Galatabi 6:1 - BAIBLO ALOO NGMAMI KLƆUKLƆU Ɔ

¹ Ye nyɛmimɛ, ke nyɛ ti nɔ ko tɔ ɔ, nyɛ ni nɛmɛ nɛ Mawu mumi ɔ ngɛ nyɛ mi ɔ, nyɛɛ bɔ mɔde nɛ nyɛɛ ngɔ lɛ kɛ ba blɔ dadɛ nɔ. Nyɛɛ to nyɛ tsui si blɛuu kɛ pee nɔ́ nɛ ɔ. Nyɛɛ hyɛ saminya, konɛ nyɛ nitsɛmɛ hu nyɛ ko ya sɛ jamɛ a ka a eko mi.

Somi He Ɔ

¹ Mamimɛ, ke tlukaa nɛ nɔ ko tɔ ɔ, nyɛ nihi nɛ nyɛ ji mumi mi nimli ɔmɛ ɔ, nyɛ dla jamɛ a nɔ ɔ ekohu ngɛ mi mi jɔmi mumi mi; nɛ o le o he nɔ hyemi konɛ mo hu a ko ka mo.

Galatabi 6:1 ပူးပေါင်းရင်းမြစ်များ

Romabi 15:1

Wɔ nihi nɛ wa hemi kɛ yemi mi wa a, e sa kaa waa ye bua ni nɛmɛ nɛ a hemi kɛ yemi mi wɛ ɔ. Wa ko susu wɔ nitsɛmɛ pɛ wa he.

2 Tesalonikabi 3:15

Nyɛ ko bu lɛ he nyɛlɔ, se mohu nyɛɛ tu munyu ngɔ tsɔɔ lɛ kaa nyɛmi.

2 Timoteo 2:25

Pi enɛ ɔ kɛkɛ, e sa kaa e pee nɔ nɛ kɛ mi mi jɔmi tuɔ munyu tsɔɔ nihi nɛ tee si kɛ siɔ lɛ ɔ. Alini Mawu maa na jamɛatsɛmɛ ɔmɛ mɔbɔ nɛ a tsake a tsui, konɛ a ba le anɔkuale ɔ.

1 Yohane 5:16

Ke o na o nyɛmi nɛ ngɛ yayami pee, nɛ pi yayami nɔ́ nɛ ma ha nɛ e hɛ mi nɛ kpata a, moo fa kue ha Mawu, konɛ e ha lɛ wami. Nihi tsuo nɛ peeɔ yayami nɔ́ nɛ ha we nɛ nɔ hɛ mi kpataa a, enɛ ɔ kɔɔ a he. Se yayami ngɛ nɛ haa nɔ hɛ mi kpataa, nɛ lɔ ɔ lɛɛ i de we ke nyɛɛ fa kue ha Mawu ngɛ he.

2 Korintobi 2:7

Jehanɛ lɛɛ nyɛɛ ngɔ e he yayami kɛ pa lɛ, nɛ nyɛɛ wo lɛ bua, konɛ e ko ba ye kɔmɔ tsɔ, nɛ e kɔni mi ba jɔ̃.

Hebribi 12:13

Nyɛɛ nyɛɛ blɔ nɛ da nɔ, konɛ glɔ̃ nane ɔ kó to kpa, se mohu a tsa lɛ.

1 Petro 3:15

Se nyɛ ja Kristo ngɛ nyɛ tsui mi, nɛ bu nɛ sa lɛ kaa Nyɔmtsɛ ɔ, nyɛ ha lɛ. Be tsuaa be ɔ, nyɛ dla nyɛ he ngɔ to, konɛ ke nɔ ko bi nyɛ ke nyɛɛ tsɔɔ nɔ́ pɔtɛɛ nɛ nyɛ heɔ yeɔ kaa nyɛ nine maa su nɔ hwɔɔ se ɔ, nyɛ nyɛ nɛ nyɛ ha lɛ heto.

