Galatabi 5:3 - BAIBLO ALOO NGMAMI KLƆUKLƆU Ɔ

³ I ngɛ hae nɛ nyɛɛ nu sisi saminya kaa nɔ tsuaa nɔ nɛ ma ha nɛ a po lɛ ɔ, e hia doo kaa e ye mlaa a tsuo pɛpɛɛpɛ hu nɔ.

Somi He Ɔ

³ Se i pa ngɛ odase yee kɛ ngɛ nɔmlɔ tsuaa nɔmlɔ nɛ a po lɛ ɔ tsɔɔe kaa e hɛɛ hiɔ kaa é ye mlaa mluku ɔ kulaa nɔ.

Galatabi 5:3 ပူးပေါင်းရင်းမြစ်များ

Galatabi 3:10

Nihi nɛ susuu kaa ja a ye Yuda bi a mlaa a nɔ doo loko a ma he a yi wami ɔ, a gbiɛ mɛ. Ejakaa ngmami ɔ deɔ ke, “Mlaahi tsuo nɛ a ngma ngɛ Mawu mlaa womi ɔ mi ɔ, nɔ nɛ ma tɔ kake ngmelu nɔ ɔ, a gbiɛ lɛ.”

Romabi 2:25

Nyɛ yeɔ mlaa a nɔ jinɛ pomi nɛ a po nyɛ ɔ, se nami ngɛ he. Se nyɛ yi nɔ; lɔ ɔ he ɔ, nyɛ ngɛ kaa ni nɛmɛ nɛ a pui mɛ ɔ.

Mose V, 27:26

“ ‘Mawu maa gbiɛ nɔ tsuaa nɔ nɛ bui Mawu mlaa nɛ ɔmɛ, nɛ e yi a nɔ hulɔ.’ “Ma a tsuo ma he nɔ ke, ‘Amen!’

Efesobi 4:17

Lɔ ɔ he ɔ, i ngɛ nyɛ kɔkɔ bɔe ngɛ Nyɔmtsɛ ɔ biɛ mi ke, nyɛ ko ba nyɛ je mi kaa ma je li ɔmɛ hu. Ejakaa níhi nɛ a susuu ɔ, pi kaa a he be se nami kɛkɛ,

Mose V, 31:21

nɛ haomi gbeyegbeye babauu maa ba a nɔ. Jamɛ a be ɔ mi tsuo ɔ, a maa hi la nɛ ɔ lae, nɛ e maa pee odase kɛ si mɛ. Amlɔ nɛ ɔ po nɛ i kɛ mɛ sui zugba nɛ i wo si ke ma ha mɛ ɔ nɔ lolo ɔ, i le a yi mi.”

Mose V, 8:19

Nyɛ hɛ ko je Yawɛ, nyɛ Mawu ɔ nɔ kɔkɔɔkɔ; nyɛ ko nyɛɛ mawu kpahi a se; nyɛ ko ya ja mɛ, nɛ nyɛ ko sɔmɔ mɛ. Ke nyɛ pee ja a, lɛɛ i ngɛ nyɛ kɔkɔ bɔe mwɔnɛ ɔ kaa a ma kpata nyɛ hɛ mi.

Mateo 23:18

Jehanɛ ɔ hu, nyɛ deɔ ke, ‘Ke nɔ ko kɛ bɔ sami la tɛ ɔ ka kita a, lɔ ɔ pi nɔ́ ko kulaa. Se ke e kɛ nike ní nɛ fɔɔ si ngɛ bɔ sami la tɛ ɔ nɔ ɔ ka kita nɛ e yi nɔ ɔ, lɔ ɔ lɛɛ musu tloo lɛ.’

1 Yohane 4:14

Wa na enɛ ɔ, nɛ wa ngɛ odase yee kaa Tsɛ ɔ tsɔ e Bi ɔ kɛ ba kaa je ɔ yi wami helɔ.

1 Tesalonikabi 4:6

Lɔ ɔ he ɔ, nɔ ko kó ya pee e nyɛmi yayami kaa e ma ya ngɔ e nyɛmi e yo. Wa de nyɛ enɛ ɔ momo, nɛ wa bɔ nyɛ kɔkɔ wawɛɛ kaa nihi nɛ peeɔ jã a, Nyɔmtsɛ ɔ maa gbla a tue.

Ni Tsumi 20:21

I tu munyu kɛ tsɔɔ Yuda bi, kɛ ma je li tsuo ke a kpa yayami peemi, nɛ a ba Mawu ngɔ, nɛ a he wa Nyɔmtsɛ Yesu Kristo nɛ a ye.

Ni Tsumi 2:40

Petro tu munyu kpahi fuu kɛ ye odase, nɛ e kɛ wo mɛ ga ke, “Tue gblami nɛ yi nɔ nɛ ɔ bi yayami peeli ma na a, nyɛɛ hyɛ saminya nɛ e kó ba nyɛ nɔ.”

Luka 16:28

I ngɛ nyɛmimɛ enuɔ ngɛ lejɛ ɔ. Ha nɛ e ya bɔ mɛ kɔkɔ, konɛ mɛɛ a ko ba nɔ́ nami he nɛ ɔ.’

Mateo 23:16

“Nyɛ blɔ tsɔɔli hɛ yuyuili, musu tloo nyɛ! Nyɛ deɔ ke, ‘Ke nɔ ko kɛ sɔlemi we ɔ ka kita a, lɔ ɔ pi nɔ́ ko kulaa. Se ke e kɛ sɔlemi we ɔ sika tsu ka kita nɛ e yi nɔ ɔ, lɔ ɔ lɛɛ musu tloo lɛ.’

Nehemia 9:34

Wa nɛmɛ ɔmɛ, wa matsɛmɛ ɔmɛ, wa ma nimeli ɔmɛ, kɛ osɔfo ɔmɛ yi o mlaa a nɔ. A bui o mlaa; nɛ ke o ka a hɛ mi hu, e pue we a tsui nɔ.

Ni Tsumi 15:1

Ni komɛ je Yudea kɛ ba Antiokia, nɛ a ba bɔni nihi nɛ he Yesu ye ɔ ní tsɔɔmi ke, “Ke a pui nyɛ kaa bɔ nɛ Mose mlaa a tsɔɔ ɔ, a be nyɛe ma he nyɛ yi wami.”

Galatabi 5:2

Lɔ ɔ he ɔ, imi Paulo, i ngɛ nyɛ dee ke, ke nyɛ ha a po nyɛ ɔ, lɛɛ Kristo he be se nami ko kulaa kɛ ha nyɛ.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.