Galatabi 2:1 - BAIBLO ALOO NGMAMI KLƆUKLƆU Ɔ

¹ Jeha nyɔngma kɛ eywiɛ se ɔ, i kɛ Barnaba kpale kɛ ya Yerusalem ekohu, nɛ i ngɔ Tito hu ngɔ piɛ ye he.

Somi He Ɔ

¹ Kɛkɛ nɛ, lɔ ɔ se jeha nyɔngma kɛ eywiɛ sɔuu ɔ, i kɛ Barnaba kpale kɛ ya Yerusalem, nɛ i ngɔ Tito hu ngɔ piɛ ye he.

Galatabi 2:1 ပူးပေါင်းရင်းမြစ်များ

Galatabi 2:3

Tito nɛ i kɛ lɛ ngɛ ní tsue ɔ, nɔ ko nyɛ́ e nɔ doo ke a po lɛ, pohu Hela no ji lɛ.

Tito 1:4

I ngɛ womi nɛ ɔ ngmae ha mo Tito, ye bi nitsɛnitsɛ ngɛ hemi kɛ yemi kake ɔ nɛ i kɛ mo tsuo wa hɛɛ mi ɔ mi. Dloomi kɛ he jɔmi nɛ je Tsɛ Mawu ɔ, kɛ wa kpɔlɔ Kristo Yesu dɛ mi ɔ ha mo!

Kolosebi 4:10

Aristarko nɛ a wo i kɛ lɛ tsuo tsu ɔ ke e biɔ nyɛ. Barnaba nyɛmi Marko hu ke e biɔ nyɛ. Nyɛ nine su womi nɔ momo kaa ke Marko ba nyɛ ngɔ ɔ, nyɛ he lɛ atuu.

Galatabi 2:13

Yuda bi nɛ piɛ ɔ hu pee jamɛ a osato ɔ, nɛ Barnaba tete po a gbla lɛ kɛ wo osato peemi nɛ ɔ mi.

Galatabi 1:18

Jeha etɛ se loko i ya Yerusalem ya na Petro, nɛ i ye ligbi nyɔngma kɛ enuɔ ngɛ e ngɔ.

2 Korintobi 8:23

Tito ɔ, ye he piɛlɔ ji lɛ, nɛ i kɛ lɛ tsuo nɛ ngɛ ní tsue konɛ e hi ha nyɛ. Nyɛmimɛ enyɔ kpa amɛ nɛ piɛ e he ɔ lɛɛ asafo ɔmɛ a tsɔli ji mɛ, nɛ a ní tsumi woɔ Kristo hɛ mi nyami.

2 Korintobi 8:16

Wa naa Mawu si kaa e ha Tito suɔmi kɛ gɛjɛmi nɛ e kɛ maa ye bua nyɛ kaa bɔ nɛ i ngɛ pee ɔ.

1 Korintobi 9:6

Aloo i kɛ Barnaba kɛkɛ nɛ e sa kaa wa tsu ní loko waa ye ní?

Ni Tsumi 15:25

Lɔ ɔ he ɔ, wa pee kpe, nɛ wɔ tsuo wa ma nya si kaa waa hia ni komɛ pɔtɛɛ nɛ waa tsɔ mɛ nyɛ ngɔ. A maa piɛ Barnaba kɛ Paulo nɛ wa suɔ mɛ saminya a a he kɛ ba.

Ni Tsumi 14:12

A wo Barnaba biɛ ke Zeus, nɛ Paulo lɛɛ a tsɛ lɛ Herme; ejakaa lɛ titli lɛ e ngɛ munyu ɔ tue. Hela bi a jemɛ a wɔ nguaa ji Zeus; nɛ jemɛ a wɔ ɔmɛ a tsɔlɔ ji Herme.

Ni Tsumi 13:50

Se Yuda bi ɔmɛ wo ma nimeli ɔmɛ, kɛ ma je li yihi Mawu jali nɛ ngɛ biɛ ɔ a yi mi, nɛ a te si kɛ wo Paulo kɛ Barnaba. A wa mɛ yi mi, nɛ a fie mɛ kɛ je a kpokpa amɛ a nɔ.

Ni Tsumi 13:2

Benɛ kaseli ɔmɛ ngɛ Nyɔmtsɛ ɔ jae, nɛ a ngɛ hwɔ hae ɔ, Mumi Klɔuklɔu ɔ de mɛ ke, “Nyɛɛ hla Barnaba kɛ Saulo ngɔ ha mi, konɛ a tsu ní tsumi nɛ i tsɛ mɛ ngɛ he ɔ.”

Ni Tsumi 12:25

Benɛ Barnaba kɛ Saul ya gbe ní tsumi nɛ a tu ngɔ wo a dɛ ɔ nya a, a kpale kɛ je Yerusalem, a ngɔ Yohane, nɔ nɛ a tsɛɛ lɛ Marko hulɔ ɔ ngɔ piɛ a he kɛ ba.

Ni Tsumi 11:30

A pee ja niinɛ, nɛ a ngɔ sika a kɛ mane asafo nikɔtɔma amɛ kɛ gu Barnaba kɛ Saulo a nine nɔ.

Ni Tsumi 11:25

Jehanɛ Barnaba pue nɔ kɛ ho Tarso ya ya hla Saulo.

2 Korintobi 2:13

Se i hao, ejakaa i nɛ wa nyɛmi Tito. Lɔ ɔ he ɔ, i kɛ mɛ ye sɛ, nɛ i pue nɔ kɛ ho Makedonia ya.

Galatabi 2:9

Yakobo, Petro, kɛ Yohane nɛ a buu mɛ kaa asafo ɔ mi titimahi ɔ na paa kaa Mawu dloo mi babauu, nɛ e tu ní tsumi pɔtɛɛ nɛ ɔ ngɔ wo ye dɛ; lɔ ɔ he ɔ, mɛ hu a sa i kɛ Barnaba wa dɛ mi kɛ he wɔ atuu kaa nihi nɛ kɛ mɛ ngɛ ní tsumi kake tsue. Wa ma nya si kaa i kɛ Barnaba maa ya ma je li ɔmɛ a ngɔ, konɛ mɛɛ lɛɛ a ya Yuda bi ɔmɛ a ngɔ.