gbla mɛ kɛ ho.

Kpojemi 11:10

Nihi tsuo ngɛ je nɛ ɔ mi ɔ ma nya kaa nimli enyɔ nɛ ɔmɛ gbo. A tsui maa nɔ a mi, nɛ a maa ke a sibi ní, ejakaa jamɛ a gbali enyɔ ɔmɛ ngɔ haomi babauu kɛ ba je ɔ mi.

Mateo 17:27

Se bɔ nɛ pee nɛ wa ko tsɔ̃ nimli nɛ ɔmɛ a nya a, yaa wo ɔ nya nɛ o ya fɔ gbowe. Kekleekle lo nɛ ma ba mi gbowe ɔ, sá lɛ. Hyɛ lo ɔ nya mi, nɛ o maa na sika nɛ maa su i kɛ mo tsuo wa sɔlemi we ɔ he tó ɔ nya. Ngɔɔ nɛ o kɛ wo wa tó ɔ.”

Ezekiel 35:15

Benɛ ye ma Israel nɔ si nɛ e pee pasaa a, o nya. Jehanɛ lɛɛ Seir yo ɔmɛ, kɛ Edom zugba a tsuo maa pee pasaa kulaa. Kɛkɛ ɔ, nɔ tsuaa nɔ maa le kaa imi ji Yawɛ.”

Ezekiel 26:2

E ke, “Nɔmlɔ adesa, bɔ nɛ Tiro bi ɔmɛ ngɛ nyae, nɛ a ngɛ dee ngɛ Yerusalem he ji, ‘Yiɛɛ! A ku Yerusalem ngɔ pue si! E jua yemi, kɛ ní nɛ e na a tsuo ma ba je wa ngɔ.’

Ezekiel 25:6

“Bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ: O fia o dɛ mi, nɛ o si si. O bui Israel zugba a, ejakaa o ngɛ e he juɛmi yaya.

Yeremia 50:11

Bɔ nɛ Yawɛ de ji nɛ ɔ nɛ: “Babilonia bi, nyɛ kpata ye zugba a hɛ mi. Nyɛ kle tɔfutɔfu kaa na yihi nɛ ye niye ní kpakpa, nɛ nyɛ kpaa ngmlaa kɛ he wami kaa okpɔngɔ. Nyɛ bua jɔɔ nyɛ he, nɛ nyɛ nyaa.

Yesaya 19:8

Hɛli kɛ nihi tsuo nɛ fɔɔ gbowe ngɛ Nilo pa a mi ɔ maa ye kɔmɔ, nɛ a maa wo yana. Ya fɔli tsuo a ni maa pee mɔbɔ.

Mateo 13:19

Nihi nɛ nuɔ matsɛ yemi ɔ he sɛ gbi, se a nui sisi ɔ, a ngɛ kaa wu nɛ ya pue blɔ he ɔ. Nɔ yayami ɔ baa nɛ e ba saa nɔ́ nɛ a du ngɛ a mi ɔ kɛ jeɔ.

Yeremia 5:26

“Yiwutsotsɛmɛ ngɛ ye ma mi bi ɔmɛ a kpɛti. A woɔ ka kaa bɔ nɛ nihi nɛ tsɔɔ lohwe pɛlitsɛmɛ klama peeɔ ɔ. Se mɛɛ lɛɛ ke a tsɔ klama a, nimli lɛ a duɔ.

Habakuk 1:14

Kɛ pee kɛɛ nɛ o ngɛ nimli adesahi pee kaa a peeɔ pa mi lo, loo kaa a peeɔ lohwe tsɔwi nɛ sãã si nɛ a be nɔ yelɔ ko nɛ tsɔɔ mɛ blɔ ɔ?

Habakuk 2:5

Ní nami babauu sisiɔ nɔ. Nihi nɛ bua ní nya ha a he ɔ, a woɔ a he nɔ, nɛ a he mi jɔɛ mɛ; a ngɛ kaa gbenɔ kɛ gbeje, a tɔɛ gblee. Enɛ ɔ he je nɛ a kɛ ma tsuaa ma hwuu ta, nɛ a ngɔɔ ma amɛ kakaaka a nɛ.