Habakuk 1:13 - BAIBLO ALOO NGMAMI KLƆUKLƆU Ɔ

¹³ Se kɛ pee kɛɛ nɛ o ngɛ yiwutsotsɛmɛ nɛ ɔmɛ hyɛe nɛ o de we nɔ́ ko ɔ? Mo nɛ o hɛngmɛ ngɛ klɔuklɔu, nɛ o hyɛ we nɔ yayami, loo nɔ́ nɛ dɛ ɔ, mɛni he je nɛ o ngɛ hyɛe nɛ nimli yayamihi ngɛ dali a hɛ mi kpatae, nɛ o de we nɔ́ ko ɔ?

Habakuk 1:13 ပူးပေါင်းရင်းမြစ်များ

La 50:3

Wa Mawu ɔ ma oo, e pee we di, se mohu la gegeege nɛ puɛɔ nɔ́ ngɛ e hɛ mi kɛ ma, nɛ ahumi ngɛ fiae kɛ ngɛ lɛ bɔlee.

La 10:15

Moo ku yiwutsotsɛmɛ, kɛ yayami peeli a he wami nya, nɛ o gbla a tue kɛ yaa si yayami peemi se maa po.

Samuel II, 4:11

Lɛɛ ke nyɛ dikali nyɛ ya gbe nɔ ko nɛ pee we yayami ko kɛ wo sa mi ngɛ lɛ nitsɛ e we mi ɔ, anɛ e sɛ kaa i yeɔ e gbenɔ ɔ he lue, nɛ ma kpata nyɛ hɛ mi kɛ je zugba a nɔ lo?”

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Yesaya 64:12

Yawɛ, níhi nɛ ngɛ wa nɔ bae nɛ ɔ, o be he nɔ́ ko pee ha wɔ lo? Anɛ o maa pee dii nɛ o ha waa na nɔ́ pe bɔ nɛ wa ma nyɛ nya maa da lo?

Yesaya 33:1

Musu tloo he nyɛli ɔmɛ! A fia ojo nɛ a sisi nihi; se mɛɛ lɛɛ nɔ ko fiɛ mɛ ojo, nɛ nɔ ko sisi we mɛ hulɔ. A we ojo fiami, kɛ nɔ sisimi ɔ se maa po kɛ̃, nɛ mɛ nitsɛmɛ hu a maa fia mɛ ojo, nɛ a maa sisi mɛ.

Yesaya 21:2

I na nina ko nɛ kɔɔ yi wu tso níhi nɛ maa ba a a he; a maa ngɔ nihi kɛ wo amanehlu mi, nɛ a hɛ mi ma kpata. Elam tabo, tee si nɛ o tua mɛ! Media tabo, wo ma amɛ a he ka! Amanehlu nɛ Babilon kɛ ba a, Mawu ma ha e se maa po.

La 83:1

Mawu, ko ma o nya; koo pee dii, koo pee kɔ̃!

La 73:3

Ejakaa ye hɛ kɔ he nɔ woli, kɛ yayami peeli a nɔ benɛ i na kaa a ngɛ nɔ yae ngɛ je mi ɔ.

La 50:21

O pee ní nɛ ɔmɛ tsuo; se akɛnɛ i de we nɔ́ ko he je ɔ, o susu kaa i ngɛ kaa mo. Jehanɛ lɛɛ i ngɛ o hɛ mi kae; i ngɔ nɔ́ tsuaa nɔ́ kɛ ngɛ o hɛ mi mae paa.

La 35:22

Yawɛ, tse o ngɛ hyɛe? Ko ma o nya! Nyɔmtsɛ, koo je ye he!

Hiob 15:15

Hyɛ, Mawu bɔfo klɔuklɔu ɔmɛ po e kɛ e hɛ fɔ we a nɔ; mɛ nitsɛmɛ tete po a he tsɔ we ngɛ e hɛ mi.

