Galatabi 6:7 - BAIBLO ALOO NGMAMI KLƆUKLƆU Ɔ

⁷ Nyɛ ko sisi nyɛ he. Mawu ɔ, a yi e he fɛu. Nɔ́ nɛ nɔmlɔ du ɔ, lɔ ɔ nɔuu e ma kpa.

Somi He Ɔ

⁷ Nyɛ ko mlɔɔ nyɛ he: Mawu ɔ, a yi e he fɛu yaka. Ejakaa nɔ́ nɛ nɔmlɔ duɔ ɔ, kɔlɔ ɔ nɔuu e ma kpa hulɔ.

Galatabi 6:7 ပူးပေါင်းရင်းမြစ်များ

2 Korintobi 9:6

Nyɛ kai kaa ke nɔ ko du wu bɔbɔyoo ɔ, e ma kpa ní bɔbɔyoo; ke nɔ ko du wu fuu ɔ, e ma kpa ní babauu jã kɛ̃.

Hosea 10:12

I de ke, ‘Nyɛɛ ye dami sane, konɛ ma suɔ nyɛ, nɛ ma gbaa nyɛ. Nyɛ tsake nyɛ tsui; ejakaa be ɔ su nɛ nyɛ ma hla imi Yawɛ, ye se blɔ. Kɛkɛ ɔ, ma ha dami sane yemi ma he si kaa bɔ nɛ hiɔmi nɛɛ ɔ.’

Hiob 4:8

Nɔ́ nɛ imi i le ji kaa nihi nɛ huɔ yayami ngmɔ, nɛ a duɔ yayami wu ɔ, yayami yiblii lɛ a kpaa.

1 Korintobi 15:33

Nyɛ ko ha nɛ a sisi nyɛ. “Huɛ yaya bɔmi puɛɔ je mi bami kpakpa.”

Abɛ Womi 11:18

Nɔmlɔ yayami ɔ, nɔ́ ko bɔbɔyoo kɛkɛ e naa kɛ jeɔ e yi wu tso ní peemi níhi a mi. Nɔ nɛ peeɔ nɔ́ nɛ da lɛɛ e nine suu hiɔwo kpakpa nɔ kɛ̃.

Abɛ Womi 1:31

Lɔ ɔ he ɔ, nɔ́ nɛ nyɛ tsu ɔ, lɔ ɔ he hiɔwo nyɛ ma na; nyɛ ní yaya amɛ nɔuu maa hao nyɛ.

Efesobi 5:6

Nyɛ ko ha nɛ nɔ ko nɛ pee nyɛ kuasia; ejakaa nihi nɛ gboɔ tue, nɛ a peeɔ yayamihi kaa kikɛ nɛ ɔ, Mawu kɛ mi mi la gblaa a tue wawɛɛ.

Hosea 8:7

Ejakaa ke a du kɔɔhiɔ ɔ, a ma kpa lasiogblee! Blɛfo ngmɔ nɛ wui ní ɔ, a be mamu nae kɛ je mi. Ke e wo yiblii po nibwɔhi ma ba ye lɛ tsuo.

1 Korintobi 6:9

Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

Abɛ Womi 6:14

Be nɛ ɔ mi tsuo ɔ, ní yaya sɔuu lɛ e hii susue; e hii pɛ woe ngɛ he tsuaa he.

Hiob 15:31

Ke e ya sisi e he, nɛ e ngɔ e hɛ ngɔ fɔ níhi nɛ a he be se nami a nɔ ɔ, e maa je mi dɛ gu.

Luka 16:25

“Se Abraham de lɛ ke, ‘Ye bi, kai kaa o wami be mi ɔ, o na ní kpakpahi babauu, be mi nɛ Lazaro lɛɛ e na ní yayahi sɔuu. Se piɔ lɛɛ e na bua jɔmi, nɛ moo lɛɛ o ngɛ nɔ́ nae.

Yakobo 1:22

Nyɛ ko sisi nyɛ he kaa nyɛ maa bu munyu ɔ tue kɛkɛ; mohu nyɛɛ pee munyu ɔ nɔ yeli.

