Galatabi 2:9 - BAIBLO ALOO NGMAMI KLƆUKLƆU Ɔ

⁹ Yakobo, Petro, kɛ Yohane nɛ a buu mɛ kaa asafo ɔ mi titimahi ɔ na paa kaa Mawu dloo mi babauu, nɛ e tu ní tsumi pɔtɛɛ nɛ ɔ ngɔ wo ye dɛ; lɔ ɔ he ɔ, mɛ hu a sa i kɛ Barnaba wa dɛ mi kɛ he wɔ atuu kaa nihi nɛ kɛ mɛ ngɛ ní tsumi kake tsue. Wa ma nya si kaa i kɛ Barnaba maa ya ma je li ɔmɛ a ngɔ, konɛ mɛɛ lɛɛ a ya Yuda bi ɔmɛ a ngɔ.

Somi He Ɔ

⁹ Benɛ a yo dloomi nɛ a kɛ ha mi ɔ, Yakobo kɛ Kefa kɛ Yohane nɛ a buu mɛ kaa titimahi ɔ, kɛ huɛ bɔmi hiɛ ɔ nine sa i kɛ Barnaba dɛ, konɛ wɔɔ lɛɛ waa ya majeli ɔmɛ a ngɔ nɛ mɛɛ lɛɛ a ya nɔ poli ɔmɛ a kpɛti;

Galatabi 2:9 ပူးပေါင်းရင်းမြစ်များ

Matsɛmɛ II, 10:15

Benɛ Yehu je lejɛ ɔ, e kɛ Rekab binyumu Yehonadab ya kpe ngɛ blɔ ɔ nɔ. Yehu nga lɛ, nɛ e bi lɛ ke, “Bɔ nɛ ye tsui mi ngɛ faa ngɛ o he ɔ, ja mo hu o nɔ́ ɔ ngɛ lo?” Yehonadab he nɔ ke, “Ee, ye tsui mi ngɛ faa.” Yehu de lɛ ke, “Ke ja a, lɛɛ moo ta ye dɛ mi.” A ta a sibi a dɛ mi, nɛ Yehu ngɔ lɛ kɛ wo e ta zugba lɛ ɔ mi;

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Luka 22:8

Yesu tsɔ Petro kɛ Yohane, nɛ e de mɛ ke, “Nyɛɛ ya nɛ nyɛ ya pee Hetsɔmi niye ní ɔ ngɔ to wɔ nɛ wa ba ye.”

Yohane 1:42

Kɛkɛ nɛ e ngɔ Simon kɛ ya Yesu ngɔ. Yesu hyɛ Simon too, nɛ e de lɛ ke, “Tse mo ji Yohane bi Simon ɔ. Jehanɛ lɛɛ a ma tsɛ mo Kefa.” (E sisi ji Petro, loo tɛ sa.)

Ni Tsumi 12:17

E wo mɛ nine ke a pee kɔ; nɛ e tsɔɔ mɛ bɔ nɛ Nyɔmtsɛ ɔ ba je lɛ ngɛ tsu ɔ mi. E de mɛ ke, “Nyɛɛ ya nɛ nyɛ ya sɛɛ nɔ́ nɛ ɔ ha Yakobo kɛ nyɛmimɛ ɔmɛ.” Kɛkɛ nɛ e je lejɛ ɔ kɛ ho he kpa ya.

Ni Tsumi 15:13

Benɛ a bɔ amaniɛ ɔ ta a, Yakobo wo e nya nɔ nɛ e de ke, “Nyɛmimɛ, nyɛɛ bu mi tue!

Ni Tsumi 15:7

Benɛ a sã nya hluu ɔ, Petro te da si, nɛ e de mɛ ke, “Ye nyɛmimɛ, nyɛ nitsɛmɛ nyɛ le kaa be saii ji nɛ ɔ nɛ Mawu hla mi ngɛ nyɛ kpɛti kaa ma fiɛ sane kpakpa a ngɔ tsɔɔ ma je li ɔmɛ, konɛ mɛ hu a he ye.

Ni Tsumi 4:36

Bɔ nɛ ba loko Yosef ya jua e zugba nɛ e ngɔ sika a ba ha bɔfo ɔmɛ ji nɛ ɔ nɛ. Yosef nɛ ɔ, Levi no ji lɛ; a fɔ lɛ ngɛ Kipro. Biɛ nɛ bɔfo ɔmɛ kɛ tsɛɔ lɛ ji Barnaba. E sisi ji nɔmlɔ nɛ woɔ nɔ he wami.

Romabi 1:5

Kristo nɔ i gu nɛ i na dloomi, nɛ a wo mi bɔfo, konɛ e biɛ ɔ he ɔ, je ma amɛ kulaa nɛ a bu hemi kɛ yemi ɔ tue.

Romabi 12:3

I kɛ dloomi nɛ Mawu dloo mi ɔ ngɛ nyɛ tsuo dee ke, nyɛ ti nɔ ko kó bu lɛ nitsɛ e he tsɔ pe bɔ nɛ sa kaa e buu e he. Se mohu e pee e he humi kaa bɔ nɛ hemi kɛ yemi nɛ Mawu ha lɛ ɔ tsɔɔ kaa e pee ɔ.