Romabi 14:1

Nɔ ko nɛ hemi kɛ yemi mi wɛ ɔ, nyɛɛ kɛ lɛ ko sã nya ngɛ nɔ́ nɛ e susuɔ kaa e sa nɛ e pee, kɛ nɔ́ nɛ e ko pee he. Se mohu nyɛ he lɛ atuu kɛ ba nyɛ kpɛti.

Ezekiel 34:16

“Tohi nɛ laa a, ma ya hla mɛ; ní nɛmɛ nɛ tla blɔ ɔ, ma ya tsɔ́ mɛ kɛ ba; ní nɛmɛ nɛ plaa a, ma fi a pa amɛ a nɔ ha mɛ; hiɔtsɛmɛ ɔmɛ hu ma tsa mɛ. Se ní nɛmɛ nɛ wo zɔ, kɛ ní nɛmɛ nɛ ngɛ he wami saminya a, ma kpata a hɛ mi; ejakaa i yeɔ dami sane.

1 Korintobi 10:12

Lɔ ɔ he ɔ, nɔ nɛ susuɔ kaa e daa si ɔ, e hyɛ e he nɛ hi, konɛ e ko nɔ si.

1 Korintobi 4:21

Te nɔ nɛ nyɛ suɔ nɛɛ? Ke i ma nyɛ ngɔ ɔ, ma hɛɛ kpa kɛ ba, aloo ma ba ngɛ suɔmi, kɛ he jɔmi mi?

Yakobo 3:2

Wɔ tsuo wa pɔɔ tɔmi peemi babauu. Se ke nɔ ko tɔ we ngɛ munyu tumi mi ɔ, lɛɛ nɔmlɔ nɛ hi kɛ pi si ji lɛ, nɛ e ma nyɛ maa ye e nɔmlɔ tso ɔ tsuo nɔ hulɔ.

2 Korintobi 10:1

Imi Paulo nitsɛ, i ngɛ nyɛ pɛɛ kpae! Ni komɛ deɔ ke ke i ba nyɛ ngɔ ɔ, i peeɔ kpoo, se ke i be nyɛ kasa nya kɛkɛ i hia kã. I suɔ nɛ ma pee kpoo, nɛ ye mi mi nɛ jɔ kaa Kristo.

Mateo 9:13

Nyɛɛ ya nɛ nyɛ ya hla ngmami nɛ ɔ sisi: ‘Mɔbɔ nami i ngɛ hlae, se pi bɔ sami!’ I bɛ nɛ ma ba tsɛ nihi nɛ peeɔ nɔ́ nɛ da, se mohu yayami peeli.”

1 Korintobi 14:37

Ke e peeɔ nɔ ko kaa gbalɔ ji lɛ, aloo kaa e ngɛ mumi mi nike ní ko ɔ, e na nɛ e le kaa níhi nɛ i ngɛ nyɛ ngmae nɛ ɔ, Nyɔmtsɛ ɔ biɛ mi i ngɛ ngmae ngɛ.

1 Korintobi 7:5

Nyumu kɛ e yo kó tsi a he nya kaa a kɛ a sibi be bɔmi nae. Lɛɛ ja eko ɔ, mɛ ni enyɔ ɔmɛ tsuo a kplɛɛ kaa a maa pee jã be kuku kɛkɛ, konɛ a na deka kɛ sɔle. Lɔ ɔ se ɔ, á bɔni bɔmi ekohu. Ke pi jã a, a be a he nɔ nyɛe maa ye hu, nɛ Satan maa ka mɛ.

1 Korintobi 2:15

Nɔmlɔ nɛ mumi ɔ ngɛ e mi ɔ naa nɔ́ tsuaa nɔ́ kaa bɔ nɛ e ngɛ anɔkuale mi ɔ pɛpɛɛpɛ; se lɛɛ nɔ ko nɔ ko li lɛ kɛ pi si.

Romabi 8:6

He lo nya níhi a he juɛmi ɔ kɛ gbenɔ baa, se mumi mi níhi a he juɛmi ɔ haa nɔ wami, kɛ he jɔmi.

