Galatabi 3:5 - BAIBLO ALOO NGMAMI KLƆUKLƆU Ɔ

⁵ Mumi ɔ nɛ Mawu haa nyɛ, kɛ nyakpɛ níhi nɛ e tsuɔ ha nyɛ ɔ, anɛ mlaa a nɔ nɛ nyɛ yeɔ ɔ he je, aloo sane kpakpa a nɛ nyɛ nuɔ nɛ nyɛ heɔ yeɔ ɔ?

Somi He Ɔ

⁵ blɔɔ Mawu nɛ kɛ Mumi ɔ kee nyɛ nɛ e tsuɔ he wami nihi ngɛ nyɛ mi ɔ, mlaa ni tsumihi a mi e tsuɔ ngɛ aloo hemi kɛ yemi tue bumi mi?

Galatabi 3:5 ပူးပေါင်းရင်းမြစ်များ

Ni Tsumi 14:3

Se kɛ̃ ɔ, bɔfo ɔmɛ a se kɛ ngɛ lejɛ ɔ; nɛ a kɛ kã fiɛ Nyɔmtsɛ Yesu he munyu ɔ. Nyɔmtsɛ ɔ hu piɛ bɔfo ɔmɛ a he, nɛ a pee nyakpɛ níhi, kɛ okadihi babauu kɛ tsɔɔ kaa a munyu ɔ ngɛ mi niinɛ.

Romabi 10:17

Lɔ ɔ ji kaa ja a fiɛ Kristo he sane ɔ loko nɔ ko maa nu. Nɛ ja nɔ ko nu sane ɔ loko e ma he ye.

Romabi 15:19

Okadihi, kɛ nyakpɛ níhi nɛ i pee ɔ, Mumi Klɔuklɔu ɔ lɛ tsu enɛ ɔmɛ tsuo. Lɔ ɔ he ɔ, ye sikpa a tsuo, kɛ je Yerusalem hluu kɛ ya su Ilirikum ɔ, sane kpakpa a nɛ kɔɔ Kristo he ɔ sɔuu i fiɛ.

1 Korintobi 12:10

Mumi ɔ haa nɔ ko he wami nɛ e kɛ tsuɔ nyakpɛ ní, nɛ e haa nɔ ko hu he wami nɛ e kɛ fiɛɔ Mawu sɛ gbi ɔ. Mumi ɔ haa nɔ kpa hu he wami nɛ e kɛ kpaa mumi slɔɔtohi a si. Mumi ɔ haa nɔ ko he wami nɛ e kɛ tuɔ gbi slɔɔtohi, nɛ e haa nɔ kpa hu he wami nɛ a kɛ tsɔɔ kikɛmɛ a gbi nɛ ɔmɛ a sisi.

2 Korintobi 10:4

Ta hwumi níhi nɛ wa hɛɛ ɔ, pi he lo mi níhi; se mohu Mawu nitsɛ e ta hwumi ní kpakpahi nɛ a kɛ kuɔ mɔ nguahi. Wa tsiɔ yi mi susumi yayami nya,

2 Korintobi 12:12

Mawu pee nyakpɛ ní nguahi, kɛ okadihi kɛ gu ye nɔ benɛ i ngɛ ní tsue kɛ tsui si tomi ngɛ nyɛ kpɛti ɔ. Nyakpɛ ní nɛ ɔmɛ tsɔɔ kaa niinɛ, bɔfo ji mi.

2 Korintobi 13:3

Ma pee enɛ ɔ, ejakaa nyɛ ngɛ hlae nɛ nyɛɛ na okadi nɛ tsɔɔ kaa Kristo ngɛ munyu tue kɛ gu ye nɔ. Ke Kristo kɛ nyɛ ngɛ ní tsue ɔ, pi kaa e gbɔjɔ; mohu ɔ, e jeɔ e he wami kpetekpleenyɛ ɔ kpo ngɛ nyɛ kpɛti.

2 Korintobi 3:8

lɛɛ be nɛ ɔ mi nɛ Mumi Klɔuklɔu ɔ ngɛ ní tsue ɔ, anɛ Mawu hɛ mi nyami ɔ be kpɛe kulaa pe kekle ɔ lo?

2 Korintobi 9:10

Mawu lɛ haa nɔ wu nɛ e duɔ, kɛ ngma nɛ e yeɔ. Wu tsuo nɛ hia nyɛ dumi ɔ, Mawu ma ha nyɛ, nɛ ke nyɛ du ɔ, lɛ nɔuu e ma ha nɛ tso ɔ maa wa. Kpakpa nɛ nyɛ ngɛ pee ɔ, blɔ nɔ nɛ Mawu maa gu nɛ e ma ha nɛ e wo yiblii ji nɛ ɔ nɛ.

Galatabi 3:2

Nyɛ ha ma bi nyɛ nɔ́ kake. Mlaa a nɔ nɛ nyɛ ye, aloo sane kpakpa a nɛ nyɛ nu nɛ nyɛ he ye ɔ nɛ ha nyɛ na Mumi Klɔuklɔu ɔ?

Filipibi 1:19

ejakaa i le kaa Mawu pɛɛ nɛ nyɛ ngɛ kpae, kɛ he wami nɛ Yesu Kristo mumi ɔ haa a, ma kpɔ mi.