Romabi 15:15

Se kɛ̃, i ngma womi nɛ ɔ kɛ ngɛ ní nɛ ɔmɛ ekomɛ a nɔ ta woe kaa a he hia. I kɛ hɛdɔ ngɛ ní nɛ ɔmɛ ngmae kɛ kai nyɛ kaa Mawu dloomi ɔ nya a,

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

2 Korintobi 11:5

Jamɛ a nimli ɔmɛ nɛ nyɛ buu mɛ kaa mɛɛ lɛɛ bɔfo nguahi ji mɛ ɔ, i he ye kaa a pi mi ngɛ nɔ́ ko nɔ́ ko mi.

2 Korintobi 12:11

I ngɛ ye ní pee kaa kuasia; se nyɛ lɛ nyɛ pee mi jã. Nyɛ lɛ nyɛ ko je ye yi; ejakaa ke i pi nɔ ko tete po, jamɛ a ni ɔmɛ nɛ nyɛ buu mɛ bɔfo nguahi ɔ, a pi mi ngɛ nɔ́ ko nɔ́ ko mi.

2 Korintobi 8:4

A kɛ hɛdɔ babauu kpa wɔ pɛɛ ke wa ha nɛ mɛ hu a pee a blɔ nya kɛ ye bua ni klɔuklɔu ɔmɛ ngɛ sɔmɔmi ní tsumi nɛ ɔ mi.

Galatabi 1:16

e ma je e Bi ɔ ngɔ tsɔɔ mi, konɛ ma ya fiɛ sane kpakpa a ha ma je li ɔmɛ ɔ, i ya bi we ga womi ngɛ nɔ ko nɔ ko ngɔ.

Galatabi 1:18

Jeha etɛ se loko i ya Yerusalem ya na Petro, nɛ i ye ligbi nyɔngma kɛ enuɔ ngɛ e ngɔ.

Galatabi 2:1

Jeha nyɔngma kɛ eywiɛ se ɔ, i kɛ Barnaba kpale kɛ ya Yerusalem ekohu, nɛ i ngɔ Tito hu ngɔ piɛ ye he.

Galatabi 2:2

Mawu lɛ je tsɔɔ mi kaa ma ya Yerusalem, nɛ i ya. I kɛ nihi nɛ a buu mɛ ɔ kɔklɔɔ ya kpe, nɛ sɛ gbi nɛ i ngɛ fiɛe ha ma je li ɔmɛ ɔ, i tsɔɔ mɛ nya, bɔ nɛ pee nɛ ní tsumi nɛ i tsu kɛ sɛ hlami, kɛ nɔ́ nɛ i ngɛ tsue amlɔ nɛ ɔ pee yaka.

Galatabi 6:3

Ke e peeɔ nɔ ko kaa nɔ ko ji lɛ, se pohu pi nɔ ko kulaa ji lɛ ɔ, lɛ nitsɛ e he nɛ e ngɛ sisie.

Efesobi 2:20

Sisi tomi nɛ a fia nyɛ ngɔ ma nɔ ji sɛ gbi ɔ nɛ bɔfo ɔmɛ, kɛ gbali ɔmɛ fiɛ ɔ; nɛ Kristo Yesu nitsɛ ngɛ kaa tsu ɔ kɔ nya tɛ.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Kolosebi 1:29

Enɛ ɔ he ɔ, i kɛ Kristo he wami kpetekpleenyɛ ɔ nɛ ngɛ ye mi ɔ gboɔ dengme wawɛɛ kɛ tsuɔ ní.

1 Timoteo 3:15

Se ke ye se ya kɛ ɔ, womi nɛ ɔ maa tsɔɔ mo bɔ nɛ sa nɛ wɔ Kristo we bi waa ba wa je mi ha. Mawu weku ɔ mi bi ji wɔ, nɛ wɔ ji Mawu hɛ kalɔ ɔ we asafo. Anɔkuale ɔ nɛ kɔɔ Mawu he ɔ, asafo ɔ nɔ nɛ a fia ngɔ fɔ, nɛ asafo ɔ nɛ faa he.

1 Yohane 1:3

Nɔ́ nɛ wa na, kɛ nɔ́ nɛ wa nu ɔ, lɔ ɔ wa ngɛ fiɛe kɛ ngɛ nyɛ hae. Wa ngɛ enɛ ɔ pee, konɛ nyɛ ba piɛ wa he, nɛ waa kɛ Tsɛ ɔ, kɛ e Bi Yesu Kristo ɔ nɛ bɔ huɛ.

Kpojemi 3:12

Nɔ nɛ maa ye kunimi ɔ, ma ngɔ lɛ ngɔ pee titima ngɛ ye Mawu ɔ sɔlemi we ɔ, nɛ e be lejɛ ɔ jee gblegbleegble. Ma ngma ye Mawu ɔ biɛ, kɛ ye Mawu ɔ ma, Yerusalem he ɔ biɛ ngɛ e he. Ma he nɛ ɔ maa je ye Mawu ɔ ngɔ ngɛ hiɔwe kɛ ba. Jehanɛ, ma ngma ye biɛ he ɔ hu ngɛ e he.