Galatabi 2:7 - BAIBLO ALOO NGMAMI KLƆUKLƆU Ɔ

⁷ Mohu ɔ, a na paa kaa ní tsumi pɔtɛɛ nɛ Mawu ha mi ji kaa ma fiɛ sane kpakpa a ha ma je li kaa bɔ nɛ a hla Petro kaa e fiɛ sane kpakpa a ha Yuda bi ɔ.

Somi He Ɔ

⁷ se mohu, a na kaa a tu mɔmlɔtɔtsɛmɛ a kpɛti sane kpakpa a fiɛmi ngɔ wo ye dɛ, kaa bɔ nɛ a tu nɔ poli ɔmɛ a nɔ ɔ ngɔ wo Petro dɛ ɔ.

Galatabi 2:7 ပူးပေါင်းရင်းမြစ်များ

Ni Tsumi 9:15

Nyɔmtsɛ ɔ de lɛ ke, “Yaa, ejakaa nɔ nɛ ɔ, imi nɛ i hla lɛ nɛ e sɔmɔ mi, nɛ e ya fiɛ ye he sane ha ma je li, matsɛmɛ, kɛ Israel ma a tsuo.

1 Timoteo 2:7

Enɛ ɔ he hu nɛ Mawu tsɔ mi kaa bɔfo, konɛ ma fiɛ sane kpakpa a ha ma je li ɔmɛ, nɛ ma tsɔɔ mɛ bɔ nɛ a he Kristo nɛ a ye anɔkuale mi. Nɔ́ nɛ i ngɛ dee nɛ ɔ, anɔkuale sisiisi; i yi lakpa.

1 Tesalonikabi 2:4

Mohu ɔ, wa tuɔ munyu kaa bɔ nɛ Mawu tsɔɔ wɔ ke waa pee ɔ; ejakaa e na wɔ kaa nihi nɛ sa nɛ a tu sane kpakpa a ngɔ wo a dɛ mi. Wa hla we kaa waa sa nimli a hɛ mi, se mohu kaa wa maa sa Mawu pɛ hɛ mi; ejakaa lɛ nɛ e le bɔ nɛ wa tsui mi ngɛ ha.

Galatabi 1:16

e ma je e Bi ɔ ngɔ tsɔɔ mi, konɛ ma ya fiɛ sane kpakpa a ha ma je li ɔmɛ ɔ, i ya bi we ga womi ngɛ nɔ ko nɔ ko ngɔ.

2 Timoteo 1:11

Mawu pee mi bɔfo kɛ tsɔɔlɔ, konɛ ma fiɛ sane kpakpa a,

1 Timoteo 1:11

A naa tsɔɔmi kpakpa nɛ ɔ ngɛ sɛ gbi nɛ haa nɔ hɛ mi baa nyami ɔ mi. Mawu lɛ ngɔ sɛ gbi nɛ ɔ ngɔ ha mi ke ma fiɛ. E sa kaa nɔ tsuaa nɔ nɛ je Mawu yi.

Galatabi 2:9

Yakobo, Petro, kɛ Yohane nɛ a buu mɛ kaa asafo ɔ mi titimahi ɔ na paa kaa Mawu dloo mi babauu, nɛ e tu ní tsumi pɔtɛɛ nɛ ɔ ngɔ wo ye dɛ; lɔ ɔ he ɔ, mɛ hu a sa i kɛ Barnaba wa dɛ mi kɛ he wɔ atuu kaa nihi nɛ kɛ mɛ ngɛ ní tsumi kake tsue. Wa ma nya si kaa i kɛ Barnaba maa ya ma je li ɔmɛ a ngɔ, konɛ mɛɛ lɛɛ a ya Yuda bi ɔmɛ a ngɔ.

2 Petro 3:15

Nyɛɛ ngɔ Nyɔmtsɛ ɔ tsui si tomi ɔ kaa he blɔ nɛ Mawu ha nyɛ nɛ a kɛ he nyɛ yi wami. Enɛ ɔ nɔuu wa suɔlɔ, kɛ wa nyɛmi Paulo hu ngma nyɛ kɛ nile nɛ Mawu ha lɛ ɔ nɛ.

1 Korintobi 9:17

Ní nɛ i ngɛ tsue ɔ, imi nitsɛ nɛ i suɔ kaa ma tsu jinɛ i ko hyɛ hiɔwo blɔ. Se Mawu nitsɛ nɛ hla mi, nɛ e ngɔ ní tsumi ɔ ngɔ wo ye dɛ kaa nɔmlɔ nɛ yeɔ anɔkuale.

Ni Tsumi 28:28

Nyagbe ɔ, Paulo de Yuda bi ɔmɛ ke, “Nyɛ na na nyɛɛ le kaa Mawu ngɔ yi wami hemi munyu ɔ ya ha ma je li ɔmɛ. Mɛɛ lɛɛ a maa bu tue!” [

Ni Tsumi 18:6

Enɛ ɔ he ɔ, a te si wo lɛ, nɛ a tu musu bɔmi munyuhi kɛ si lɛ. Lɔ ɔ he ɔ, e huanya e tade mi mu kɛ pue a nɔ, nɛ e de mɛ ke, “Nyɛ musu tloo nyɛ! Imi lɛɛ ye nya be mi. Kɛ je be nɛ ɔ kɛ yaa a, ma je li ɔmɛ a ngɔ ma ya.”

Ni Tsumi 15:12

Jehanɛ kpe ɔ tsuo pee dii, konɛ a bu Barnaba kɛ Paulo tue. A bɔ kpe ɔ bɔ nɛ Mawu gu a nɔ kɛ tsu nyakpɛ níhi babauu ngɛ ma je li ɔmɛ a kpɛti.

Romabi 11:13

Ma je li, jehanɛ i kɛ nyɛ maa tu munyu. Be abɔ nɛ i ngɛ ní tsue kaa bɔfo ngɛ nyɛ kpɛti ɔ, ma tsu kɛ gɛjɛmi.

Romabi 1:5

Kristo nɔ i gu nɛ i na dloomi, nɛ a wo mi bɔfo, konɛ e biɛ ɔ he ɔ, je ma amɛ kulaa nɛ a bu hemi kɛ yemi ɔ tue.

Galatabi 1:6

Nyɛ he pee mi nyakpɛ. Hyɛ kaa e yi be ko kulaa nɛ nɔ nɛ tsɛ nyɛ kɛ gu Kristo dloomi ɔ nɔ ɔ, nyɛ kua lɛ, nɛ nyɛ ya ngɛ sane kpakpa kpa se nyɛɛe.

Galatabi 1:18

Jeha etɛ se loko i ya Yerusalem ya na Petro, nɛ i ye ligbi nyɔngma kɛ enuɔ ngɛ e ngɔ.

Galatabi 2:11

Benɛ Petro ba Antiokia a, i ka e hɛ mi ngɛ ma hɛ mi; ejakaa nɔ́ nɛ e pee ɔ dɛ kulaa.

Galatabi 2:14

Benɛ i na kaa a nyɛɛ we ngɛ sane kpakpa a nya anɔkuale mi ɔ, i ka Petro hɛ mi ngɛ ni ɔmɛ tsuo a hɛ mi. I de lɛ ke, “Mo Yuda no ɔ, o peeɔ o ní kaa ma je no, se pi Yuda no! Kɛ peeɔ kɛɛ nɛ o nyɛɔ ma je li ɔmɛ a nɔ nɛ a pee a ní kaa Yuda bi ɔ?”