Galatabi 5:4 - BAIBLO ALOO NGMAMI KLƆUKLƆU Ɔ

⁴ Nyɛ nihi nɛ nyɛ hlaa kaa nyɛ maa ye mlaa a nɔ, konɛ a dla nyɛɛ kɛ Mawu nyɛ kpɛti ɔ, pe nyɛ tsɔ nyɛ he kɛ je Kristo he ɔ nɛ. Enɛ ɔ tsɔɔ kaa nyɛ kua Mawu dloomi ɔ.

Somi He Ɔ

⁴ Nyɛ ninɛmɛ nɛ nyɛ hlaa kaa a wo nyɛ nguɔ ngɛ mlaa mi ɔ, nyɛɛ kɛ Kristo be sane ko; nyɛ gbee si kɛ je dloomi ɔ mi.

Galatabi 5:4 ပူးပေါင်းရင်းမြစ်များ

Romabi 11:6

Nɛ ke dloomi nya a, lɛɛ pi ní tsumi ko nɛ a tsu he hu. Kaa ní tsumi ko nɛ a tsu he ɔ, jinɛ dloomi ɔ pi dloomi hu.

Romabi 3:20

Ejakaa ke nɔ ko ye mlaa a nɔ ɔ, lɔ ɔ tsɔɔ we kaa Mawu buu lɛ nɔ nɛ da; nɔ́ nɛ mlaa a tsuɔ ji kaa e haa nɔ leɔ kaa e pee yayami.

Galatabi 2:21

I kplɛɛ kaa Mawu dloomi ji lɛ ha mi. Ke mlaa a nɔ a guu kɛ dlaa nɔ kɛ Mawu a kpɛti ɔ, lɛɛ Kristo gbo yaka gu.

Galatabi 5:2

Lɔ ɔ he ɔ, imi Paulo, i ngɛ nyɛ dee ke, ke nyɛ ha a po nyɛ ɔ, lɛɛ Kristo he be se nami ko kulaa kɛ ha nyɛ.

Hebribi 12:15

Nyɛɛ hyɛ nɛ hi nɛ Mawu dloomi ɔ kó bɔ nɔ ko. Nyɛɛ hyɛ nɛ nɔ ko nɔ́ ko ko dɔ nyɛ kadikadi nɛ ba ble níhi babauu kɛ puɛ ní.

Hebribi 4:1

Mawu wo si ke e ma ha wa ma ya jɔɔ wa he ngɛ he jɔɔmi he. Siwo nɛ ɔ ngɛ kɛ ha wɔ kɛ mwɔɔ. Lɔ ɔ he ɔ, nyɛ ha waa hyɛ nɛ hi, konɛ e ko ba mi kaa nyɛ ti nɔ ko ya nyɛ we nɛ e su lejɛ ɔ.

Kpojemi 2:5

Lɔ ɔ he ɔ, moo hɛli o he si ngɛ nɔ nɛ mi nɛ o gbee si ngɛ ɔ he. Mo tsake o tsui, nɛ o hi si kaa kekle ɔ. Ke o tsakee we o tsui ɔ, ma ba o ngɔ, nɛ ma ba je o kane tso ɔ kɛ je e ma he ɔ.