Galatabi 2:11 - BAIBLO ALOO NGMAMI KLƆUKLƆU Ɔ

¹¹ Benɛ Petro ba Antiokia a, i ka e hɛ mi ngɛ ma hɛ mi; ejakaa nɔ́ nɛ e pee ɔ dɛ kulaa.

Somi He Ɔ

¹¹ Se benɛ Kefa ba Antiokia a, i da e hɛ mi nɛ i kã e hɛ mi, ejakaa e nɔ be mi.

Galatabi 2:11 ပူးပေါင်းရင်းမြစ်များ

1 Timoteo 5:20

Nihi nɛ peeɔ yayami ɔ, ka a hɛ mi ngɛ asafo ɔ tsuo hɛ mi, kɛkɛ ɔ, ni nɛmɛ nɛ piɛ ɔ maa ye gbeye.

Galatabi 2:14

Benɛ i na kaa a nyɛɛ we ngɛ sane kpakpa a nya anɔkuale mi ɔ, i ka Petro hɛ mi ngɛ ni ɔmɛ tsuo a hɛ mi. I de lɛ ke, “Mo Yuda no ɔ, o peeɔ o ní kaa ma je no, se pi Yuda no! Kɛ peeɔ kɛɛ nɛ o nyɛɔ ma je li ɔmɛ a nɔ nɛ a pee a ní kaa Yuda bi ɔ?”

2 Korintobi 5:16

Kɛ je be nɛ ɔ mi kɛ yaa a, wa kojo we nɔ kaa bɔ nɛ adesa to blɔ nya a hu. E ngɛ mi kaa be ko nɛ be ɔ, jã lɛ wa kojo Kristo; se piɔ lɛɛ wa pee we jã hu.

Ni Tsumi 15:1

Ni komɛ je Yudea kɛ ba Antiokia, nɛ a ba bɔni nihi nɛ he Yesu ye ɔ ní tsɔɔmi ke, “Ke a pui nyɛ kaa bɔ nɛ Mose mlaa a tsɔɔ ɔ, a be nyɛe ma he nyɛ yi wami.”

Yuda 1:3

Ye nyɛmimɛ nɛ i suɔ! Jinɛ i ngɛ mɔde bɔe nɛ ma ngma nyɛ womi, nɛ wɔ tsuo wa yi wami hemi sane ɔ, ma tsɔɔ nyɛ nya saminya. Se i na kaa e hia kaa ma ngma nyɛ nɔuu ngɛ nɔ́ kpa he mohu. Lɔ ɔ he ɔ, i kɛ womi nɛ ɔ ngɛ nyɛ mumi mi he wami woe, konɛ hemi kɛ yemi ɔ nɛ Mawu ngɔ ha e nihi nɛ e hla mɛ si kake nyɔngloo ɔ, nyɛɛ hɛɛ mi wawɛɛ.

Yakobo 3:2

Wɔ tsuo wa pɔɔ tɔmi peemi babauu. Se ke nɔ ko tɔ we ngɛ munyu tumi mi ɔ, lɛɛ nɔmlɔ nɛ hi kɛ pi si ji lɛ, nɛ e ma nyɛ maa ye e nɔmlɔ tso ɔ tsuo nɔ hulɔ.

Galatabi 2:9

Yakobo, Petro, kɛ Yohane nɛ a buu mɛ kaa asafo ɔ mi titimahi ɔ na paa kaa Mawu dloo mi babauu, nɛ e tu ní tsumi pɔtɛɛ nɛ ɔ ngɔ wo ye dɛ; lɔ ɔ he ɔ, mɛ hu a sa i kɛ Barnaba wa dɛ mi kɛ he wɔ atuu kaa nihi nɛ kɛ mɛ ngɛ ní tsumi kake tsue. Wa ma nya si kaa i kɛ Barnaba maa ya ma je li ɔmɛ a ngɔ, konɛ mɛɛ lɛɛ a ya Yuda bi ɔmɛ a ngɔ.

Galatabi 2:7

Mohu ɔ, a na paa kaa ní tsumi pɔtɛɛ nɛ Mawu ha mi ji kaa ma fiɛ sane kpakpa a ha ma je li kaa bɔ nɛ a hla Petro kaa e fiɛ sane kpakpa a ha Yuda bi ɔ.

Galatabi 2:5

Akɛnɛ wa suɔ kaa nyɛ nine nɛ su anɔkuale ɔ tsuo nɛ ngɛ sane kpakpa a mi ɔ nɔ sisiisi he je ɔ, wa ngɔɛ a munyu ɔ.

