Galatabi 1:7 - BAIBLO ALOO NGMAMI KLƆUKLƆU Ɔ

⁷ Oo, nyɛ bu kaa sane kpakpa kpa ko ngɛ he ko! Pe i de ja kɛkɛ; ejakaa ni komɛ ngɛ nyɛ kpɛti nɛ a ngɛ nyɛ tue puɛe; a ngɛ hlae kaa a ma tsake sane kpakpa a nɛ kɔɔ Kristo he ɔ hɛ mi.

Somi He Ɔ

⁷ nɛ kɛ ɔ, ekpa ko be, mohu ni komɛ ngɛ nɛ ngɛ nyɛ yi mi puee, nɛ a ngɛ hlae kaa a plɛ Kristo sane kpakpa a hɛ mi ngɔ bu si.

Galatabi 1:7 ပူးပေါင်းရင်းမြစ်များ

Yeremia 23:26

Mɛni be gbali nɛ ɔmɛ maa ye lakpa kɛ yaa si? A deɔ níhi nɛ be mi nɛ a kɛ sisiɔ ye ma a.

Yeremia 23:36

Se ‘Yawɛ tlomi’ ɔ lɛɛ, nyɛ ko wo nɔ ta; nɔ tsuaa nɔ munyu maa pee nɔ ɔ nitsɛ tlomi. Mawu hɛ kalɔ ɔ, Yawɛ Tabohiatsɛ, wa Mawu ɔ munyu ɔmɛ lɛɛ nyɛ tsake a hɛ mi.

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Ni Tsumi 13:10

nɛ e de ke, “Abosiami nitsɛnitsɛ ji mo! Nɔ́ kpakpa tsuaa nɔ́ kpakpa he nyɛlɔ! Ní yayamihi pɛ a he o susuu! Be tsuaa be ɔ, o bɔɔ mɔde kaa o ma tsake Nyɔmtsɛ ɔ anɔkuale munyu ɔ hɛ mi kɛ pee lakpa!

Ni Tsumi 15:24

Wa nu kaa wa ti ni komɛ ba nyɛ ngɔ ba doo nyɛ nya kɛ munyu komɛ, nɛ a kɛ puɛ nyɛ juɛmi, pohu wa ha we mɛ mlaa ko ke a ba wo nyɛ.

Ni Tsumi 20:30

Nyɛ nitsɛmɛ nyɛ kpɛti hu nihi maa ye lakpa kɛ puɛ nyɛmimɛ ɔmɛ a tue kɛ ya nyɛɛ a se.

2 Korintobi 11:13

Kikɛmɛ a nimli nɛ ɔmɛ ɔ, lakpa bɔfohi ji mɛ; tsa pi anɔkuale bɔfohi ji mɛ. A ní tsumi ji kaa a hi kpae, nɛ a hi nɔ sisie. A tsakeɔ a he, konɛ nihi nɛ na mɛ kaa Kristo nitsɛ e bɔfohi.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

Galatabi 1:6

Nyɛ he pee mi nyakpɛ. Hyɛ kaa e yi be ko kulaa nɛ nɔ nɛ tsɛ nyɛ kɛ gu Kristo dloomi ɔ nɔ ɔ, nyɛ kua lɛ, nɛ nyɛ ya ngɛ sane kpakpa kpa se nyɛɛe.

Galatabi 2:4

Se nyɛmimɛ ɔmɛ a ti lakpatsɛmɛ komɛ gu ga blɔ nɔ kɛ sɛ asafo ɔ mi nigii kɛ ngɛ hlae nɛ a hyɛ bɔ nɛ a maa pee kɛ puɛ he yemi nɛ Kristo ha wɔ ɔ, konɛ a ye wɔ nyɔguɛ.

Galatabi 4:17

Ni ɔmɛ nɛ ngɛ nyɛ hɛ mi hae ɔ, nyɛ bu kaa a suɔ nyɛ; a be nyɛ he juɛmi kpakpa. A ngɛ hlae nɛ a puɛ i kɛ nyɛ wa kpɛti, konɛ nyɛ gbo mɛ mohu a he dengme.

Galatabi 5:10

Se imi lɛɛ i ngɔ ye hɛ ngɔ fɔ nyɛ nɔ. I le kaa nyɛ be nɔ kpa ko munyu nue. Nɔ tutuutu nɛ ngɛ nyɛ tue puɛe ɔ, Mawu maa gbla e tue kokooko!

Galatabi 5:12

Nihi nɛ ngɛ nyɛ tue puɛe kikɛ nɛ ɔ, i na nɛ a puɛ mɛ, loo a ta mɛ nitsɛmɛ a he kɛkɛ nɛ e jɔ!

