Galatabi 6:4 - BAIBLO ALOO NGMAMI KLƆUKLƆU Ɔ

⁴ Nɔ tsuaa nɔ nɛ hyɛ lɛ nitsɛ e ní peepee. Ke e hi ɔ, e ma nyɛ maa fĩa ngɔ fɔ nɔ, nɛ e be hiae kaa e maa ngɔ e he ngɔ to nɔ kpa he;

Somi He Ɔ

⁴ Nɔ tsuaa nɔ nɛ ka lɛ nitsɛ e ni tsumi nɛ e hyɛ, nɛ lɔ ɔ loko e maa na nɔ́ ko ngɛ lɛ nitsɛ e mi nɛ e fia ngɔ fɔ nɔ, se pi nɔ kpa nɔ́ ɔ nɔ.

Galatabi 6:4 ပူးပေါင်းရင်းမြစ်များ

2 Korintobi 13:5

Nyɛɛ ka nyɛ nitsɛmɛ nyɛ he nɛ nyɛɛ hyɛ kaa nyɛ heɔ Kristo yeɔ niinɛ lo. Nyɛɛ hyɛ nyɛ nitsɛmɛ nyɛ he nɛ hi. Anɛ nyɛ nitsɛmɛ nyɛ li kaa Yesu Kristo he wami ɔ ngɛ nyɛ mi lo? Ee, ke nyɛ sɛ́ ɔ, nyɛ be enɛ ɔ lee.

La 26:2

Yawɛ, kaa mi nɛ o hyɛ; hyɛ ye tsui mi, nɛ o hyɛ ye juɛmi mi.

1 Korintobi 11:28

Nɔ tsuaa nɔ nɛ hyɛ e tsui mi kekle loko e ye abolo ɔ, nɛ e nu wai nɛ ngɛ kplu ɔ mi ɔ.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Luka 18:11

“Farisi no ɔ ya da si ngɛ he ko banee, nɛ e sɔle ke, ‘Mawu, i naa mo si kaa i pee we jiklɔɔ; i sisi we nɔ, nɛ i puɛ we gba kaa bɔ nɛ ni komɛ peeɔ ɔ. I naa mo si ekohu kaa i be kaa tó tsulɔ nɛ ɔ hulɔ.

Abɛ Womi 14:14

A maa gbla yayami peelɔ tue ngɛ e yayamihi a he; nɔmlɔ kpakpa hu ma na e ní kpakpahi a he hiɔwo.

Hiob 13:15

Bɔ tsuaa bɔ nɛ pee ɔ, e maa gbe mi sa; i be hɛ nɔ kami ko. Se kɛ̃ ɔ, ma fa ye he ngɛ e hɛ mi.

Galatabi 6:13

Nihi nɛ a kusumi ji kaa a po mɛ ɔ, mɛ nitsɛmɛ po a yi mlaa a nɔ. A ngɛ hlae kɛkɛ nɛ a fĩa kaa mɛ lɛ a pee lɛ nyɛ kplɛɛ nɛ a po nyɛ.

1 Korintobi 3:8

Nɔ nɛ duɔ tso, kɛ nɔ nɛ pueɔ nɔ nyu ɔ, slɔɔto be a kpɛti; Mawu maa wo a ti nɔ tsuaa nɔ hiɔ kpakpa ngɛ ní tsumi nɛ e tsu ɔ he.

1 Korintobi 3:14

Ke nɔ ko fia tsu ngɔ fɔ sisi tomi ɔ nɔ, nɛ la sa he, se tsu ɔ daa si kɛ mwɔɔ ɔ, tsu fialɔ ɔ ma na hiɔwo kpakpa.

Filipibi 1:26

Kɛkɛ ɔ, ke wa ba bua ekohu ɔ, nyɛ ma na he blɔ hluu tsɔ kɛ fĩa kaa i ha nɛ nyɛ ba le Kristo Yesu.