Galatabi 1:9 - BAIBLO ALOO NGMAMI KLƆUKLƆU Ɔ

⁹ Wa de enɛ ɔ momo, se i ngɛ mi tie ekohu. I ngɛ dee ke, ke nɔ ko ba fiɛ sane kpakpa muno ko ngɛ nɔ́ nɛ nyɛ he ye momo ɔ se ɔ, jamɛ a nɔ ɔ, musu tloo lɛ!

Somi He Ɔ

⁹ Kaa bɔ nɛ wa de momo ɔ, ja nɔuu i ngɛ dee ekohu ke: Ke nɔ ko ba ba jaje sane kpakpa kpa ko tsɔɔ nyɛ ngɛ nɔ́ nɛ nyɛ he nɛ ɔ se ɔ, jamɛ a tsɛ ɔ e pee musutsɛ!

Galatabi 1:9 ပူးပေါင်းရင်းမြစ်များ

Romabi 16:17

Ye nyɛmimɛ, i kpa nyɛ pɛɛ, nihi nɛ teɔ si kɛ siɔ níhi nɛ wa tsɔɔ nyɛ, nɛ a ngɛ nyɛ tue puɛe, nɛ a kɛ mi gbami ngɛ asafo ɔ mi bae ɔ, nyɛ hɛ nɛ hi nyɛ he ngɛ a he, nɛ nyɛɛ kɛ mɛ ko bɔ.

Abɛ Womi 30:6

Koo ngɔ nɔ́ ko kɛ piɛ Mawu munyu ɔmɛ a he. Ke o pee ja a, Mawu ma ka o hɛ mi, nɛ nihi tsuo maa na kaa lakpatsɛ ji mo.”

Mose V, 4:2

Nyɛ ko ngɔ nɔ́ ko kɛ piɛ mlaa nɛ i ngɛ nyɛ woe nɛ ɔ he; nɛ nyɛ ko je nɔ́ ko kɛ je mi; nyɛɛ ye Yawɛ, nyɛ Mawu ɔ mlaa amɛ nɛ i ngɛ nyɛ woe nɛ ɔ a nɔ pɛpɛɛpɛ.

Mose V, 12:32

“Nyɛɛ hyɛ saminya nɛ nyɛɛ ye mlaa amɛ tsuo nɛ i ngɛ nyɛ woe nɛ ɔ a nɔ fitsofitso. Nyɛ ko je nɔ́ ko kɛ je mi ɔ, nyɛ ko ngɔ nɔ́ ko nɔ́ ko kɛ piɛ he hulɔ.

2 Korintobi 1:17

Blɔɔ nɛ i tsake ye yi mi tomi ɔ, anɛ yi mi flɛflɛ i kɛ pee lo? Ke i ngɛ ye yi mi toe ɔ, anɛ i peeɔ ye ní kaa yaka nɔ ko kɛkɛ nɛ deɔ “Ee” kɛ “Dɛbi” be kake too lo?

Filipibi 3:1

Nyagbe ɔ, ye nyɛmimɛ nɛ nyɛ ngɛ Nyɔmtsɛ ɔ mi nyɛ bua nɛ jɔ. Pɔ tɔɛ ye he kaa ma ngma nyɛ ní nɛ ɔmɛ ekohu; ejakaa lɔ ɔ ma ha nɛ nyɛ maa le nyɛ he nɔ hyɛmi.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!

Yeremia 23:16

Yawɛ Tabohiatsɛ ɔ de Yerusalem ma mi bi ɔmɛ ke, “Nyɛ ko bu munyuhi nɛ gbali ɔmɛ ngɛ tue ɔ tue; sisimi a ngɛ nyɛ sisie ɔ nɛ. Ninahi nɛ a jeɔ kɛ tsɔɔ nyɛ ɔ, mɛ nitsɛmɛ a yi mi e je; pi imi Yawɛ ye nya mi munyuhi ji lɔ ɔmɛ.

Ni Tsumi 18:23

E hi lejɛ ɔ be bɔɔ ko; lɔ ɔ se ɔ, e pue nɔ ekohu, nɛ e ya kpa Galatia, kɛ Frigia ní ɔmɛ a mi, nɛ e wo nihi nɛ he ye ɔ tsuo he wami.

Romabi 9:3

ngɛ ye nyɛmimɛ ɔmɛ a he. Ye weku li ji mɛ ngɛ he lo nya, nɛ i ko suɔ kaa ngɛ mɛɛ a he ɔ, a bu mi musutsɛ, nɛ a po mi kɛ je Kristo he.