Galatabi 3:23 - BAIBLO ALOO NGMAMI KLƆUKLƆU Ɔ

²³ Se benɛ Kristo na we nɛ e ba lolo ɔ, wɔ tsuo wa pee kaa nihi nɛ a wo mɛ tsu, nɛ mlaa a lɛ ngɛ wɔ blɔ tsɔɔe. Kikɛmɛ a si himi mi wa ngɛ hluu kɛ ya si Kristo ba.

Somi He Ɔ

²³ Se loko hemi kɛ yemi ɔ ba a, a kɛ wɔ wo mlaa sisi, nɛ a nga wa yi ngɔ to hemi kɛ yemi nɛ a ma je kpo ɔ.

Galatabi 3:23 ပူးပေါင်းရင်းမြစ်များ

Galatabi 5:18

Se ke mumi ɔ lɛ tsɔɔ nyɛ blɔ ɔ, lɛɛ mlaa a yi nyɛ nɔ hu.

Galatabi 3:19

Lɛɛ jehanɛ ɔ, mɛni ji mlaa a he se nami mɔ? A ha wɔ mlaa a, konɛ wa kɛ le wa tɔmi ɔmɛ hluu kɛ yaa su be nɛ Abraham bi ɔ nɛ a wo lɛ si ngɛ he ɔ maa ba. Jehanɛ hu, hiɔwe bɔfohi lɛ ngɔ mlaa a kɛ ba ha je ɔ kɛ gu adesa nɔ.

Romabi 11:32

Mawu ha nɛ nihi tsuo pee kaa nɔ́ nɛ a wo mɛ tsu ngɛ tue gbomi he, bɔ nɛ pee nɛ e na mɛ tsuo mɔbɔ.

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 11:13

Nimli nɛ ɔmɛ tsuo nɛ he Mawu ye ɔ, nɔ́ nɛ a wo mɛ he si ɔ, a nine sui nɔ loko a gbo. A na ní ɔmɛ ngɛ lokoo kɛkɛ nɛ a nya he, nɛ a ye odase ngɛ ma hɛ mi kaa nibwɔhi, kɛ ma se bi kɛkɛ ji mɛ.

Galatabi 4:21

Nyɛ nihi nɛ nyɛ ngɛ hlae kaa mlaa a nɛ ye nyɛ nɔ ɔ, nyɛ ha ma bi nyɛ nɔ́ ko. Nɔ́ nɛ mlaa a deɔ ɔ be mi lo?

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.