Galatabi 3:2 - BAIBLO ALOO NGMAMI KLƆUKLƆU Ɔ

² Nyɛ ha ma bi nyɛ nɔ́ kake. Mlaa a nɔ nɛ nyɛ ye, aloo sane kpakpa a nɛ nyɛ nu nɛ nyɛ he ye ɔ nɛ ha nyɛ na Mumi Klɔuklɔu ɔ?

Somi He Ɔ

² Nyɛ ha ma bi nyɛ nɔ́ kake: Mlaa ni tsumihi a mi nyɛ na Mumi ɔ kɛ je, aloo hemi kɛ yemi tue bumi mi?

Galatabi 3:2 ပူးပေါင်းရင်းမြစ်များ

Ni Tsumi 15:8

Mawu nɛ le adesahi tsuo a juɛmi ɔ kplɛɛ nɔ kaa a fiɛ sane kpakpa a ha ma je li ɔmɛ hulɔ; lɔ ɔ he ɔ, e ha mɛ Mumi Klɔuklɔu ɔ kaa bɔ nɛ e ha wɔ ɔ.

Ni Tsumi 2:38

Petro de mɛ ke, “Nyɛ tsake nyɛ tsui, nɛ nyɛ ti nɔ tsuaa nɔ nɛ ha nɛ a sɔle lɛ ngɛ Yesu Kristo biɛ mi, kɛkɛ, a maa ngɔ nyɛ he yayami ɔmɛ ngɔ pa nyɛ, nɛ nyɛ ma na Mawu nɔke nɔ́ nɛ ji Mumi Klɔuklɔu ɔ.

Ni Tsumi 8:15

Benɛ a ba lejɛ ɔ, a ba sɔle ha nihi nɛ he ye ɔ, konɛ a na Mumi Klɔuklɔu ɔ.

Romabi 1:17

Ejakaa sane kpakpa a lɛ tsɔɔ kaa kɛ je sisije kɛ yaa si nyagbe ɔ, hemi kɛ yemi nɔ Mawu daa nɛ e kɛ buu nimli adesahi nihi nɛ da. Kaa bɔ nɛ ngmami ɔ deɔ ɔ, “Nɔ nɛ a gu hemi kɛ yemi nɔ bu lɛ nɔ nɛ da a yi ma na wami.”

1 Korintobi 9:21

Jã kɛ̃ ngɛ ma je li a kpɛti ɔ, i peeɔ ye ní kaa ma je no, nɛ i yi Yuda mlaa a nɔ. I peeɔ enɛ ɔ, bɔ nɛ pee nɛ ye nine nɛ su ma je li ɔmɛ a nɔ. Se enɛ ɔ tsɔɔ we kaa i kɛ Mawu mlaa a be nɔ́ ko peemi. Dɛbi! Kristo mlaa a nɔ i yeɔ.

2 Korintobi 11:4

Nɔ tsuaa nɔ nɛ maa ba nyɛ ngɔ kɛkɛ nyɛ he lɛ a tuu. Ke a ba fiɛ Yesu kpa ha nyɛ hu kɛkɛ nyɛ he ye; pohu e kɛ nɔ́ nɛ wa fiɛ ha nyɛ ɔ kɔ we. Mumi ɔ nɛ a wo he si ɔ, nyɛ he ye, pohu pi Mumi Klɔuklɔu ɔ nɛ nyɛ na kɛ je wa dɛ ɔ. Sane kpakpa a nɛ a kɛ ba a hu nyɛ he ye, pohu slo a nɔ́ ɔ ngɛ nɔ́ nɛ wa ba fiɛ ha nyɛ ɔ he.

Galatabi 3:14

Kristo pee enɛ ɔ, bɔ nɛ pee nɛ gbaami nɛ Mawu wo Abraham si ngɛ he ɔ, kɛ gu Kristo nɔ ɔ, ma je li ɔmɛ a nine nɛ su nɔ. Kɛkɛ ɔ, kɛ gu hemi kɛ yemi nɔ ɔ, Mumi ɔ nɛ Mawu wo he si ɔ, wa nine maa su nɔ.

Galatabi 3:3

Kikɛ nɛ ɔ nyɛ be yi! Nɛ nyɛ ngɔ Mumi Klɔuklɔu ɔ kɛ je sisi ɔ, jehanɛ lɛɛ nyɛɛ kɛ he lo maa gbe nya.

Galatabi 3:5

Mumi ɔ nɛ Mawu haa nyɛ, kɛ nyakpɛ níhi nɛ e tsuɔ ha nyɛ ɔ, anɛ mlaa a nɔ nɛ nyɛ yeɔ ɔ he je, aloo sane kpakpa a nɛ nyɛ nuɔ nɛ nyɛ heɔ yeɔ ɔ?

Hebribi 2:4

Mawu nitsɛ pee okadi kɛ nyakpɛ ní slɔɔtohi babauu kɛ ye yi wami hemi nɛ ɔ he odase. Jehanɛ hu, e dla Mumi Klɔuklɔu nike ní ɔmɛ ngɔ ha kaa bɔ nɛ lɛ nitsɛ e suɔ kɛ ma nɔ mi.

Hebribi 4:2

Ejakaa wɔ hu a fiɛ sane kpakpa a ngɔ tsɔɔ wɔ kaa bɔ nɛ a fiɛ ngɔ tsɔɔ mɛ ɔ nɔuu. A nu sɛ gbi ɔ lɛɛ, se e he ya bɛ se nami ha mɛ; ejakaa ni nɛmɛ nɛ nu ɔ ngɔɛ a hɛ kɛ fɔɛ nɔ́ nɛ a nu ɔ nɔ.

Hebribi 6:4

Nihi nɛ he we Kristo yi hu ɔ, kɛ nɔ ko maa pee kɛ tsake mɛ ekohu kɛɛ? Be ko ɔ, a na Mawu la a, Mawu nike ní ɔ hu a tso hyɛ, nɛ Mumi Klɔuklɔu ɔ hu ba a nɔ.

1 Petro 1:12

Mawu je tsɔɔ gbali nɛ ɔmɛ kaa ní tsumi nɛ a ngɛ tsue ɔ, pi mɛ nitsɛmɛ nɛ a ma na he se, se nyɛ mohu. Amlɔ nɛ ɔ, a fiɛ sane kpakpa ngɔ ha nyɛ tsuo. Mumi Klɔuklɔu ɔ nɛ a tsɔ kɛ je hiɔwe, nɛ e kɛ mɛ tu munyu ɔ, lɛ nɔuu e he wami a kɛ fiɛ ha nyɛ. Ní nɛ ɔmɛ ji níhi nɛ bɔfo ɔmɛ tete ko suɔ kaa a maa nu sisi.