Galatabi 5:10 - BAIBLO ALOO NGMAMI KLƆUKLƆU Ɔ

¹⁰ Se imi lɛɛ i ngɔ ye hɛ ngɔ fɔ nyɛ nɔ. I le kaa nyɛ be nɔ kpa ko munyu nue. Nɔ tutuutu nɛ ngɛ nyɛ tue puɛe ɔ, Mawu maa gbla e tue kokooko!

Somi He Ɔ

¹⁰ Imi lɛɛ i ngɔ ye hɛ ngɔ fɔ nyɛ nɔ ngɛ Nyɔmtsɛ ɔ mi, kaa nyɛ be juɛmi kpa ko juɛe, se nɔ nɛ ngɛ nyɛ puee ɔ, nɔ tsuaa nɔ nɛ e ji ɔ, e musu maa tloo lɛ.

Galatabi 5:10 ပူးပေါင်းရင်းမြစ်များ

Galatabi 5:12

Nihi nɛ ngɛ nyɛ tue puɛe kikɛ nɛ ɔ, i na nɛ a puɛ mɛ, loo a ta mɛ nitsɛmɛ a he kɛkɛ nɛ e jɔ!

Filipibi 3:15

Wɔ nihi tsuo nɛ wa wa ngɛ mumi mi ɔ, juɛmi nɛ ɔ lɛ sa kaa waa hɛɛ. Se ke nyɛ ti ni komɛ ngɛ nɔ́ kpa susue ɔ, Mawu ma je lɔ ɔ hu kpo paa kɛ tsɔɔ nyɛ.

Galatabi 1:7

Oo, nyɛ bu kaa sane kpakpa kpa ko ngɛ he ko! Pe i de ja kɛkɛ; ejakaa ni komɛ ngɛ nyɛ kpɛti nɛ a ngɛ nyɛ tue puɛe; a ngɛ hlae kaa a ma tsake sane kpakpa a nɛ kɔɔ Kristo he ɔ hɛ mi.

2 Korintobi 2:3

Enɛ ɔ he nɛ i ngma nyɛ womi ɔ nɛ. I sume kaa ke i ba nyɛ ngɔ ɔ, nihi nɛ ma ha mi bua jɔmi ɔ, ma ha nɛ mɛ mohu a ní nɛ pee mɔbɔ. Ejakaa i le kaa ke ye bua jɔ kɛkɛ nyɛ tsuo nyɛ bua jɔ.

1 Timoteo 1:20

A ti ni komɛ ji Himeneo, kɛ Aleksandro. I tu mɛ ngɔ wo Abosiami dɛ mi, konɛ a gbla a tue. Nɔ́ nɛ ɔ ma ha nɛ a ma kpa musu bɔmi munyu tumi.

Galatabi 6:17

Kɛ je mwɔnɛ ɔ kɛ yaa a, nɔ ko kó doo ye nya hu. Yesu nɔ́ nami okadihi ngɛ ye nɔmlɔ tso ɔ he.

Galatabi 4:17

Ni ɔmɛ nɛ ngɛ nyɛ hɛ mi hae ɔ, nyɛ bu kaa a suɔ nyɛ; a be nyɛ he juɛmi kpakpa. A ngɛ hlae nɛ a puɛ i kɛ nyɛ wa kpɛti, konɛ nyɛ gbo mɛ mohu a he dengme.

Galatabi 3:1

Nyɛ Galatia bi nɛ nyɛ be yi! Mɛnɔ gbiɛ nyɛ ke nyɛ ko bu anɔkuale ɔ tue? Yesu gbenɔ nɛ e gbo ngɛ sɛumi tso nɔ ɔ, a tsɔɔ nyɛ nɛ nyɛ na paa.

Galatabi 2:6

Se ni nɛmɛ nɛ a buu mɛ kaa a ngɛ biɛ ɔ, bɔ tsuaa bɔ nɛ a ngɛ sa a, pi ye he sane ko. Mawu hyɛ we nimli a hɛ mi; ejakaa imi lɛɛ ni nɛmɛ nɛ a buu mɛ ɔ tsɔɔ we mi nɔ́ ko ngɔ piɛ he.

Galatabi 2:4

Se nyɛmimɛ ɔmɛ a ti lakpatsɛmɛ komɛ gu ga blɔ nɔ kɛ sɛ asafo ɔ mi nigii kɛ ngɛ hlae nɛ a hyɛ bɔ nɛ a maa pee kɛ puɛ he yemi nɛ Kristo ha wɔ ɔ, konɛ a ye wɔ nyɔguɛ.

