Filipibi 4:9 - BAIBLO ALOO NGMAMI KLƆUKLƆU Ɔ

⁹ Nihi nɛ nyɛ kase kɛ je ye nya, kɛ níhi nɛ nyɛ nu, nɛ nyɛ na ngɛ ye he ɔ, lɔ ɔmɛ nyɛɛ pee; nɛ he jɔmi Mawu ɔ kɛ nyɛ maa hi si.

Somi He Ɔ

⁹ Nihi hu nɛ nyɛ kase nɛ nyɛ pɛtɛ he nɛ nyɛ nu nɛ nyɛ na ngɛ ye he ɔ, kɔlɔ ɔmɛ nɔuu nyɛɛ pee, nɛ he jɔmi Mawu ɔ kɛ nyɛ maa hi si.

Filipibi 4:9 ပူးပေါင်းရင်းမြစ်များ

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Yesaya 8:10

Nyɛɛ to nyɛ ga amɛ! Se a maa pee yaka. Nyɛ de nɔ́ tsuaa nɔ́ nɛ nyɛ suɔ! Se enɛ ɔmɛ tsuo maa pee yaka, ejakaa Mawu kɛ wɔ ngɛ.

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Mateo 7:21

“Pi nɔ tsuaa nɔ nɛ tsɛɔ mi ‘Nyɔmtsɛ, Nyɔmtsɛ’ ɔ ji nɔ nɛ maa sɛ hiɔwe matsɛ yemi ɔ mi; se mohu nɔ nɛ peeɔ Tsaatsɛ nɛ ngɛ hiɔwe ɔ suɔmi nya ní.

Luka 6:46

“Mɛni he je nyɛ tsɛɔ mi ‘Nyɔmtsɛ’, se níhi nɛ i deɔ nyɛ ke nyɛɛ pee lɛɛ nyɛ pee we ɔ?

Luka 8:21

Yesu de ni ɔmɛ tsuo ke, “Maa, kɛ ye nyɛmimɛ ji nihi nɛ nuɔ Mawu munyu ɔ, nɛ a yeɔ nɔ.”

Yohane 13:17

Amlɔ nɛ ɔ nɛ nyɛ na le anɔkuale ɔ, ke nyɛ tsu e nya ní ɔ, a gbaa nyɛ!

Yohane 15:14

Ke nyɛ pee nɔ́ nɛ i de nyɛ ke nyɛɛ pee ɔ, lɔ ɔ lɛɛ ye huɛmɛ ji nyɛ.

Yohane 2:5

Jehanɛ ɔ Yesu nyɛ de tsɔli ɔmɛ ke, “Nɔ́ tsuaa nɔ́ nɛ e ma de nyɛ ɔ, nyɛɛ pee.”

Ni Tsumi 9:6

Tee si ngɛ zugba, nɛ o ya ma a mi, nɛ a maa tsɔɔ mo nɔ́ nɛ sa kaa o pee!”

Romabi 15:33

He jɔmi Mawu ɔ kɛ nyɛ tsuo nɛ hi si. Amen!

Romabi 16:20

E be kɛe kulaa nɛ he jɔmi Mawu ɔ ma kpata Abosiami hɛ mi, nɛ wa maa ye e nɔ. Wa Nyɔmtsɛ Yesu Kristo dloomi ɔ kɛ nyɛ nɛ hi si.

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

1 Korintobi 14:33

Mawu sume basabasa, se mohu tue mi jɔmi e suɔ. Bɔ nɛ níhi ngɛ ngɛ Mawu we asafo ɔmɛ tsuo a mi ji nɛ ɔ nɛ.

1 Korintobi 4:16

Lɔ ɔ he ɔ, i kpa nyɛ pɛɛ nɛ nyɛ wo ye nane.

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

Mose V, 5:1

Mose bua Israel ma a tsuo nya, nɛ e de mɛ ke, “Israel bi, nyɛɛ bu mlaa nɛ ɔmɛ tsuo nɛ i ngɛ nyɛ woe mwɔnɛ ligbi nɛ ɔ tue. Nyɛɛ kase mɛ nɛ nyɛɛ hyɛ nɛ nyɛɛ ye a nɔ.

Filipibi 3:17

Ye nyɛmimɛ, nyɛ wo ye nane. Okadi kpakpa nɛ wa to nyɛ ɔ, nihi tsuo nɛ peeɔ ja a, nyɛɛ kase mɛ.

Filipibi 4:7

Nɛ Mawu he jɔmi nɛ pã adesa juɛmi tsuo ɔ maa bu nyɛ tsui, kɛ nyɛ juɛmi he ngɛ Kristo Yesu mi.

1 Tesalonikabi 1:6

Nyɛ kase waa kɛ Nyɔmtsɛ ɔ tsuo, ejakaa benɛ a ngɛ nyɛ yi mi wae ɔ, Mawu Klɔuklɔu ɔ wo nyɛ he wami, nɛ nyɛɛ kɛ bua jɔmi he sɛ gbi ɔ.

1 Tesalonikabi 2:14

Nyɛmimɛ, nɔ́ nɛ pee nyɛ nɛ ɔ, lɔ ɔ nɔuu nɛ pee Mawu asafo ɔmɛ nɛ ngɛ Yudea a mi bi nɛ ngɔ a he ngɔ ha Kristo Yesu ɔ. Nyɛ na amanehlu ngɛ nyɛ nitsɛmɛ nyɛ ma mi bi a dɛ mi kaa bɔ nɛ mɛ hu a na amanehlu ngɛ Yuda bi a dɛ mi ɔ.

1 Tesalonikabi 5:23

Mawu, nɔ nɛ haa wɔ he jɔmi ɔ, lɛ nitsɛ nɛ tsukɔ nyɛ he kulaa kɛ pi si. E hyɛ nyɛ mumi, nyɛ klaa, kɛ nyɛ nɔmlɔ tso ɔ kulaa nɔ nɛ piami ko kó hi he be mi nɛ wa Nyɔmtsɛ Yesu Kristo maa ba a.

2 Tesalonikabi 3:4

Nyɔmtsɛ ɔ ha wa he nyɛ ye saminya. Enɛ ɔ he je ɔ, wa ngɛ nɔ mi mami kaa nɔ́ nɛ wa de ke nyɛɛ pee ɔ, nyɛ ngɛ pee, nɛ nyɛ maa ya nɔ maa pee.

2 Timoteo 4:22

Wa Nyɔmtsɛ Yesu Kristo nɛ gbaa mo. Mawu dloomi ɔ kɛ nyɛ nɛ hi si!

Yakobo 1:22

Nyɛ ko sisi nyɛ he kaa nyɛ maa bu munyu ɔ tue kɛkɛ; mohu nyɛɛ pee munyu ɔ nɔ yeli.

2 Petro 1:10

Lɔ ɔ he ɔ, nyɛmimɛ, nyɛɛ ya nɔ nɛ nyɛɛ bɔ mɔde, konɛ nyɛɛ ma nɔ mi kaa niinɛ, nihi nɛ Mawu tsɛ, nɛ e hla ji nyɛ. Ke nyɛ pee ja a, nyɛ be si gbee ngɛ hemi kɛ yemi ɔ nɛ nyɛ na a mi gblegbleegble.

1 Yohane 3:22

Nɔ́ tsuaa nɔ́ nɛ wa bi lɛ ɔ, e haa wɔ, ejakaa wa yeɔ e mlaa amɛ a nɔ, nɛ wa peeɔ níhi nɛ sa e hɛ mi.