2 Korintobi 12:11

I ngɛ ye ní pee kaa kuasia; se nyɛ lɛ nyɛ pee mi jã. Nyɛ lɛ nyɛ ko je ye yi; ejakaa ke i pi nɔ ko tete po, jamɛ a ni ɔmɛ nɛ nyɛ buu mɛ bɔfo nguahi ɔ, a pi mi ngɛ nɔ́ ko nɔ́ ko mi.

Mateo 16:23

Se Yesu plɛ e he nɛ e de Petro ke, “Jee ye nɔ kɛ ya se, Satan! O ngɛ ye nane kpatae. Ejakaa juɛmi nɛ ngɛ o yi mi ɔ, pi Mawu ngɔ nɛ e je, se nɔmlɔ adesa.”

2 Korintobi 11:5

Jamɛ a nimli ɔmɛ nɛ nyɛ buu mɛ kaa mɛɛ lɛɛ bɔfo nguahi ji mɛ ɔ, i he ye kaa a pi mi ngɛ nɔ́ ko nɔ́ ko mi.

Ni Tsumi 11:19

Stefano gbenɔ se ɔ, a bɔni nihi nɛ he Nyɔmtsɛ Yesu ye ɔ yi mi wami wawɛɛ. Enɛ ɔ ha nɛ a ti ni komɛ tu fo kɛ ho Foinike, Kipro, kɛ Antiokia tɔɔ ya. A fiɛ we munyu ɔ kɛ ha we nɔ ko nɔ ko pe Yuda bi kɛkɛ.

Yona 4:9

Se Mawu bi Yona ke, “E da ha mo kaa o mi mi fuɔ tso nɛ ɔ lo?” Yona he nɔ ke, “I ngɛ he blɔ kaa ye mi mi fuɔ kɛ ya siɔ gbenɔ mi po.”

Yona 1:3

Se Yona pue he kpa blɔ mohu, konɛ e tu fo kɛ je Yawɛ hɛ mi. E ho Yopa ya nɛ e ya na lɛ ko nɛ yaa Spania. E wo hiɔ, nɛ e sɛ lɛ ɔ mi konɛ e kɛ ni ɔmɛ nɛ ya Spania, nɛ e laa Yawɛ.

Yeremia 1:17

Yeremia, moo mia! Yaa nɛ o ya de mɛ nɔ́ tsuaa nɔ́ nɛ i fa mo ke o de ɔ. Koo ye gbeye; ke pi ja a, ke o ya da a hɛ mi ɔ, ma ha nɛ sawale nɛ nya wa maa nu mo.

Mose IV, 20:12

Se Yawɛ de Mose kɛ Aaron ke, “Akɛnɛ hemi kɛ yemi nɛ nyɛ ngɛ kɛ ha mi ɔ pi, bɔ nɛ nyɛ ma nyɛ maa ye ye he wami klɔuklɔu ɔ he odase kɛ tsɔɔ Israel bi ɔmɛ he je ɔ, nyɛ be ma kpekpemi nɛ ɔ hɛ mi nyɛɛe kɛ ya su zugba nɛ i ngɔ ha mɛ ɔ nɔ.”

Yohane 1:42

Kɛkɛ nɛ e ngɔ Simon kɛ ya Yesu ngɔ. Yesu hyɛ Simon too, nɛ e de lɛ ke, “Tse mo ji Yohane bi Simon ɔ. Jehanɛ lɛɛ a ma tsɛ mo Kefa.” (E sisi ji Petro, loo tɛ sa.)

Ni Tsumi 11:20

Se a ti ni komɛ nɛ je Kipro kɛ Kirene lɛɛ a pue nɔ kɛ ho Antiokia ya ya fiɛ sane kpakpa a nɛ kɔɔ Nyɔmtsɛ Yesu he ɔ kɛ tsɔɔ Hela bi hulɔ.

Ni Tsumi 11:22

Asafo ɔ nɛ ngɛ Yerusalem ɔ nu sane nɛ ba nɛ ɔ. Lɔ ɔ he ɔ, a tsɔ Barnaba Antiokia.

Ni Tsumi 11:27

Maa pee jamɛ a be ɔ mi nɔuu ɔ, gbali komɛ je Yerusalem kɛ ba Antiokia.

Ni Tsumi 15:5

Se Farisi bi komɛ nɛ he ye ɔ, a ti ni komɛ te si nɛ a de ke, “Ja a po ma je li ɔmɛ, nɛ a ha a ye Mose mlaa a nɔ.”

Galatabi 1:18

Jeha etɛ se loko i ya Yerusalem ya na Petro, nɛ i ye ligbi nyɔngma kɛ enuɔ ngɛ e ngɔ.