2 Korintobi 10:6

Nɛ ke nyɛ tsake pee anɔkuale tue buli ɔ, wɔɔ lɛɛ wa pee klaalo nɛ wa maa gbla ni nɛmɛ nɛ tsakee we ɔ a tue.

1 Korintobi 5:5

nyɛɛ tu nɔmlɔ nɛ ɔ kɛ wo Satan dɛ mi, nɛ e kpata e nɔmlɔ tso ɔ hɛ mi, konɛ kojomi ligbi ɔ, Kristo nɛ he e susuma yi wami.

Ni Tsumi 15:24

Wa nu kaa wa ti ni komɛ ba nyɛ ngɔ ba doo nyɛ nya kɛ munyu komɛ, nɛ a kɛ puɛ nyɛ juɛmi, pohu wa ha we mɛ mlaa ko ke a ba wo nyɛ.

Filemon 1:21

I heɔ yeɔ kaa nɔ́ nɛ i kɛ ngɛ o hɛ mi fɔe ngɛ womi nɛ i ngma mo nɛ ɔ mi ɔ, o maa pee. I le hulɔ kaa o maa pee pe bɔ nɛ i bi nɛ ɔ tete po.

2 Tesalonikabi 3:4

Nyɔmtsɛ ɔ ha wa he nyɛ ye saminya. Enɛ ɔ he je ɔ, wa ngɛ nɔ mi mami kaa nɔ́ nɛ wa de ke nyɛɛ pee ɔ, nyɛ ngɛ pee, nɛ nyɛ maa ya nɔ maa pee.

Galatabi 4:20

I na nɛ i ngɛ nyɛ kasa nya amlɔ nɛ ɔ, jinɛ i kɛ nyɛ ko tu munyu bɔ nɛ sa, ejakaa i ngɛ haoe wawɛɛ ngɛ nyɛ he.

Galatabi 4:11

E peeɔ mi kaa dengme tsuo nɛ i gbo ngɛ nyɛ he ɔ miɔ nɛ e pee yaka.

2 Korintobi 13:10

Enɛ ɔ he hu lɛ i ngɛ nyɛ womi nɛ ɔ ngmae benɛ i be nyɛ ngɔ ɔ nɛ. Kɛkɛ ɔ, ke i ba a, e be hiae kaa i kɛ nyɛ nɛ ye wawɛɛ. He wami nɛ Nyɔmtsɛ ɔ ha mi ɔ, pi nɛ ma kɛ kpata nyɛ hɛ mi, se mohu nɛ ma kɛ ye bua nyɛ.

2 Korintobi 10:2

I kpa nyɛ pɛɛ, ke i ba nyɛ ngɔ ɔ, nyɛ ko ha nɛ ma pee nɔ́ ko nɛ maa tsɔɔ kaa i ngɛ nyɛ nɔ yee tsɔ. Nihi nɛ ngɛ ye he munyu tue ke i ngɛ ní tsue kaa je mi no ɔ, i le kaa ma nyɛ nɛ i kɛ mɛ maa to ní saminya.

2 Korintobi 8:22

Lɔ ɔ he ɔ, wa tsɔ wa nyɛmi ɔ hu kɛ piɛ a he. Wa ka lɛ si abɔ ngɛ níhi fuu a mi, nɛ wa na kaa e bɔɔ mɔde saminya. Amlɔ nɛ ɔ, e ngɔ e hɛ ngɔ fɔ nyɛ nɔ wawɛɛ, nɛ e hɛ dɔ wawɛɛ pe daa.

2 Korintobi 7:16

Ye bua jɔ kaa ma nyɛ ma ngɔ ye hɛ kɛ fɔ nyɛ nɔ kulaa ngɛ nɔ́ tsuaa nɔ́ mi.

2 Korintobi 5:16

Kɛ je be nɛ ɔ mi kɛ yaa a, wa kojo we nɔ kaa bɔ nɛ adesa to blɔ nya a hu. E ngɛ mi kaa be ko nɛ be ɔ, jã lɛ wa kojo Kristo; se piɔ lɛɛ wa pee we jã hu.

2 Korintobi 2:6

Jamɛatsɛ ɔ, nɛ nyɛ ti ni komɛ gbla e tue kikɛ nɛ ɔ kɛkɛ e hiɛ.

2 Korintobi 1:15

Kikɛmɛ a ní nɛ ɔmɛ nɛ i le saminya a a he je nɛ i to ye yi mi kekle ɔ kaa ma ba slaa nyɛ, konɛ nyɛ na gbaami ɔ si enyɔ.

Galatabi 5:7

Jinɛ nyɛ ngɛ nyɛ he mɔde bɔe saminya. Se mɛnɔ po lɛ ba puɛ nyɛ tue nɛ nyɛ he we anɔkuale ɔ yi hu ɔ?