Ester 4:14

Ke o de we nɔ́ ko ngɛ be kaa kikɛ nɛ ɔ mi ɔ, yi wami hemi maa je he kpa ko kɛ ba ha Yuda bi ɔmɛ; se moo lɛɛ, o ma gbo, nɛ o tsɛ we ɔ biɛ maa laa pɛsɛpɛsɛ. Se mɛnɔ maa le? Eko ɔ, be nɛ ngɛ kaa kikɛ nɛ ɔ he nɛ a wo mo manyɛ ngɛ ɔ nɛ!”

Matsɛmɛ I, 2:32

Yawɛ maa wo Yoab hiɔ ngɛ nihi nɛ e gbe nɛ tsaatsɛ David li he nɔ́ ko ɔ a he. Yoab gbe nyumuhi enyɔ nɛ a da pe lɛ yaka gu. Mɛ ji Israel tatsɛ Abner, Ner binyumu ɔ, kɛ Yuda tatsɛ Amasa, Yeter binyumu ɔ.

Hiob 21:7

Mɛni he je yayami peeli a se kɛɔ ngɛ je mi? Mɛni he je a peeɔ nimli nguahi, nɛ a bwɔɔ kotokoto loko a gboɔ ɔ?

La 18:26

Nihi nɛ a he tsɔ ɔ, o jeɔ o he si kɛ tsɔɔ mɛ kaa o he tsɔ. Se yiwutsotsɛmɛ lɛɛ o ha we mɛ hɛ mi kulaa.

La 25:3

Nihi nɛ ngɔ a hɛ kɛ fɔ o nɔ ɔ, ko ha nɛ zo nɛ gbe mɛ. Ha nɛ nimli yayamihi, kɛ yakayaka nimli mohu a hɛ mi nɛ pue si.

La 35:17

Yawɛ, o maa hi nɔ́ nɛ ɔ hyɛe kɛ yaa si mɛni be! Jé mi kɛ je kikɛmɛ a ogbetee nɛ ɔmɛ a dɛ mi! Ko ha nɛ a kpata ye hɛ mi!

La 35:25

Ko ha nɛ a de ke, “Ɛhɛɛ, wa nine gbe lɛ! Nɔ́ nɛ wa ngɛ hlae ɔ pɛ ji nɛ ɔ nɛ!”

Yesaya 24:16

Wa nu yi jemi lahi nɛ a ngɛ lae kɛ je je mi nyagbe he ɔmɛ kɛ ngɛ dalɔ ɔ hɛ mi nyami woe. Se imi lɛɛ, hɛ kɛ nɔ fɔmi ko kulaa be ha mi! He lo kɛkɛ i ngɛ tae. Ye yi ta pɛ! Yi mi sɔuu nɛ nihi ngɛ a sibi wae kpamisa.

Kɔmɔ Yemi 3:36

Ke a yi dami sane ngɛ sane yemi he ɔ, Nyɔmtsɛ ɔ le.

Habakuk 1:14

Kɛ pee kɛɛ nɛ o ngɛ nimli adesahi pee kaa a peeɔ pa mi lo, loo kaa a peeɔ lohwe tsɔwi nɛ sãã si nɛ a be nɔ yelɔ ko nɛ tsɔɔ mɛ blɔ ɔ?

Zakaria 8:17

Nyɛ ko so nyɛ sibi a yi nɔ. Nyɛ ko kã lakpa kita. I nyɛɛ ní nɛ ɔmɛ. Yawɛ lɛ de.”

Mose V, 23:15

“Ke nyɔguɛ ko kú kɛ je e nyɔmtsɛ ngɔ, nɛ e ba po mo ɔ, koo kpale lɛ kɛ ya ha e nyɔmtsɛ ɔ.

Hiob 24:23

Mawu ma ha nɛ e maa hi si ngɛ tue mi jɔmi mi, se daa nɛ ɔ, e hɛngmɛ ngɛ e he.