1 Yohane 3:7

Ye bimɛ tsɔwi, nyɛ ko ha nɛ nɔ ko nɛ sisi nyɛ! Nɔ tsuaa nɔ nɛ peeɔ nɔ́ nɛ da a, dalɔ ji lɛ kaa bɔ nɛ Kristo hu dalɔ ji lɛ ɔ.

Obadia 1:3

O he nɔ womi ɔ sisi mo. O matsɛ ma a, a fia gbogbo kɛ wo he ngɛ tɛ sa nɔ; o hi he ngɛ yo ɔmɛ a nɔ tsitsaa, lɔ ɔ he ɔ, o deɔ ngɛ o yi mi ke, ‘Mɛnɔ po ma nyɛ maa gbla mi kɛ ba zugba?’

Galatabi 6:3

Ke e peeɔ nɔ ko kaa nɔ ko ji lɛ, se pohu pi nɔ ko kulaa ji lɛ ɔ, lɛ nitsɛ e he nɛ e ngɛ sisie.

Yakobo 1:26

Anɛ nyɛ ti nɔ ko susuu kaa e ngɛ Mawu jae bɔ nɛ sa lo? Jamɛ a nɔ ɔ, e kɔ e lilɛ mi. Ke e kɔɛ e lilɛ mi ɔ, tsa pi Mawu nɛ e ngɛ jae, se lɛ nitsɛ e he kɛkɛ nɛ e ngɛ sisie.

1 Korintobi 3:18

Nyɛ ti nɔ ko nɔ ko kó sisi e he. Ke nyɛ ti nɔ ko susuu kaa lɛɛ e le ní pe nɔ tsuaa nɔ ɔ, é pee e he kuasia. Kɛkɛ ɔ, e maa pee ní lelɔ nitsɛnitsɛ.

1 Yohane 1:8

Ke wa de ke yayami ko be wa he ɔ, wɔ nitsɛmɛ wa he wa ngɛ sisie; nɛ Mawu we anɔkuale ɔ be wa mi.

Luka 21:8

Yesu de mɛ ke, “Nyɛɛ hyɛ saminya nɛ a ko mlɔɔ nyɛ, ejakaa nihi fuu maa ba, nɛ a kɛ ye biɛ maa tu munyu ke, ‘Imi ji Kristo ɔ nɛ!’ A ma de hu ke, ‘Be ɔ su ta!’ Se nyɛ ko ya nyɛɛ a se.

Yuda 1:18

A de ke, “Nyagbe be ɔ mi ɔ, nihi maa ba nɛ a maa ye nyɛ he fɛu; a maa pee ní yayamihi nɛ mɛ nitsɛmɛ a tsui suɔ.”

2 Tesalonikabi 2:3

Nyɛ ko ha nɛ nɔ ko nɛ sisi nyɛ ngɛ blɔ ko blɔ ko nɔ. Ja nyagbe atuã tsɔmi ɔ ba kekle loko ligbi ɔ maa ba. Dikalɔ ɔ nɛ hɛ mi ma kpata a maa je kpo.

Yeremia 37:9

Imi Yawɛ i ngɛ nyɛ dee ke nyɛ ko sisi nyɛ he; nyɛ ko susu kaa Babilonia bi ɔmɛ be kpalee kɛ ba hu. A maa ba kokooko!

Hosea 10:13

Yayami nɛ nyɛ du ɔ, e yiblii nɛ nyɛ kpa. Lakpa amɛ nɛ nyɛ ye ɔ, a mi nɔ́ nyɛ ngɛ nae ɔ nɛ. “Nyɛ ngɔ nyɛ hɛ ngɔ fɔ nyɛ ta zugba lɛhi, kɛ nyɛ ta buli babauu ɔ a nɔ.

Ezekiel 14:5

Kɛkɛ ɔ, Israel ma a tsuo nɛ a kɛ amaga jami tsɔ a he kɛ je ye he ɔ, ma ha a maa kpale kɛ ba ye ngɔ ekohu kɛ a tsui tsuo.