Galatabi 4:3 - BAIBLO ALOO NGMAMI KLƆUKLƆU Ɔ

³ Jã kɛ̃ wɔ hu benɛ wa wɛ lolo ɔ, wa ngɛ kaa nyɔguɛhi; nɛ je nɛ ɔ mi kusumihi, kɛ mlaahi nɛ hɛɛ wɔ.

Somi He Ɔ

³ Ja nɔuu kɛ̃ wɔ hu, benɛ wa ji bimwɔwi ɔ, a kɛ wɔ wo je nɛ ɔ mi adebɔ mumihi a nyɔguɛ yemi ɔ sisi.

Galatabi 4:3 ပူးပေါင်းရင်းမြစ်များ

Kolosebi 2:20

Nɛ Kristo gbo ɔ, nyɛ hu nyɛ gbo, nɛ a kpɔ nyɛ kɛ je mumihi nɛ yeɔ je ɔ nɔ ɔ a dɛ mi. Mɛni he je mɔ nɛ nyɛ peeɔ nyɛ ní kaa nɔ́ nɛ nyɛɛ kɛ je ɔ ngɛ bɔe kɛ mwɔɔ ɔ? Mɛni he je nyɛ haa a pa woɔ nyɛ mlaa ke,

Kolosebi 2:8

Nyɛɛ hyɛ nɛ hi nɛ nɔ ko kó ngɔ je mi nile, loo yaka sisimi kɛ ye nyɛ nyɔguɛ. Blema tsɔɔmihi, kɛ mumihi nɛ yeɔ je ɔ nɔ ɔ, a ngɔ ní nɛ ɔmɛ je, se pi Kristo ngɔ.

Galatabi 4:9

Se jehanɛ nɛ nyɛ ba le Mawu, aloo ke ma de ɔ, Mawu mohu le nyɛ ɔ, mɛni he je nɛ nyɛɛ kɛ mumihi nɛ be he wami ko, nɛ a ní ngɛ mɔbɔ kikɛ nɛ ɔ, ekohu ɔ? Kɛ pee kɛɛ nɛ nyɛ ma ha nɛ a kpale ye nyɛ nyɔguɛ ɔ?

Galatabi 2:4

Se nyɛmimɛ ɔmɛ a ti lakpatsɛmɛ komɛ gu ga blɔ nɔ kɛ sɛ asafo ɔ mi nigii kɛ ngɛ hlae nɛ a hyɛ bɔ nɛ a maa pee kɛ puɛ he yemi nɛ Kristo ha wɔ ɔ, konɛ a ye wɔ nyɔguɛ.

Galatabi 4:31

Lɔ ɔ he ɔ, ye nyɛmimɛ, pi yo nyɔguɛ ɔ bimɛ ji wɔ; odehe mohu ɔ bimɛ ji wi.

Ni Tsumi 15:10

Lɛɛ jehanɛ mɛni he je nyɛ ngɛ Mawu kae, nɛ tlomi nɛ wa nɛmɛ ɔmɛ, kɛ wɔ nitsɛmɛ po wa nyɛ we waa tloo ɔ, nyɛɛ kɛ ngɛ ni nɛmɛ nɛ he ye ɔ tlooe mɔ?

Romabi 8:15

Mawu ha we nyɛ mumi nɛ peeɔ nɔ nyɔguɛ, nɛ nyɛ ma pa hi gbeye yee; se mohu e peeɔ nyɛ Mawu bimɛ. Mumi ɔ lɛ woɔ wɔ he wami, nɛ wa nyɛɔ faa kue kɛ ngmlaa ke, “Tsaatsɛ! Tsaatsɛ!”

Yohane 8:31

Yesu de Yuda bi nɛ he lɛ ye ɔ ke, “Ke nyɛ pɛtɛ ye munyu ɔ he ɔ, lɛɛ nyɛ maa pee ye kaseli nitsɛnitsɛmɛ.

Hebribi 7:16

Mawu lɛ wo lɛ osɔfo; pi ngɛ adesa mlaa nɛ tsɔɔ weku mi nɛ e je ɔ nya. Se mohu wami nɛ ngɛ daa, nɛ nɔ ko be nyɛe ma kpata hɛ mi ɔ he wami nɔ nɛ a gu kɛ wo lɛ osɔfo.

Galatabi 4:25

Hagar ngɛ kaa Sinai yo ɔ nɛ ngɛ Arabia a. Lɔ ɔ ji Yerusalem ma nɛ ngɛ amlɔ nɛ ɔ, ejakaa e kɛ e mi bi ɔmɛ tsuo ngɛ nyɔguɛ yemi mi kɛ mwɔɔ.

Galatabi 3:19

Lɛɛ jehanɛ ɔ, mɛni ji mlaa a he se nami mɔ? A ha wɔ mlaa a, konɛ wa kɛ le wa tɔmi ɔmɛ hluu kɛ yaa su be nɛ Abraham bi ɔ nɛ a wo lɛ si ngɛ he ɔ maa ba. Jehanɛ hu, hiɔwe bɔfohi lɛ ngɔ mlaa a kɛ ba ha je ɔ kɛ gu adesa nɔ.

Mateo 11:28

“Nyɛ nihi tsuo nɛ nyɛ tloo tlomi nɛ pɔ tɔ nyɛ, nyɛɛ ba ye ngɔ, nɛ ma ha nɛ nyɛɛ jɔɔ nyɛ he.

Romabi 7:14

Wa le kaa mlaa a mumi mi nɔ, se imi lɛɛ nɔmlɔ adesa kɛkɛ ji mi, nɛ yayami he mi nyɔguɛ.

2 Korintobi 11:20

Ke nɔ ko ba ye nyɛ nyɔguɛ, loo adufude, loo e ba pee nyɛ kuasia, loo e ba wo e he nɔ ngɛ nyɛ nɔ, loo e ba gba nyɛ hɛ mi ma po, nyɛ de we nɔ́ ko.

Galatabi 4:2

E jokuɛwi a si ɔ, nihi hyɛɛ e kɛ gbosi ní ɔ tsuo nɔ hluu kɛ ya siɔ be nɛ e tsɛ to ɔ loko a ngɔɔ ní ɔmɛ kɛ woɔ e dɛ.

Galatabi 4:8

Sa a nɛ nyɛ li Mawu ɔ, nibɔ níhi nɛ pi mawuhi ji mɛ ngɛ a bɔmi su nya a ye nyɛ nyɔguɛ.

Galatabi 4:24

Ní nɛ ɔmɛ daa si ngɛ ní pɔtɛɛ komɛ a nane mi. Yi enyɔ ɔmɛ daa si ha somi enyɔ. A kpɛti nɔ kake ji Hagar. E je Sinai yo ɔ nɔ; nɛ bimɛ nɛ e fɔ ɔ, nyɔguɛhi ji mɛ.

Hebribi 5:12

Jinɛ be nɛ ɔ mi ɔ, e sa kaa nyɛ pee tsɔɔli, se hyɛ nyɛ mohu nɛ amlɔ nɛ ɔ, e hia kaa a tsɔɔ nyɛ Mawu munyu ɔ mi sisije ní ɔmɛ ekohu. Amlɔ nɛ ɔ, nyɔ nyu lɛ hi ha nyɛ, pi niye ní nitsɛ.