Mateo 11:29

Nyɛɛ ngɔ ye kuɛpã tso ɔ ngɔɔ tloo, nɛ nyɛɛ kase mi; ejakaa ye he jɔ, nɛ i baa ye he si kɛ jee ye tsui mi. Ke nyɛ pee ja a, nyɛ ma na he jɔmi;

Yakobo 3:13

Anɛ ní lelɔ ko ngɛ nyɛ kpɛti lo? Anɛ nɔ ko ngɛ nyɛ kpɛti nɛ nuɔ nɔ́ sisi lo? Jamɛ a nɔ ɔ, e ba e je mi saminya. E ngɔ he si bami kɛ tsu ní kpakpa kɛ ye e nile ɔ he odase.

Hebribi 13:3

Nyɛ kai nihi nɛ a wo mɛ tsu ɔ kaa nɔ́ nɛ nyɛɛ kɛ mɛ tsuo lɛ a wo tsu. Nyɛ kai nihi nɛ a ngɛ mɛ yi mi wae ɔ kaa nɔ́ nɛ nyɛ nitsɛmɛ mohu nɛ a ngɛ yi mi wae.

Galatabi 5:23

he si bami, kɛ he nɔ yemi. Enɛ ɔmɛ ɔ, mlaa ko mlaa ko tsi nya.

Samuel II, 11:2

Ligbi ko gbɔkuɛ nya si ɔ, David te si kɛ je e sa mi nɛ e ya ngɛ si slaae ngɛ tsu ɔ yi mi ngɛ matsɛ we ɔ mi. Kɛkɛ nɛ e na yo ko nɛ ngɛ due ngɛ sisi ɔ. Yo ɔ he ngɛ fɛu saminya.

1 Korintobi 3:1

Nyɛmimɛ, anɔkuale mi ɔ, i nyɛ we nɛ i kɛ nyɛ nɛ tu munyu kaa bɔ nɛ i kɛ nihi nɛ mumi ɔ ngɛ a mi ɔ tuɔ munyu. Se mohu, i kɛ nyɛ tu munyu kaa je mi bi, aloo bimwɔwi ngɛ Kristo jami mi.

Mateo 26:75

Nɛ Petro kai munyu ɔ nɛ Yesu tu lɛ ke, “Loko kungwɔ ma kpa nɔ́ ɔ, o ma de si etɛ ke o li mi” ɔ. Nɛ e je kpo, nɛ e ya fo ya wawɛɛ.

Mateo 26:69

Be nɛ ɔ mi tsuo ɔ, Petro hii si ngɛ kue ɔ mi ngɛ kpo ɔ nɔ. Kɛkɛ nɛ osɔfo nɔkɔtɔma pe kulaa a mawayo ko ba e ngɔ ba de lɛ ke, “Mo hu tse o kɛ Yesu, Galilea no ɔ lɛ ngɛ!”

La 141:5

Ha nɛ dalɔ nɛ gba mi ma, nɛ e ngɔ e mi mi himi ɔ kɛ ka ye hɛ mi; se ko ha nɛ yayami peeli nɛ a je ye yi; ejakaa be tsuaa be ɔ, i faa kue kɛ siɔ a yayami ɔmɛ.

Galatabi 6:18

Ye nyɛmimɛ, wa Nyɔmtsɛ Yesu Kristo dloomi ɔ kɛ nyɛ tsuo nɛ hi si. Amen.

1 Tesalonikabi 4:1

Nyagbe ɔ, nyɛmimɛ, nyɛ kase kɛ je wa ngɔ bɔ nɛ nyɛ maa ba nyɛ je mi nɛ e sa Mawu hɛ mi; nɛ jã nyɛ ngɛ pee ɔ nɛ. Se kɛ̃, ngɛ Nyɔmtsɛ Yesu biɛ mi ɔ, wa ngɛ nyɛ pɛɛ kpae, nɛ wa ngɛ nyɛ ga woe kaa nyɛɛ pee kɛ ya nɔ pe jã po.

2 Korintobi 2:8

Lɔ ɔ he ɔ, i kpa nyɛ pɛɛ nɛ nyɛ ha nɛ e le kaa nyɛ suɔ lɛ.