Galatabi 6:17

Kɛ je mwɔnɛ ɔ kɛ yaa a, nɔ ko kó doo ye nya hu. Yesu nɔ́ nami okadihi ngɛ ye nɔmlɔ tso ɔ he.

2 Timoteo 2:18

A tla blɔ kɛ je anɔkuale ɔ he, nɛ a ngɛ dee ke be ɔ nɛ gbogboehi maa te si kɛ je gbeje ɔ be momo. A ngɔ munyu nɛ ɔmɛ kɛ ngɛ Kristo we bi babauu a hemi kɛ yemi hɛ mi kpatae.

1 Yohane 2:26

I ngɛ nyɛ womi nɛ ɔ ngmae ngɛ nihi nɛ hlaa kaa a puɛ nyɛ tue ɔ a he.

1 Yohane 4:1

Ye nyɛmimɛ nɛ i suɔ, nyɛ ko he nɔ tsuaa nɔ ko kɛkɛ nɛ deɔ ke e ná Mawu mumi ɔ nyɛɛ ye. Se mohu nyɛɛ ka nɔ tsuaa nɔ nɛ nyɛɛ hyɛ kaa mumi nɛ e ngɛ ɔ je Mawu ngɔ lo. Ejakaa je ɔ hyi tɔ kɛ lakpa gbali sɔuu.

2 Yohane 1:10

Lɔ ɔ he ɔ, ke nɔ ko ba nyɛ ngɔ, nɛ e ba tsɔɔ we ní kaa bɔ nɛ Kristo tsɔɔ ɔ, nyɛ ko he lɛ atuu, nɛ nyɛ ba de lɛ ke, “He manye!” tete po.

2 Yohane 1:7

Sisili fuu ngɛ je ɔ mi he tsuaa he. Mɛ ji nihi nɛ kplɛɛ we kaa Yesu Kristo ba je ɔ mi kaa nɔmlɔ adesa. Nimli kaa kikɛ nɛ ɔ ji sisili, kɛ Kristo he nyɛli ɔ nɛ.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

Kpojemi 12:9

A sake sinɔ nguaa a ngɔ fɔ he. Ee, jamɛ a blema sinɔ nguaa a nɛ a tsɛɛ lɛ Abosiami, loo Satan nɛ sisi nihi tsuo ngɛ je ɔ mi ɔ, a sake lɛ kɛ e bɔfo ɔmɛ tsuo ngɔ fɔ je ɔ mi.

Kpojemi 13:14

Mawu ngmɛ lohwe awi yelɔ enyɔne ɔ blɔ nɛ e pee nyakpɛ níhi ngɛ kekleekle lohwe ɔ hɛ mi. Kɛ gu nyakpɛ ní nɛ ɔmɛ a nɔ ɔ, e sisiɔ nihi tsuo nɛ ngɛ je ɔ mi ɔ, nɛ e haa a peeɔ yayami. E nyɛ a nɔ nɛ a puɛ amaga nɛ ngɛ kaa lohwe awi yelɔ kake ɔ nɛ a kɛ klaate plaa lɛ wawɛɛ se e gbo we ɔ.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Kpojemi 2:2

I le ní nɛ o tsuɔ, dengme nɛ o gboɔ, kɛ bɔ nɛ o toɔ o tsui si. I le hu kaa o ha we yayami peeli hɛ mi. Nihi nɛ tsɛɔ a he bɔfohi, se pi bɔfohi ji mɛ ɔ, bɔ nɛ o ka mɛ, nɛ o na kaa lakpatsɛmɛ ji mɛ ɔ, i le lɛ tsuo pɛpɛɛpɛ.

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.

Kpojemi 2:6

Se kɛ̃ ɔ, nɔ́ kake nɛ o pee nɛ hi ji kaa ní nɛ Nikolai bi ɔmɛ ngɛ tsue ɔ, o nyɛɛ kaa bɔ nɛ imi hu i nyɛɛ ɔ nɔuu.

Kpojemi 20:3

Kɛkɛ nɛ e hɛ lɛ ngɔ fɔ muɔ voo ɔ mi, nɛ e nga sinya ngɔ wo e yi, nɛ e sɔu muɔ ɔ nya, konɛ e hi lejɛ ɔ jeha akpe. Jamɛ a be ɔ, e be nyɛe maa sisi je ma amɛ hu. Jeha akpe ɔ se ɔ, a maa pɛne lɛ be bɔɔ ko.