Galatabi 2:13 - BAIBLO ALOO NGMAMI KLƆUKLƆU Ɔ

¹³ Yuda bi nɛ piɛ ɔ hu pee jamɛ a osato ɔ, nɛ Barnaba tete po a gbla lɛ kɛ wo osato peemi nɛ ɔ mi.

Somi He Ɔ

¹³ Nɛ Yudafohi nɛ piɛ ɔ hu kɛ lɛ pee jamɛ a osato ɔ, nɛ a gbla Barnaba tete ngɔ wo a sato peemi ɔ mi.

Galatabi 2:13 ပူးပေါင်းရင်းမြစ်များ

1 Korintobi 15:33

Nyɛ ko ha nɛ a sisi nyɛ. “Huɛ yaya bɔmi puɛɔ je mi bami kpakpa.”

Efesobi 4:14

Jehanɛ ɔ, wa be si hie hu kaa jokuɛwi nɛ heɔ tsɔɔmi yeɔ kaa kɔɔhiɔ mimiɛɔ nɔ́ kɛ yaa kɛ baa, konɛ nihi nɛ toɔ ga yaya, nɛ a yeɔ kutupɔ kɛ sisiɔ nɔ ɔ a nine ko su wa nɔ.

Hebribi 13:9

Nyɛ ko ha ni komɛ nɛ ngɔ tsɔɔmi slɔɔtoslɔɔtohi nɛ kɛ sane kpakpa a kɔ we nɛ je nyɛ kɛ je blɔ kpakpa a nɔ. Mawu dloomi ɔ lɛ woɔ wa mumi mi he wami; se mlaahi nɛ kɔɔ niye ní he ɔ, se nami ko kulaa be he kɛ ha nihi nɛ yeɔ nɔ ɔ.

1 Korintobi 8:9

Nɔ́ nɛ hia kɛkɛ ji kaa nyɛɛ hyɛ nɛ hi nɛ nyɛ ko ngɔ he blɔ nɛ nyɛ ngɛ nɛ ɔ kɛ ye ní ɔ. Ke nyɛ pee jã a, nyɛ ma ha nɛ nyɛ nyɛmimɛ Kristo se nyɛɛli nɛ mɛɛ a hemi kɛ yemi mi wɛ ɔ maa pee yayami.

1 Korintobi 5:6

E sɛ kaa nyɛ woɔ nyɛ he nɔ. Blema abɛ ɔ nɛ deɔ ke, “Masa bɔbɔyoo haa nɛ ma a tsuo fuɔ” ɔ, tse nyɛ le?

Ni Tsumi 4:36

Bɔ nɛ ba loko Yosef ya jua e zugba nɛ e ngɔ sika a ba ha bɔfo ɔmɛ ji nɛ ɔ nɛ. Yosef nɛ ɔ, Levi no ji lɛ; a fɔ lɛ ngɛ Kipro. Biɛ nɛ bɔfo ɔmɛ kɛ tsɛɔ lɛ ji Barnaba. E sisi ji nɔmlɔ nɛ woɔ nɔ he wami.

Fiɛlɔ 10:1

Anunu gbogboe haa nɛ tsopa kɛ e he via jeɔ fu. Jã kɛ̃ kuasia jemi bɔɔ gbeɔ nile kɛ hɛ mi nyami a he guɛ.

Galatabi 2:1

Jeha nyɔngma kɛ eywiɛ se ɔ, i kɛ Barnaba kpale kɛ ya Yerusalem ekohu, nɛ i ngɔ Tito hu ngɔ piɛ ye he.

1 Korintobi 12:2

Nyɛ le kaa benɛ nyɛ ji wɔ jali ɔ, amagahi nɛ wami be a mi ɔ a se a gblaa nyɛ ya nyɛɛɔ.

Fiɛlɔ 7:20

Niinɛ, dalɔ ko dalɔ ko be zugba nɛ ɔ nɔ. Nɔ ko nɔ ko be nɛ peeɔ kpakpa daa nɛ ɔ, nɛ lɛɛ e pee we yayami gblegbleegble.

Mose I, 27:24

e bi lɛ ekohu ke, “Anɛ ye bi Esau ji mo niinɛ lo?” Yakob he nɔ ke, “Ee.”

Hiob 15:12

Mɛni he je o mi mi fu kikɛ nɛ ɔ? Mɛni he je o hɛ dɔ kikɛ nɛ ɔ?

Mateo 23:28

Kikɛ nɛ ɔ pɛ nyɛ hu nyɛ ngɛ; nihi naa nyɛ kaa nimli kpakpahi, se osato, kɛ yayami hyi nyɛ mi mi tɔ.

Galatabi 2:9

Yakobo, Petro, kɛ Yohane nɛ a buu mɛ kaa asafo ɔ mi titimahi ɔ na paa kaa Mawu dloo mi babauu, nɛ e tu ní tsumi pɔtɛɛ nɛ ɔ ngɔ wo ye dɛ; lɔ ɔ he ɔ, mɛ hu a sa i kɛ Barnaba wa dɛ mi kɛ he wɔ atuu kaa nihi nɛ kɛ mɛ ngɛ ní tsumi kake tsue. Wa ma nya si kaa i kɛ Barnaba maa ya ma je li ɔmɛ a ngɔ, konɛ mɛɛ lɛɛ a ya Yuda bi ɔmɛ a ngɔ.

Samuel II, 16:19

Jehanɛ se hu, ke i sɔmɔ we ye nyɔmtsɛ ɔ binyumu ɔ nɛɛ, mɛnɔ ma sɔmɔ mɔ?”